| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. உத்தரிமனுஸ்ஸத⁴ம்மஸுத்தங்
3. Uttarimanussadhammasuttaṃ
77. ‘‘ச², பி⁴க்க²வே, த⁴ம்மே அப்பஹாய அப⁴ப்³போ³ உத்தரிமனுஸ்ஸத⁴ம்மங் அலமரியஞாணத³ஸ்ஸனவிஸேஸங் ஸச்சி²காதுங். கதமே ச²? முட்ட²ஸ்ஸச்சங், அஸம்பஜஞ்ஞங், இந்த்³ரியேஸு அகு³த்தத்³வாரதங், போ⁴ஜனே அமத்தஞ்ஞுதங், குஹனங், லபனங். இமே கோ², பி⁴க்க²வே, ச² த⁴ம்மே அப்பஹாய அப⁴ப்³போ³ உத்தரிமனுஸ்ஸத⁴ம்மங் அலமரியஞாணத³ஸ்ஸனவிஸேஸங் ஸச்சி²காதுங்.
77. ‘‘Cha, bhikkhave, dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ.
‘‘ச², பி⁴க்க²வே, த⁴ம்மே பஹாய ப⁴ப்³போ³ உத்தரிமனுஸ்ஸத⁴ம்மங் அலமரியஞாணத³ஸ்ஸனவிஸேஸங் ஸச்சி²காதுங். கதமே ச²? முட்ட²ஸ்ஸச்சங், அஸம்பஜஞ்ஞங், இந்த்³ரியேஸு அகு³த்தத்³வாரதங், போ⁴ஜனே அமத்தஞ்ஞுதங், குஹனங், லபனங். இமே கோ², பி⁴க்க²வே, ச² த⁴ம்மே பஹாய ப⁴ப்³போ³ உத்தரிமனுஸ்ஸத⁴ம்மங் அலமரியஞாணத³ஸ்ஸனவிஸேஸங் ஸச்சி²காது’’ந்தி. ததியங்.
‘‘Cha, bhikkhave, dhamme pahāya bhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme pahāya bhabbo uttarimanussadhammaṃ alamariyañāṇadassanavisesaṃ sacchikātu’’nti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. உத்தரிமனுஸ்ஸத⁴ம்மஸுத்தவண்ணனா • 3. Uttarimanussadhammasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-3. து³க்க²ஸுத்தாதி³வண்ணனா • 1-3. Dukkhasuttādivaṇṇanā
