| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
6. உபயவக்³கோ³
6. Upayavaggo
1. உபயஸுத்தவண்ணனா
1. Upayasuttavaṇṇanā
53. உபேதீதி உபயோ. கத²முபேதி? தண்ஹாமானாதி³வஸேனாதி ஆஹ ‘‘தண்ஹாமானதி³ட்டி²வஸேனா’’தி. கத²மித³ங் லப்³ப⁴தீதி? ‘‘அவிமுத்தோ’’தி வசனதோ. தண்ஹாதி³ட்டி²வஸேன ஹி ப³த்³தோ⁴, கிங் உபேதீதி ஆஹ ‘‘பஞ்சக்க²ந்தே⁴’’தி தப்³பி³னிமுத்தஸ்ஸ ததா² உபேதஸ்ஸ அபா⁴வதோ. கோ பனுபேதீதி? தங்ஸமங்கீ³புக்³க³லோ. தண்ஹாதி³ட்டி²வஸேன உபக³மஸ்ஸ வுத்தத்தா விஞ்ஞாணந்தி அகுஸலகம்மவிஞ்ஞாணமேவாதி வத³ந்தி. ஜவாபெத்வாதி க³ஹிதஜவங் கத்வா. யதா² படிஸந்தி⁴ங் ஆகட்³டி⁴துங் ஸமத்த²ங், ஏவங் கத்வா. தேனாஹ ‘‘படிஸந்தீ⁴’’திஆதி³. அக்³க³ஹணே காரணங் வுத்தமேவ ‘‘ஓகங் பஹாய அனிகேதஸாரீ’’தி கா³தா²ய விஸ்ஸஜ்ஜனே. கம்மனிமித்தாதி³வஸேன படிஸந்தி⁴யா பச்சயபூ⁴தங் ஆரம்மணங் படிஸந்தி⁴ஜனகஸ்ஸ கம்மஸ்ஸ வஸேன வொச்சி²ஜ்ஜதி. பதிட்டா² ந ஹோதி ஸராக³காலே விய அனுபட்டா²னதோ . அப்பதிட்டி²தங் விஞ்ஞாணங் வுத்தப்பகாரேன. அனபி⁴ஸங்க²ரித்வாதி அனுப்பாதெ³த்வா பச்சயகா⁴தேன.
53. Upetīti upayo. Kathamupeti? Taṇhāmānādivasenāti āha ‘‘taṇhāmānadiṭṭhivasenā’’ti. Kathamidaṃ labbhatīti? ‘‘Avimutto’’ti vacanato. Taṇhādiṭṭhivasena hi baddho, kiṃ upetīti āha ‘‘pañcakkhandhe’’ti tabbinimuttassa tathā upetassa abhāvato. Ko panupetīti? Taṃsamaṅgīpuggalo. Taṇhādiṭṭhivasena upagamassa vuttattā viññāṇanti akusalakammaviññāṇamevāti vadanti. Javāpetvāti gahitajavaṃ katvā. Yathā paṭisandhiṃ ākaḍḍhituṃ samatthaṃ, evaṃ katvā. Tenāha ‘‘paṭisandhī’’tiādi. Aggahaṇe kāraṇaṃ vuttameva ‘‘okaṃ pahāya aniketasārī’’ti gāthāya vissajjane. Kammanimittādivasena paṭisandhiyā paccayabhūtaṃ ārammaṇaṃ paṭisandhijanakassa kammassa vasena vocchijjati. Patiṭṭhā na hoti sarāgakāle viya anupaṭṭhānato . Appatiṭṭhitaṃ viññāṇaṃ vuttappakārena. Anabhisaṅkharitvāti anuppādetvā paccayaghātena.
உபயஸுத்தவண்ணனா நிட்டி²தா.
Upayasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. உபயஸுத்தங் • 1. Upayasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. உபயஸுத்தவண்ணனா • 1. Upayasuttavaṇṇanā
