| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. வாலஸுத்தவண்ணனா
5. Vālasuttavaṇṇanā
1115. உபாஸனந்தி ஆசரியஉபாஸனங், ஆசரியங் அந்தேவாஸினா வா தி³வஸே தி³வஸே ஸிக்க²னவஸேன உபாஸிதப்³ப³தோ உபாஸனந்தி லத்³த⁴னாமங் கண்ட³கி²பனஸிப்பங். கண்ட³ங் அதிக்கமந்தேதி ஸரங் கி²பந்தே. பொங்கா²னுபொங்க²ந்தி பொங்க²ஸத்³த³த்த²ங் பாகடங் கத்வா த³ஸ்ஸேதுங் ‘‘ஏகங் கண்ட³ங் கி²பித்வா’’திஆதி³ வுத்தங். அபரங் அனுபொங்க²ந்தி எத்த² அபரந்தி ததியகண்ட³ங். அனுபொங்க²ங் நாம இத³ந்தி த³ஸ்ஸேதுங் ‘‘அனுபொங்க²ங் நாம து³தியஸ்ஸ பொங்க²’’ந்தி வுத்தங். தஞ்ஹி ததியேன ஸரேன விஜ்ஜீ²யதி. புன அபரங் தஸ்ஸ பொங்க²ந்தி இத³ங் பன அபராபரங் அவிரஜ்ஜ²னங் த³ஸ்ஸேதுங் வுத்தங். து³ரபி⁴ஸம்ப⁴வதரந்தி அபி⁴ப⁴விதுங் அஸக்குணெய்யதரங். வாலந்தி கேஸங். ஸத்ததா⁴ பி⁴ந்தி³த்வாதி ஸத்தக்க²த்துங் விபா²லெத்வா. தஸ்ஸ ஏகங் பே⁴த³ந்தி தஸ்ஸ கேஸஸ்ஸ ஏகங் அங்ஸுஸங்கா²தங் பே⁴த³ங் க³ஹெத்வா. வாதிங்க³ணமஜ்ஜே² ப³ந்தி⁴த்வாதி வாதிங்க³ணப²லஸ்ஸ மஜ்ஜ²ட்டா²னே ப³ந்தி⁴த்வா. அபரங் பே⁴த³ந்தி அபரங் கேஸஸ்ஸ அங்ஸுஸங்கா²தங் பே⁴த³ங். அக்³க³கோடியங் ப³ந்தி⁴த்வாதி யதா² தஸ்ஸ வாலபே⁴த³ஸ்ஸ ஊகாமத்தங் லிகா²மத்தங் வா கண்ட³ஸ்ஸ அக்³க³கோடிங் அதி⁴கங் ஹுத்வா திட்ட²தி, ஏவங் ப³ந்தி⁴த்வா. உஸப⁴மத்தேதி வீஸதியட்டி²மத்தே டா²னே டி²தோ. கண்ட³ப³த்³தா⁴ய கோடியாதி கண்ட³ப³த்³தா⁴ய வாலஸ்ஸ கோடியா வாதிங்க³ணப³ந்த⁴னவாலஸ்ஸ கோடிங் படிவிஜ்ஜெ²ய்ய.
1115.Upāsananti ācariyaupāsanaṃ, ācariyaṃ antevāsinā vā divase divase sikkhanavasena upāsitabbato upāsananti laddhanāmaṃ kaṇḍakhipanasippaṃ. Kaṇḍaṃ atikkamanteti saraṃ khipante. Poṅkhānupoṅkhanti poṅkhasaddatthaṃ pākaṭaṃ katvā dassetuṃ ‘‘ekaṃ kaṇḍaṃ khipitvā’’tiādi vuttaṃ. Aparaṃ anupoṅkhanti ettha aparanti tatiyakaṇḍaṃ. Anupoṅkhaṃ nāma idanti dassetuṃ ‘‘anupoṅkhaṃ nāma dutiyassa poṅkha’’nti vuttaṃ. Tañhi tatiyena sarena vijjhīyati. Puna aparaṃ tassa poṅkhanti idaṃ pana aparāparaṃ avirajjhanaṃ dassetuṃ vuttaṃ. Durabhisambhavataranti abhibhavituṃ asakkuṇeyyataraṃ. Vālanti kesaṃ. Sattadhā bhinditvāti sattakkhattuṃ viphāletvā. Tassa ekaṃ bhedanti tassa kesassa ekaṃ aṃsusaṅkhātaṃ bhedaṃ gahetvā. Vātiṅgaṇamajjhe bandhitvāti vātiṅgaṇaphalassa majjhaṭṭhāne bandhitvā. Aparaṃ bhedanti aparaṃ kesassa aṃsusaṅkhātaṃ bhedaṃ. Aggakoṭiyaṃ bandhitvāti yathā tassa vālabhedassa ūkāmattaṃ likhāmattaṃ vā kaṇḍassa aggakoṭiṃ adhikaṃ hutvā tiṭṭhati, evaṃ bandhitvā. Usabhamatteti vīsatiyaṭṭhimatte ṭhāne ṭhito. Kaṇḍabaddhāya koṭiyāti kaṇḍabaddhāya vālassa koṭiyā vātiṅgaṇabandhanavālassa koṭiṃ paṭivijjheyya.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. வாலஸுத்தங் • 5. Vālasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. வாலஸுத்தவண்ணனா • 5. Vālasuttavaṇṇanā
