| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. உபாதா³னஸுத்தவண்ணனா
2. Upādānasuttavaṇṇanā
52. ஆரம்மணாதி³பா⁴வேன ஸங்வத்தனதோ உபாதா³னானங் ஹிதானி உபாதா³னியானி, தேஸு உபாதா³னியேஸு. தேனாஹ ‘‘சதுன்னங் உபாதா³னானங் பச்சயேஸூ’’தி. அஸ்ஸாத³ங் அனுபஸ்ஸந்தஸ்ஸாதி அஸாதே³தப்³ப³ங் மிச்சா²ஞாணேன அனுபஸ்ஸதோ. ததா³ஹாரோதி ஸோளஸ வா வீஸங் திங்ஸங் சத்தாலீஸங் பஞ்ஞாஸங் வா ஆஹாரோ பச்சயோ ஏதஸ்ஸாதி ததா³ஹாரோ. அக்³கி³க்க²ந்தோ⁴ விய தயோ ப⁴வா ஏகாத³ஸஹி அக்³கீ³ஹி ஆதி³த்தபா⁴வதோ ஏததே³வ ப⁴வத்தயங். அக்³கி³…பே॰… புது²ஜ்ஜனோ அக்³கி³க்க²ந்த⁴ஸதி³ஸஸ்ஸ ப⁴வத்தயஸ்ஸ பரிப³ந்த⁴னதோ.
52. Ārammaṇādibhāvena saṃvattanato upādānānaṃ hitāni upādāniyāni, tesu upādāniyesu. Tenāha ‘‘catunnaṃ upādānānaṃ paccayesū’’ti. Assādaṃ anupassantassāti asādetabbaṃ micchāñāṇena anupassato. Tadāhāroti soḷasa vā vīsaṃ tiṃsaṃ cattālīsaṃ paññāsaṃ vā āhāro paccayo etassāti tadāhāro. Aggikkhandho viya tayo bhavā ekādasahi aggīhi ādittabhāvato etadeva bhavattayaṃ. Aggi…pe… puthujjano aggikkhandhasadisassa bhavattayassa paribandhanato.
கம்மட்டா²னஸ்ஸாதி விபஸ்ஸனாகம்மட்டா²னஸ்ஸ. தேனாஹ ‘‘தேபூ⁴மகத⁴ம்மேஸூ’’தி. த⁴ம்மபாஸாத³ந்தி லோகுத்தரத⁴ம்மபாஸாத³ங். ஸோ ஹி அச்சுக்³க³தட்டே²ன ‘‘பாஸாதோ³’’தி வுச்சதி. ஸதிபட்டா²னமஹாவீதி²யங் ப²லக்க²ணே பவத்தாயாதி.
Kammaṭṭhānassāti vipassanākammaṭṭhānassa. Tenāha ‘‘tebhūmakadhammesū’’ti. Dhammapāsādanti lokuttaradhammapāsādaṃ. So hi accuggataṭṭhena ‘‘pāsādo’’ti vuccati. Satipaṭṭhānamahāvīthiyaṃ phalakkhaṇe pavattāyāti.
உபாதா³னஸுத்தவண்ணனா நிட்டி²தா.
Upādānasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. உபாதா³னஸுத்தங் • 2. Upādānasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. உபாதா³னஸுத்தவண்ணனா • 2. Upādānasuttavaṇṇanā
