| Library / Tipiṭaka / તિપિટક • Tipiṭaka / વજિરબુદ્ધિ-ટીકા • Vajirabuddhi-ṭīkā |
૨. ઊનપઞ્ચબન્ધનસિક્ખાપદવણ્ણના
2. Ūnapañcabandhanasikkhāpadavaṇṇanā
૬૧૨-૩. બહૂ પત્તે વિઞ્ઞાપેન્તીતિ એકમેકં વિઞ્ઞાપેન્તા બહૂ ભિક્ખૂ બહૂ પત્તે વિઞ્ઞાપેન્તિ, બહૂ વા ભિક્ખૂ પત્તે વિઞ્ઞાપેન્તીતિ અત્થો. ‘‘ન, ભિક્ખવે, પત્તો વિઞ્ઞાપેતબ્બો, યો વિઞ્ઞાપેય્ય, આપત્તિ દુક્કટસ્સા’’તિ ઇદં સિક્ખાપદં ઊનપઞ્ચબન્ધનેન સમૂહતં હોતિ ન હોતીતિ? ન હોતિ તમેવ ગહેત્વા ‘‘વિઞ્ઞાપેતિ, પયોગે દુક્કટ’’ન્તિ વુત્તત્તાતિ એકે. પટિલાભમ્પિ પરિયાદિયિત્વા તં દુક્કટં વુત્તં, તસ્મા તં ‘‘પટિલાભેન નિસ્સગ્ગિયો હોતી’’તિ ઇમિના સમૂહતં હોતિ. અઞ્ઞથા સદુક્કટં નિસ્સગ્ગિયં આપજ્જતિ અનાપત્તિવારવિરોધો ચ. યા કાચિ પન અકતવિઞ્ઞત્તિ અનનુઞ્ઞાતકાલે દુક્કટમેવ. ભિન્નેનાતિ ઇત્થમ્ભૂતલક્ખણે, ભેદેનાતિ વા અત્થો, હેત્વત્થે કરણવચનં.
612-3.Bahū patte viññāpentīti ekamekaṃ viññāpentā bahū bhikkhū bahū patte viññāpenti, bahū vā bhikkhū patte viññāpentīti attho. ‘‘Na, bhikkhave, patto viññāpetabbo, yo viññāpeyya, āpatti dukkaṭassā’’ti idaṃ sikkhāpadaṃ ūnapañcabandhanena samūhataṃ hoti na hotīti? Na hoti tameva gahetvā ‘‘viññāpeti, payoge dukkaṭa’’nti vuttattāti eke. Paṭilābhampi pariyādiyitvā taṃ dukkaṭaṃ vuttaṃ, tasmā taṃ ‘‘paṭilābhena nissaggiyo hotī’’ti iminā samūhataṃ hoti. Aññathā sadukkaṭaṃ nissaggiyaṃ āpajjati anāpattivāravirodho ca. Yā kāci pana akataviññatti ananuññātakāle dukkaṭameva. Bhinnenāti itthambhūtalakkhaṇe, bhedenāti vā attho, hetvatthe karaṇavacanaṃ.
ઊનપઞ્ચબન્ધનસિક્ખાપદવણ્ણના નિટ્ઠિતા.
Ūnapañcabandhanasikkhāpadavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૨. ઊનપઞ્ચબન્ધનસિક્ખાપદં • 2. Ūnapañcabandhanasikkhāpadaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૨. ઊનપઞ્ચબન્ધનસિક્ખાપદવણ્ણના • 2. Ūnapañcabandhanasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૨. ઊનપઞ્ચબન્ધનસિક્ખાપદવણ્ણના • 2. Ūnapañcabandhanasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૨. ઊનપઞ્ચબન્ધનસિક્ખાપદવણ્ણના • 2. Ūnapañcabandhanasikkhāpadavaṇṇanā
