| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. வஜிராஸுத்தவண்ணனா
10. Vajirāsuttavaṇṇanā
171. ஸுத்³த⁴ஸங்கா²ரபுஞ்ஜேதி ரூபாரூபவிபா⁴கே³ கிலேஸஸங்கா²ரஸமூஹே. பரமத்த²தோதி ஸபா⁴வேன. யதா² ந ஹி ஸத்தஸஞ்ஞிதஸங்கா²ரபுஞ்ஜோ நாம பரமத்த²தோ உபலப்³ப⁴தி, ஏவங் தப்³பி³னிமுத்தோ நாம கோசி ந உபலப்³ப⁴தி அவிஜ்ஜமானத்தா. விஜ்ஜமானேஸூதி யதா²பச்சயஸம்பத்தியா லப்³ப⁴மானேஸு. தேனாகாரேனாதி இத்தி²புரிஸாதி³ஆகாரேன. வவத்தி²தேஸூதி பச்சேகங் பச்சயவிஸேஸஸமுட்டி²தங் ஸண்டா²னவிஸேஸங் உபாதா³ய ‘‘புரிஸோ ஹத்தீ² அஸ்ஸோ’’திஆதி³னா அபி⁴ஸங்க³தோ பவத்தேஸு. ஸம்முதீதி ஸத்தோதி வோஹாரோ. தேனாஹ ‘‘ஸமஞ்ஞாமத்தமேவா’’தி. பஞ்சக்க²ந்த⁴து³க்க²ந்தி பஞ்சக்க²ந்த⁴ஸஞ்ஞிதங் து³க்க²ங். வுத்தங் ஹேதங் ப⁴க³வதா ‘‘ஸங்கி²த்தேன பஞ்சுபாதா³னக்க²ந்தா⁴ து³க்கா²’’தி (தீ³॰ நி॰ 2.387; ம॰ நி॰ 1.120; 3.373; விப⁴॰ 202) அஞ்ஞோ நேவ ஸம்போ⁴தி யதா²வுத்தது³க்க²தோ அஞ்ஞஸ்ஸ ஸங்க²தத⁴ம்மஸ்ஸ அபா⁴வதோ. ந நிருஜ்ஜ²தீதி ததோ அஞ்ஞங் ந நிருஜ்ஜ²தி, உப்பாத³தோ ஹோதி நிரோதோ⁴தி.
171.Suddhasaṅkhārapuñjeti rūpārūpavibhāge kilesasaṅkhārasamūhe. Paramatthatoti sabhāvena. Yathā na hi sattasaññitasaṅkhārapuñjo nāma paramatthato upalabbhati, evaṃ tabbinimutto nāma koci na upalabbhati avijjamānattā. Vijjamānesūti yathāpaccayasampattiyā labbhamānesu. Tenākārenāti itthipurisādiākārena. Vavatthitesūti paccekaṃ paccayavisesasamuṭṭhitaṃ saṇṭhānavisesaṃ upādāya ‘‘puriso hatthī asso’’tiādinā abhisaṅgato pavattesu. Sammutīti sattoti vohāro. Tenāha ‘‘samaññāmattamevā’’ti. Pañcakkhandhadukkhanti pañcakkhandhasaññitaṃ dukkhaṃ. Vuttaṃ hetaṃ bhagavatā ‘‘saṃkhittena pañcupādānakkhandhā dukkhā’’ti (dī. ni. 2.387; ma. ni. 1.120; 3.373; vibha. 202) añño neva sambhoti yathāvuttadukkhato aññassa saṅkhatadhammassa abhāvato. Na nirujjhatīti tato aññaṃ na nirujjhati, uppādato hoti nirodhoti.
வஜிராஸுத்தவண்ணனா நிட்டி²தா.
Vajirāsuttavaṇṇanā niṭṭhitā.
ஸாரத்த²ப்பகாஸினியா ஸங்யுத்தனிகாய-அட்ட²கதா²ய
Sāratthappakāsiniyā saṃyuttanikāya-aṭṭhakathāya
பி⁴க்கு²னீஸங்யுத்தவண்ணனாய லீனத்த²ப்பகாஸனா ஸமத்தா.
Bhikkhunīsaṃyuttavaṇṇanāya līnatthappakāsanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. வஜிராஸுத்தங் • 10. Vajirāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. வஜிராஸுத்தவண்ணனா • 10. Vajirāsuttavaṇṇanā
