| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૫. વક્કલિસુત્તવણ્ણના
5. Vakkalisuttavaṇṇanā
૮૭. નગરમજ્ઝે મહાઆબાધો ઉપ્પજ્જીતિ નગરમજ્ઝેન આગચ્છન્તો કમ્મસમુટ્ઠાનો મહન્તો આબાધો ઉપ્પજ્જતિ. સમન્તતો અધોસીતિ સબ્બભાગેન પરિપ્ફન્દિ. ઇરિયાપથં યાપેતુન્તિ સયનનિસજ્જાદિભેદં ઇરિયાપથં પવત્તેતું. નિવત્તન્તીતિ ઓસક્કન્તિ, પરિહાયન્તીતિ અત્થો. અધિગચ્છન્તીતિ વડ્ઢન્તિ. સત્થુ ગુણસરીરં નામ નવવિધલોકુત્તરધમ્માધિગમમૂલન્તિ કત્વા વુત્તં ‘‘નવવિધો હિ…પે॰… કાયો નામા’’તિ, યથા સત્તાનં કાયો પટિસન્ધિમૂલકો.
87.Nagaramajjhe mahāābādho uppajjīti nagaramajjhena āgacchanto kammasamuṭṭhāno mahanto ābādho uppajjati. Samantato adhosīti sabbabhāgena paripphandi. Iriyāpathaṃ yāpetunti sayananisajjādibhedaṃ iriyāpathaṃ pavattetuṃ. Nivattantīti osakkanti, parihāyantīti attho. Adhigacchantīti vaḍḍhanti. Satthu guṇasarīraṃ nāma navavidhalokuttaradhammādhigamamūlanti katvā vuttaṃ ‘‘navavidho hi…pe… kāyo nāmā’’ti, yathā sattānaṃ kāyo paṭisandhimūlako.
કાળસિલાયં કતવિહારો કાળસિલાવિહારો. મગ્ગવિમોક્ખત્થાયાતિ અગ્ગમગ્ગવિમોક્ખાધિગમાય. દેવતાતિ સુદ્ધાવાસદેવતા. અલામકં નામ પુથુજ્જનકાલકિરિયાય અભાવતો. તેનાહ ‘‘થેરો કિરા’’તિઆદિ . એકં દ્વે ઞાણાનીતિ એકં દ્વે પચ્ચવેક્ખણઞાણાનિ સભાવતો અવસ્સં ઉપ્પજ્જન્તિ, અયં ધમ્મતા. મગ્ગફલનિબ્બાનપચ્ચવેક્ખણાનિ તંતંમગ્ગવુટ્ઠાને ઉપ્પજ્જન્તિ એવ. એકં દ્વેતિ વચનં ઉપ્પન્નભાવદસ્સનત્થં વુત્તં.
Kāḷasilāyaṃ katavihāro kāḷasilāvihāro. Maggavimokkhatthāyāti aggamaggavimokkhādhigamāya. Devatāti suddhāvāsadevatā. Alāmakaṃ nāma puthujjanakālakiriyāya abhāvato. Tenāha ‘‘thero kirā’’tiādi . Ekaṃ dve ñāṇānīti ekaṃ dve paccavekkhaṇañāṇāni sabhāvato avassaṃ uppajjanti, ayaṃ dhammatā. Maggaphalanibbānapaccavekkhaṇāni taṃtaṃmaggavuṭṭhāne uppajjanti eva. Ekaṃ dveti vacanaṃ uppannabhāvadassanatthaṃ vuttaṃ.
ધૂમાયનભાવો ધૂમાકારતા, તથા તિમિરાયનભાવો.
Dhūmāyanabhāvo dhūmākāratā, tathā timirāyanabhāvo.
વક્કલિસુત્તવણ્ણના નિટ્ઠિતા.
Vakkalisuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૫. વક્કલિસુત્તં • 5. Vakkalisuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૫. વક્કલિસુત્તવણ્ણના • 5. Vakkalisuttavaṇṇanā
