| Library / Tipiṭaka / તિપિટક • Tipiṭaka / સમ્મોહવિનોદની-અટ્ઠકથા • Sammohavinodanī-aṭṭhakathā |
૨. ઉપ્પત્તાનુપ્પત્તિવારવણ્ણના
2. Uppattānuppattivāravaṇṇanā
૯૯૧. દુતિયવારે યે ધમ્મા કામભવે કામધાતુસમ્ભૂતાનઞ્ચ સત્તાનં ઉપ્પજ્જન્તિ – કામધાતુયં પરિયાપન્ના વા અપરિયાપન્ના વા – તે સબ્બે સઙ્ગહેત્વા કામધાતુયા પઞ્ચક્ખન્ધાતિઆદિ વુત્તં. રૂપધાતુઆદીસુપિ એસેવ નયો. યસ્મા પન રૂપધાતુપરિયાપન્નાનં સત્તાનં ઘાનાયતનાદીનં અભાવેન ગન્ધાયતનાદીનિ આયતનાદિકિચ્ચં ન કરોન્તિ, તસ્મા રૂપધાતુયા છ આયતનાનિ, નવ ધાતુયોતિઆદિ વુત્તં . યસ્મા ચ ઓકાસવસેન વા સત્તુપ્પત્તિવસેન વા અપરિયાપન્નધાતુ નામ નત્થિ, તસ્મા અપરિયાપન્નધાતુયાતિ અવત્વા યં યં અપરિયાપન્નં તં તદેવ દસ્સેતું અપરિયાપન્ને કતિ ખન્ધાતિઆદિ વુત્તં.
991. Dutiyavāre ye dhammā kāmabhave kāmadhātusambhūtānañca sattānaṃ uppajjanti – kāmadhātuyaṃ pariyāpannā vā apariyāpannā vā – te sabbe saṅgahetvā kāmadhātuyā pañcakkhandhātiādi vuttaṃ. Rūpadhātuādīsupi eseva nayo. Yasmā pana rūpadhātupariyāpannānaṃ sattānaṃ ghānāyatanādīnaṃ abhāvena gandhāyatanādīni āyatanādikiccaṃ na karonti, tasmā rūpadhātuyā cha āyatanāni, nava dhātuyotiādi vuttaṃ . Yasmā ca okāsavasena vā sattuppattivasena vā apariyāpannadhātu nāma natthi, tasmā apariyāpannadhātuyāti avatvā yaṃ yaṃ apariyāpannaṃ taṃ tadeva dassetuṃ apariyāpanne kati khandhātiādi vuttaṃ.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / વિભઙ્ગપાળિ • Vibhaṅgapāḷi / ૧૮. ધમ્મહદયવિભઙ્ગો • 18. Dhammahadayavibhaṅgo
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / વિભઙ્ગ-મૂલટીકા • Vibhaṅga-mūlaṭīkā / ૧૮. ધમ્મહદયવિભઙ્ગો • 18. Dhammahadayavibhaṅgo
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / વિભઙ્ગ-અનુટીકા • Vibhaṅga-anuṭīkā / ૧૮. ધમ્મહદયવિભઙ્ગો • 18. Dhammahadayavibhaṅgo
