| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૪. ચતુત્થવગ્ગો
4. Catutthavaggo
(૩૭) ૫. ઉપેક્ખાસમન્નાગતકથા
(37) 5. Upekkhāsamannāgatakathā
૩૯૭. અરહા છહિ ઉપેક્ખાહિ સમન્નાગતોતિ? આમન્તા. અરહા છહિ ફસ્સેહિ, છહિ વેદનાહિ, છહિ સઞ્ઞાહિ…પે॰… છહિ પઞ્ઞાહિ સમન્નાગતોતિ? ન હેવં વત્તબ્બે…પે॰….
397. Arahā chahi upekkhāhi samannāgatoti? Āmantā. Arahā chahi phassehi, chahi vedanāhi, chahi saññāhi…pe… chahi paññāhi samannāgatoti? Na hevaṃ vattabbe…pe….
અરહા છહિ ઉપેક્ખાહિ સમન્નાગતોતિ? આમન્તા. અરહા ચક્ખુના રૂપં પસ્સન્તો સોતેન સદ્દં સુણાતિ, ઘાનેન ગન્ધં ઘાયતિ, જિવ્હાય રસં સાયતિ, કાયેન ફોટ્ઠબ્બં ફુસતિ, મનસા ધમ્મં વિજાનાતિ…પે॰… મનસા ધમ્મં વિજાનન્તો ચક્ખુના રૂપં પસ્સતિ, સોતેન સદ્દં સુણાતિ, ઘાનેન ગન્ધં ઘાયતિ, જિવ્હાય રસં સાયતિ, કાયેન ફોટ્ઠબ્બં ફુસતીતિ? ન હેવં વત્તબ્બે…પે॰….
Arahā chahi upekkhāhi samannāgatoti? Āmantā. Arahā cakkhunā rūpaṃ passanto sotena saddaṃ suṇāti, ghānena gandhaṃ ghāyati, jivhāya rasaṃ sāyati, kāyena phoṭṭhabbaṃ phusati, manasā dhammaṃ vijānāti…pe… manasā dhammaṃ vijānanto cakkhunā rūpaṃ passati, sotena saddaṃ suṇāti, ghānena gandhaṃ ghāyati, jivhāya rasaṃ sāyati, kāyena phoṭṭhabbaṃ phusatīti? Na hevaṃ vattabbe…pe….
અરહા છહિ ઉપેક્ખાહિ સમન્નાગતોતિ? આમન્તા. સતતં સમિતં અબ્બોકિણ્ણં છહિ ઉપેક્ખાહિ સમન્નાગતો સમોહિતો 1, છ ઉપેક્ખાયો પચ્ચુપટ્ઠિતાતિ? ન હેવં વત્તબ્બે…પે॰….
Arahā chahi upekkhāhi samannāgatoti? Āmantā. Satataṃ samitaṃ abbokiṇṇaṃ chahi upekkhāhi samannāgato samohito 2, cha upekkhāyo paccupaṭṭhitāti? Na hevaṃ vattabbe…pe….
ન વત્તબ્બં – ‘‘અરહા છહિ ઉપેક્ખાહિ સમન્નાગતો’’તિ? આમન્તા. નનુ અરહા છળઙ્ગુપેક્ખોતિ? આમન્તા. હઞ્ચિ અરહા છળઙ્ગુપેક્ખો, તેન વત રે વત્તબ્બે – ‘‘અરહા છહિ ઉપેક્ખાહિ સમન્નાગતો’’તિ…પે॰….
Na vattabbaṃ – ‘‘arahā chahi upekkhāhi samannāgato’’ti? Āmantā. Nanu arahā chaḷaṅgupekkhoti? Āmantā. Hañci arahā chaḷaṅgupekkho, tena vata re vattabbe – ‘‘arahā chahi upekkhāhi samannāgato’’ti…pe….
ઉપેક્ખાસમન્નાગતકથા નિટ્ઠિતા.
Upekkhāsamannāgatakathā niṭṭhitā.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૫. ઉપેક્ખાસમન્નાગતકથાવણ્ણના • 5. Upekkhāsamannāgatakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૫. ઉપેક્ખાસમન્નાગતકથાવણ્ણના • 5. Upekkhāsamannāgatakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૫. ઉપેક્ખાસમન્નાગતકથાવણ્ણના • 5. Upekkhāsamannāgatakathāvaṇṇanā
