| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૬. ઉપયવગ્ગો
6. Upayavaggo
૧. ઉપયસુત્તવણ્ણના
1. Upayasuttavaṇṇanā
૫૩. ઉપયવગ્ગસ્સ પઠમે ઉપયોતિ તણ્હામાનદિટ્ઠિવસેન પઞ્ચક્ખન્ધે ઉપગતો. વિઞ્ઞાણન્તિ કમ્મવિઞ્ઞાણં. આપજ્જેય્યાતિ કમ્મં જવાપેત્વા પટિસન્ધિઆકડ્ઢનસમત્થતાય વુદ્ધિઆદીનિ આપજ્જેય્ય. વિઞ્ઞાણુપયન્તિ પદસ્સ અગ્ગહણે કારણં વુત્તમેવ. વોચ્છિજ્જતારમ્મણન્તિ પટિસન્ધિઆકડ્ઢનસમત્થતાય અભાવેન આરમ્મણં વોચ્છિજ્જતિ. પતિટ્ઠા વિઞ્ઞાણસ્સાતિ કમ્મવિઞ્ઞાણસ્સ પતિટ્ઠા ન હોતિ. તદપ્પતિટ્ઠિતન્તિ તં અપ્પતિટ્ઠિતં. અનભિસઙ્ખચ્ચ વિમુત્તન્તિ પટિસન્ધિં અનભિસઙ્ખરિત્વા વિમુત્તં. પઠમં.
53. Upayavaggassa paṭhame upayoti taṇhāmānadiṭṭhivasena pañcakkhandhe upagato. Viññāṇanti kammaviññāṇaṃ. Āpajjeyyāti kammaṃ javāpetvā paṭisandhiākaḍḍhanasamatthatāya vuddhiādīni āpajjeyya. Viññāṇupayanti padassa aggahaṇe kāraṇaṃ vuttameva. Vocchijjatārammaṇanti paṭisandhiākaḍḍhanasamatthatāya abhāvena ārammaṇaṃ vocchijjati. Patiṭṭhā viññāṇassāti kammaviññāṇassa patiṭṭhā na hoti. Tadappatiṭṭhitanti taṃ appatiṭṭhitaṃ. Anabhisaṅkhacca vimuttanti paṭisandhiṃ anabhisaṅkharitvā vimuttaṃ. Paṭhamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧. ઉપયસુત્તં • 1. Upayasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧. ઉપયસુત્તવણ્ણના • 1. Upayasuttavaṇṇanā
