| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. உபாதா³பரிதஸ்ஸனாஸுத்தவண்ணனா
7. Upādāparitassanāsuttavaṇṇanā
7. க³ஹணேன உப்பன்னங் பரிதஸ்ஸனந்தி க²ந்த⁴பஞ்சகே ‘‘அஹங் மமா’’தி க³ஹணேன உப்பன்னங் தண்ஹாபரிதஸ்ஸனங் தி³ட்டி²பரிதஸ்ஸனஞ்ச. அபரிதஸ்ஸனந்தி பரிதஸ்ஸனாபா⁴வங், பரிதஸ்ஸனபடிபக்க²ங் வா. அஹு வத மேதங் ப³லயொப்³ப³னாதி³. கம்மவிஞ்ஞாணந்தி விபரிணாமாரம்மணங் தண்ஹாதி³ட்டி²ஸஹக³தங் விஞ்ஞாணங் தத³னுவத்தி ச. அனுபரிவத்தி நாம தங் ஆரம்மணங் கத்வா பவத்தி. தேனாஹ ‘‘விபரிணாமாரம்மணசித்ததோ’’தி. அகுஸலத⁴ம்மஸமுப்பாதா³தி தண்ஹாய அஞ்ஞாகுஸலத⁴ம்மஸமுப்பாதா³. பரியாதி³யித்வாதி கே²பெத்வா, தஸ்ஸ பவத்திதுங் ஓகாஸங் அத³த்வா. ஸஉத்தாஸோதி தண்ஹாதி³ட்டி²வஸேன ஸஉத்தாஸோ. க³ண்ஹித்வாதி தண்ஹாதி³ட்டி²க்³கா³ஹேஹி க³ஹெத்வா தேஸஞ்சேவ வஸேன பரிதஸ்ஸகோ. ரூபபே⁴தா³னுபரிவத்தி சித்தங் ந ஹோதி. வட்டதீதி ஸப்³பா³காரேன வத்துங் யுத்தந்தி அத்தோ².
7.Gahaṇenauppannaṃ paritassananti khandhapañcake ‘‘ahaṃ mamā’’ti gahaṇena uppannaṃ taṇhāparitassanaṃ diṭṭhiparitassanañca. Aparitassananti paritassanābhāvaṃ, paritassanapaṭipakkhaṃ vā. Ahu vata metaṃ balayobbanādi. Kammaviññāṇanti vipariṇāmārammaṇaṃ taṇhādiṭṭhisahagataṃ viññāṇaṃ tadanuvatti ca. Anuparivatti nāma taṃ ārammaṇaṃ katvā pavatti. Tenāha ‘‘vipariṇāmārammaṇacittato’’ti. Akusaladhammasamuppādāti taṇhāya aññākusaladhammasamuppādā. Pariyādiyitvāti khepetvā, tassa pavattituṃ okāsaṃ adatvā. Sauttāsoti taṇhādiṭṭhivasena sauttāso. Gaṇhitvāti taṇhādiṭṭhiggāhehi gahetvā tesañceva vasena paritassako. Rūpabhedānuparivatti cittaṃ na hoti. Vaṭṭatīti sabbākārena vattuṃ yuttanti attho.
உபாதா³பரிதஸ்ஸனாஸுத்தவண்ணனா நிட்டி²தா.
Upādāparitassanāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. உபாதா³பரிதஸ்ஸனாஸுத்தங் • 7. Upādāparitassanāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. உபாதா³பரிதஸ்ஸனாஸுத்தவண்ணனா • 7. Upādāparitassanāsuttavaṇṇanā
