| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૫. ઉપ્પલવણ્ણાસુત્તવણ્ણના
5. Uppalavaṇṇāsuttavaṇṇanā
૧૬૬. પઞ્ચમે સુપુપ્ફિતગ્ગન્તિ અગ્ગતો પટ્ઠાય સુટ્ઠુ પુપ્ફિતં સાલરુક્ખં. ન ચત્થિ તે દુતિયા વણ્ણધાતૂતિ તવ વણ્ણધાતુસદિસા દુતિયા વણ્ણધાતુ નત્થિ, તયા સદિસા અઞ્ઞા ભિક્ખુની નત્થીતિ વદતિ. ઇધાગતા તાદિસિકા ભવેય્યુન્તિ યથા ત્વં ઇધાગતા કિઞ્ચિ સન્થવં વા સિનેહં વા ન લભસિ, એવમેવં તેપિ તયાવ સદિસા ભવેય્યું. પખુમન્તરિકાયન્તિ દ્વિન્નં અક્ખીનં મજ્ઝે નાસવંસેપિ તિટ્ઠન્તિં મં ન પસ્સસિ. વસીભૂતમ્હીતિ વસીભૂતા અસ્મિ. પઞ્ચમં.
166. Pañcame supupphitagganti aggato paṭṭhāya suṭṭhu pupphitaṃ sālarukkhaṃ. Na catthi te dutiyā vaṇṇadhātūti tava vaṇṇadhātusadisā dutiyā vaṇṇadhātu natthi, tayā sadisā aññā bhikkhunī natthīti vadati. Idhāgatā tādisikā bhaveyyunti yathā tvaṃ idhāgatā kiñci santhavaṃ vā sinehaṃ vā na labhasi, evamevaṃ tepi tayāva sadisā bhaveyyuṃ. Pakhumantarikāyanti dvinnaṃ akkhīnaṃ majjhe nāsavaṃsepi tiṭṭhantiṃ maṃ na passasi. Vasībhūtamhīti vasībhūtā asmi. Pañcamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૫. ઉપ્પલવણ્ણાસુત્તં • 5. Uppalavaṇṇāsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૫. ઉપ્પલવણ્ણાસુત્તવણ્ણના • 5. Uppalavaṇṇāsuttavaṇṇanā
