| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૪. નીવરણવગ્ગો
4. Nīvaraṇavaggo
૩-૪. ઉપક્કિલેસસુત્તાદિવણ્ણના
3-4. Upakkilesasuttādivaṇṇanā
૨૧૪-૨૧૫. ચતુત્થવગ્ગસ્સ તતિયે ન ચ પભસ્સરન્તિ ન ચ પભાવન્તં. પભઙ્ગુ ચાતિ પભિજ્જનસભાવં. અયોતિ કાળલોહં. ઠપેત્વા ઇધ વુત્તાનિ ચત્તારિ અવસેસં લોહં નામ. સજ્ઝૂતિ રજતં. ચિત્તસ્સાતિ ચતુભૂમકચિત્તસ્સ. લોકિયસ્સ તાવ ઉપક્કિલેસો હોતુ , લોકુત્તરસ્સ કથં હોતીતિ? ઉપ્પજ્જિતું અપ્પદાનેન. યદગ્ગેન હિ ઉપ્પજ્જિતું ન દેન્તિ, તદગ્ગેનેવ તે લોકિયસ્સાપિ લોકુત્તરસ્સાપિ ઉપક્કિલેસા નામ હોન્તિ. પભઙ્ગુ ચાતિ આરમ્મણે ચુણ્ણવિચુણ્ણભાવૂપગમનેન ભિજ્જનસભાવં. અનાવરણા અનીવરણાતિ કુસલધમ્મે ન આવરન્તીતિ અનાવરણા, ન નીવરન્તિ ન પટિચ્છાદેન્તીતિ અનીવરણા. ચેતસો અનુપક્કિલેસાતિ ચતુભૂમકચિત્તસ્સ અનુપક્કિલેસા.
214-215. Catutthavaggassa tatiye na ca pabhassaranti na ca pabhāvantaṃ. Pabhaṅgu cāti pabhijjanasabhāvaṃ. Ayoti kāḷalohaṃ. Ṭhapetvā idha vuttāni cattāri avasesaṃ lohaṃ nāma. Sajjhūti rajataṃ. Cittassāti catubhūmakacittassa. Lokiyassa tāva upakkileso hotu , lokuttarassa kathaṃ hotīti? Uppajjituṃ appadānena. Yadaggena hi uppajjituṃ na denti, tadaggeneva te lokiyassāpi lokuttarassāpi upakkilesā nāma honti. Pabhaṅgu cāti ārammaṇe cuṇṇavicuṇṇabhāvūpagamanena bhijjanasabhāvaṃ. Anāvaraṇā anīvaraṇāti kusaladhamme na āvarantīti anāvaraṇā, na nīvaranti na paṭicchādentīti anīvaraṇā. Cetaso anupakkilesāti catubhūmakacittassa anupakkilesā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya
૩. ઉપક્કિલેસસુત્તં • 3. Upakkilesasuttaṃ
૪. અનુપક્કિલેસસુત્તં • 4. Anupakkilesasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૩-૪. ઉપક્કિલેસસુત્તાદિવણ્ણના • 3-4. Upakkilesasuttādivaṇṇanā
