| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૮. ઉપ્પથસુત્તવણ્ણના
8. Uppathasuttavaṇṇanā
૫૮. અટ્ઠમે રાગો ઉપ્પથોતિ સુગતિઞ્ચ નિબ્બાનઞ્ચ ગચ્છન્તસ્સ અમગ્ગો. રત્તિન્દિવક્ખયોતિ રત્તિદિવેહિ, રત્તિદિવેસુ વા ખીયતિ. ઇત્થી મલન્તિ સેસં બાહિરમલં ભસ્મખારાદીહિ ધોવિત્વા સક્કા સોધેતું, માતુગામમલેન દુટ્ઠો પન ન સક્કા સુદ્ધો નામ કાતુન્તિ ઇત્થી ‘‘મલ’’ન્તિ વુત્તા. એત્થાતિ એત્થ ઇત્થિયં પજા સજ્જતિ. તપોતિ ઇન્દ્રિયસંવરધુતઙ્ગગુણવીરિયદુક્કરકારિકાનં નામં, ઇધ પન ઠપેત્વા દુક્કરકારિકં સબ્બાપિ કિલેસસન્તાપિકા પટિપદા વટ્ટતિ. બ્રહ્મચરિયન્તિ મેથુનવિરતિ. અટ્ઠમં.
58. Aṭṭhame rāgo uppathoti sugatiñca nibbānañca gacchantassa amaggo. Rattindivakkhayoti rattidivehi, rattidivesu vā khīyati. Itthī malanti sesaṃ bāhiramalaṃ bhasmakhārādīhi dhovitvā sakkā sodhetuṃ, mātugāmamalena duṭṭho pana na sakkā suddho nāma kātunti itthī ‘‘mala’’nti vuttā. Etthāti ettha itthiyaṃ pajā sajjati. Tapoti indriyasaṃvaradhutaṅgaguṇavīriyadukkarakārikānaṃ nāmaṃ, idha pana ṭhapetvā dukkarakārikaṃ sabbāpi kilesasantāpikā paṭipadā vaṭṭati. Brahmacariyanti methunavirati. Aṭṭhamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૮. ઉપ્પથસુત્તં • 8. Uppathasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૮. ઉપ્પથસુત્તવણ્ણના • 8. Uppathasuttavaṇṇanā
