| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૭. વનકમ્મિકસુત્તવણ્ણના
7. Vanakammikasuttavaṇṇanā
૨૦૩. વનકમ્મે નિયુત્તો, કિરિયમાનેન વનકમ્મં એતસ્સ અત્થીતિ વનકમ્મિકો. ઇમસ્મિં વનસણ્ડેતિ ઇમસ્મિં એવંમહન્તે વનસણ્ડે. ન મે વનસ્મિં કરણીયમત્થિ યથા, ‘‘બ્રાહ્મણ, તુય્હ’’ન્તિ અધિપ્પાયો. ઇતરં પન યં મહાકિલેસવનં, તં મગ્ગઞાણફરસુના સમાધિમયસિલાયં સુનિસિતેન સબ્બસો ઉચ્છિન્નમૂલં, તતો એવ નિબ્બનથો નિક્કિલેસગહનો. વિવેકાભિરતિયા એકકો અભિરતો પટિપક્ખવિગમેન. તેનાહ ‘‘અરતિં…પે॰… જહિત્વા’’તિ.
203. Vanakamme niyutto, kiriyamānena vanakammaṃ etassa atthīti vanakammiko. Imasmiṃ vanasaṇḍeti imasmiṃ evaṃmahante vanasaṇḍe. Na me vanasmiṃ karaṇīyamatthi yathā, ‘‘brāhmaṇa, tuyha’’nti adhippāyo. Itaraṃ pana yaṃ mahākilesavanaṃ, taṃ maggañāṇapharasunā samādhimayasilāyaṃ sunisitena sabbaso ucchinnamūlaṃ, tato eva nibbanatho nikkilesagahano. Vivekābhiratiyā ekako abhirato paṭipakkhavigamena. Tenāha ‘‘aratiṃ…pe… jahitvā’’ti.
વનકમ્મિકસુત્તવણ્ણના નિટ્ઠિતા.
Vanakammikasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. નવકમ્મિકસુત્તં • 7. Navakammikasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭. નવકમ્મિકસુત્તવણ્ણના • 7. Navakammikasuttavaṇṇanā
