| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. வனரோபஸுத்தவண்ணனா
7. Vanaropasuttavaṇṇanā
47. கேஸந்தி ஸாமிவஸேன வுத்தகஸத்³தோ³ ‘‘த⁴ம்மட்டா² ஸீலஸம்பன்னா’’தி எத்த² பச்சத்தப³ஹுவசனவஸேன பரிணாமேதப்³போ³. அத்த²வஸேன ஹி விப⁴த்திவிபரிணாமோ. கே ஜனாதி எத்த² வா வுத்தகேஸத்³தோ³ ஸீஹவிலோகனநயேன ஆனெத்வா யோஜேதப்³போ³தி ஆஹ ‘‘கே த⁴ம்மட்டா², கே ஸீலஸம்பன்னா’’தி? புச்ச²தீதி இமினா தத்த² காரணமாஹ. ப²லாதி³ஸம்பத்தியா ஆரமந்தி எத்த² ஸத்தாதி ஆராமோ. ஆராமே ரோபெந்தி நிப்பா²தெ³ந்தீதி ஆராமரோபா. வனீயதி சா²யாஸம்பத்தியா ப⁴ஜீயதீதி வனங். தத்த² யங் உபவனலக்க²ணங் வனங், தங் ஆராமக்³க³ஹணேனேவ க³ஹிதந்தி தபோவனலக்க²ணங், தங் த³ஸ்ஸெந்தோ ‘‘ஸீமங் பரிக்கி²பித்வா’’திஆதி³மாஹ. விஸமேதி உத³கசிக்க²ல்லேன விஸமே பதே³ஸே. பானீயங் பிவந்தி எத்தா²தி பபா, தங் பபங். உத³கங் பீயதி எத்தா²தி வா பபா. தளாகாதீ³தி ஆதி³-ஸத்³தே³ன மாதிகங் ஸங்க³ண்ஹாதி.
47.Kesanti sāmivasena vuttakasaddo ‘‘dhammaṭṭhā sīlasampannā’’ti ettha paccattabahuvacanavasena pariṇāmetabbo. Atthavasena hi vibhattivipariṇāmo. Ke janāti ettha vā vuttakesaddo sīhavilokananayena ānetvā yojetabboti āha ‘‘ke dhammaṭṭhā, ke sīlasampannā’’ti? Pucchatīti iminā tattha kāraṇamāha. Phalādisampattiyā āramanti ettha sattāti ārāmo. Ārāme ropenti nipphādentīti ārāmaropā. Vanīyati chāyāsampattiyā bhajīyatīti vanaṃ. Tattha yaṃ upavanalakkhaṇaṃ vanaṃ, taṃ ārāmaggahaṇeneva gahitanti tapovanalakkhaṇaṃ, taṃ dassento ‘‘sīmaṃ parikkhipitvā’’tiādimāha. Visameti udakacikkhallena visame padese. Pānīyaṃ pivanti etthāti papā, taṃ papaṃ. Udakaṃ pīyati etthāti vā papā. Taḷākādīti ādi-saddena mātikaṃ saṅgaṇhāti.
இமமத்த²ங் ஸந்தா⁴யாதி இமினா கம்மப்பத²ப்பத்தங் படிக்கி²பதி. அத்தனா கதஞ்ஹி புஞ்ஞங் அனுஸ்ஸரதோ தங் ஆரப்³ப⁴ ப³ஹுங் புஞ்ஞங் பஸவதி, ந பன யதா² கதங் புஞ்ஞங் ஸயமேவ பவட்³ட⁴தி. தஸ்மிங் த⁴ம்மே டி²தத்தாதி தஸ்மிங் ஆராமரோபனாதி³த⁴ம்மே பதிட்டி²தத்தா. தேனபி ஸீலேன ஸம்பன்னத்தாதி தேன யதா²வுத்தத⁴ம்மே கதஸீலே ட²த்வா சிண்ணேன தத³ஞ்ஞேனபி காயவாசஸிகஸங்வரலக்க²ணேன ஸீலேன ஸமன்னாக³தத்தா. த³ஸ குஸலா த⁴ம்மா பூரெந்தி து³ச்சரிதபரிவஜ்ஜனதோ. ஸேஸங் வுத்தனயமேவ.
Imamatthaṃsandhāyāti iminā kammappathappattaṃ paṭikkhipati. Attanā katañhi puññaṃ anussarato taṃ ārabbha bahuṃ puññaṃ pasavati, na pana yathā kataṃ puññaṃ sayameva pavaḍḍhati. Tasmiṃ dhamme ṭhitattāti tasmiṃ ārāmaropanādidhamme patiṭṭhitattā. Tenapi sīlena sampannattāti tena yathāvuttadhamme katasīle ṭhatvā ciṇṇena tadaññenapi kāyavācasikasaṃvaralakkhaṇena sīlena samannāgatattā. Dasa kusalā dhammā pūrenti duccaritaparivajjanato. Sesaṃ vuttanayameva.
வனரோபஸுத்தவண்ணனா நிட்டி²தா.
Vanaropasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. வனரோபஸுத்தங் • 7. Vanaropasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. வனரோபஸுத்தவண்ணனா • 7. Vanaropasuttavaṇṇanā
