| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. உபயந்திஸுத்தவண்ணனா
9. Upayantisuttavaṇṇanā
69. நவமே உத³கவட்³ட⁴னஸமயேதி ஸப்³ப³தி³வஸேஸு மஹாஸமுத்³த³ஸ்ஸ அந்தோ மஹந்தசந்த³கந்தமணிபப்³ப³தானங் ஜுண்ஹஸம்ப²ஸ்ஸேன பஹதத்தா ஜலாபி⁴ஸந்த³னவஸேன உத³கஸ்ஸ வட்³ட⁴னஸமயே. உபரி க³ச்ச²ந்தோதி பகதியா உத³கஸ்ஸ திட்ட²ட்டா²னஸ்ஸ ததோ உபரி க³ச்ச²ந்தோதி அத்தோ². உபரி யாபேதீதி உத³கங் தத்த² உபரூபரி வட்³டே⁴தி. ததா²பூ⁴தோ ச தங் ப்³ரூஹெந்தோ பூரெந்தோதி வுச்சதீதி ஆஹ ‘‘வட்³டே⁴தி பூரேதீதி அத்தோ²’’தி. யஸ்மா பச்சயத⁴ம்மா அத்தனோ ப²லஸமவாயபச்சயே ஹொந்தே தஸ்ஸ உபரி டி²தோ விய ஹோதி தஸ்ஸ அத்தனோ வஸே வத்தாபனதோ, தஸ்மா வுத்தங் ‘‘அவிஜ்ஜா உபரி க³ச்ச²ந்தீ’’தி. பச்சயபா⁴வேன ஹி ஸா ததா² வுச்சதி. தேனாஹ ‘‘ஸங்கா²ரானங் பச்சயோ ப⁴விதுங் ஸக்குணந்தீ’’தி. அபக³ச்ச²ந்தோ யாயந்தோ. தேனாஹ ‘‘ஓஸரந்தோ’’தி, அவட்³ட⁴ந்தோ பரிஹீயமானோதி அத்தோ².
69. Navame udakavaḍḍhanasamayeti sabbadivasesu mahāsamuddassa anto mahantacandakantamaṇipabbatānaṃ juṇhasamphassena pahatattā jalābhisandanavasena udakassa vaḍḍhanasamaye. Upari gacchantoti pakatiyā udakassa tiṭṭhaṭṭhānassa tato upari gacchantoti attho. Upari yāpetīti udakaṃ tattha uparūpari vaḍḍheti. Tathābhūto ca taṃ brūhento pūrentoti vuccatīti āha ‘‘vaḍḍheti pūretīti attho’’ti. Yasmā paccayadhammā attano phalasamavāyapaccaye honte tassa upari ṭhito viya hoti tassa attano vase vattāpanato, tasmā vuttaṃ ‘‘avijjā upari gacchantī’’ti. Paccayabhāvena hi sā tathā vuccati. Tenāha ‘‘saṅkhārānaṃ paccayo bhavituṃ sakkuṇantī’’ti. Apagacchanto yāyanto. Tenāha ‘‘osaranto’’ti, avaḍḍhanto parihīyamānoti attho.
உபயந்திஸுத்தவண்ணனா நிட்டி²தா.
Upayantisuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. உபயந்திஸுத்தங் • 9. Upayantisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. உபயந்திஸுத்தவண்ணனா • 9. Upayantisuttavaṇṇanā
