| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. வக்கலிஸுத்தவண்ணனா
5. Vakkalisuttavaṇṇanā
87. நக³ரமஜ்ஜே² மஹாஆபா³தோ⁴ உப்பஜ்ஜீதி நக³ரமஜ்ஜே²ன ஆக³ச்ச²ந்தோ கம்மஸமுட்டா²னோ மஹந்தோ ஆபா³தோ⁴ உப்பஜ்ஜதி. ஸமந்ததோ அதோ⁴ஸீதி ஸப்³ப³பா⁴கே³ன பரிப்ப²ந்தி³. இரியாபத²ங் யாபேதுந்தி ஸயனநிஸஜ்ஜாதி³பே⁴த³ங் இரியாபத²ங் பவத்தேதுங். நிவத்தந்தீதி ஓஸக்கந்தி, பரிஹாயந்தீதி அத்தோ². அதி⁴க³ச்ச²ந்தீதி வட்³ட⁴ந்தி. ஸத்து² கு³ணஸரீரங் நாம நவவித⁴லோகுத்தரத⁴ம்மாதி⁴க³மமூலந்தி கத்வா வுத்தங் ‘‘நவவிதோ⁴ ஹி…பே॰… காயோ நாமா’’தி, யதா² ஸத்தானங் காயோ படிஸந்தி⁴மூலகோ.
87.Nagaramajjhe mahāābādho uppajjīti nagaramajjhena āgacchanto kammasamuṭṭhāno mahanto ābādho uppajjati. Samantato adhosīti sabbabhāgena paripphandi. Iriyāpathaṃ yāpetunti sayananisajjādibhedaṃ iriyāpathaṃ pavattetuṃ. Nivattantīti osakkanti, parihāyantīti attho. Adhigacchantīti vaḍḍhanti. Satthu guṇasarīraṃ nāma navavidhalokuttaradhammādhigamamūlanti katvā vuttaṃ ‘‘navavidho hi…pe… kāyo nāmā’’ti, yathā sattānaṃ kāyo paṭisandhimūlako.
காளஸிலாயங் கதவிஹாரோ காளஸிலாவிஹாரோ. மக்³க³விமொக்க²த்தா²யாதி அக்³க³மக்³க³விமொக்கா²தி⁴க³மாய. தே³வதாதி ஸுத்³தா⁴வாஸதே³வதா. அலாமகங் நாம புது²ஜ்ஜனகாலகிரியாய அபா⁴வதோ. தேனாஹ ‘‘தே²ரோ கிரா’’திஆதி³ . ஏகங் த்³வே ஞாணானீதி ஏகங் த்³வே பச்சவெக்க²ணஞாணானி ஸபா⁴வதோ அவஸ்ஸங் உப்பஜ்ஜந்தி, அயங் த⁴ம்மதா. மக்³க³ப²லனிப்³பா³னபச்சவெக்க²ணானி தங்தங்மக்³க³வுட்டா²னே உப்பஜ்ஜந்தி ஏவ. ஏகங் த்³வேதி வசனங் உப்பன்னபா⁴வத³ஸ்ஸனத்த²ங் வுத்தங்.
Kāḷasilāyaṃ katavihāro kāḷasilāvihāro. Maggavimokkhatthāyāti aggamaggavimokkhādhigamāya. Devatāti suddhāvāsadevatā. Alāmakaṃ nāma puthujjanakālakiriyāya abhāvato. Tenāha ‘‘thero kirā’’tiādi . Ekaṃ dve ñāṇānīti ekaṃ dve paccavekkhaṇañāṇāni sabhāvato avassaṃ uppajjanti, ayaṃ dhammatā. Maggaphalanibbānapaccavekkhaṇāni taṃtaṃmaggavuṭṭhāne uppajjanti eva. Ekaṃ dveti vacanaṃ uppannabhāvadassanatthaṃ vuttaṃ.
தூ⁴மாயனபா⁴வோ தூ⁴மாகாரதா, ததா² திமிராயனபா⁴வோ.
Dhūmāyanabhāvo dhūmākāratā, tathā timirāyanabhāvo.
வக்கலிஸுத்தவண்ணனா நிட்டி²தா.
Vakkalisuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. வக்கலிஸுத்தங் • 5. Vakkalisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. வக்கலிஸுத்தவண்ணனா • 5. Vakkalisuttavaṇṇanā
