| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
6. வண்ணனாஸுத்தங்
6. Vaṇṇanāsuttaṃ
116. ‘‘பஞ்சஹி , பி⁴க்க²வே, த⁴ம்மேஹி ஸமன்னாக³தா பி⁴க்கு²னீ யதா²ப⁴தங் நிக்கி²த்தா ஏவங் நிரயே. கதமேஹி பஞ்சஹி? அனநுவிச்ச அபரியோகா³ஹெத்வா அவண்ணாரஹஸ்ஸ வண்ணங் பா⁴ஸதி, அனநுவிச்ச அபரியோகா³ஹெத்வா வண்ணாரஹஸ்ஸ அவண்ணங் பா⁴ஸதி, அனநுவிச்ச அபரியோகா³ஹெத்வா அப்பஸாத³னீயே டா²னே பஸாத³ங் உபத³ங்ஸேதி, அனநுவிச்ச அபரியோகா³ஹெத்வா பஸாத³னீயே டா²னே அப்பஸாத³ங் உபத³ங்ஸேதி, ஸத்³தா⁴தெ³ய்யங் வினிபாதேதி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தா பி⁴க்கு²னீ யதா²ப⁴தங் நிக்கி²த்தா ஏவங் நிரயே.
116. ‘‘Pañcahi , bhikkhave, dhammehi samannāgatā bhikkhunī yathābhataṃ nikkhittā evaṃ niraye. Katamehi pañcahi? Ananuvicca apariyogāhetvā avaṇṇārahassa vaṇṇaṃ bhāsati, ananuvicca apariyogāhetvā vaṇṇārahassa avaṇṇaṃ bhāsati, ananuvicca apariyogāhetvā appasādanīye ṭhāne pasādaṃ upadaṃseti, ananuvicca apariyogāhetvā pasādanīye ṭhāne appasādaṃ upadaṃseti, saddhādeyyaṃ vinipāteti. Imehi kho, bhikkhave, pañcahi dhammehi samannāgatā bhikkhunī yathābhataṃ nikkhittā evaṃ niraye.
‘‘பஞ்சஹி, பி⁴க்க²வே, த⁴ம்மேஹி ஸமன்னாக³தா பி⁴க்கு²னீ யதா²ப⁴தங் நிக்கி²த்தா ஏவங் ஸக்³கே³. கதமேஹி பஞ்சஹி? அனுவிச்ச பரியோகா³ஹெத்வா அவண்ணாரஹஸ்ஸ அவண்ணங் பா⁴ஸதி, அனுவிச்ச பரியோகா³ஹெத்வா வண்ணாரஹஸ்ஸ வண்ணங் பா⁴ஸதி, அனுவிச்ச பரியோகா³ஹெத்வா அப்பஸாத³னீயே டா²னே அப்பஸாத³ங் உபத³ங்ஸேதி, அனுவிச்ச பரியோகா³ஹெத்வா பஸாத³னீயே டா²னே பஸாத³ங் உபத³ங்ஸேதி, ஸத்³தா⁴தெ³ய்யங் ந வினிபாதேதி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தா பி⁴க்கு²னீ யதா²ப⁴தங் நிக்கி²த்தா ஏவங் ஸக்³கே³’’தி. ச²ட்ட²ங்.
‘‘Pañcahi, bhikkhave, dhammehi samannāgatā bhikkhunī yathābhataṃ nikkhittā evaṃ sagge. Katamehi pañcahi? Anuvicca pariyogāhetvā avaṇṇārahassa avaṇṇaṃ bhāsati, anuvicca pariyogāhetvā vaṇṇārahassa vaṇṇaṃ bhāsati, anuvicca pariyogāhetvā appasādanīye ṭhāne appasādaṃ upadaṃseti, anuvicca pariyogāhetvā pasādanīye ṭhāne pasādaṃ upadaṃseti, saddhādeyyaṃ na vinipāteti. Imehi kho, bhikkhave, pañcahi dhammehi samannāgatā bhikkhunī yathābhataṃ nikkhittā evaṃ sagge’’ti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 6-7. வண்ணனாஸுத்தாதி³வண்ணனா • 6-7. Vaṇṇanāsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-13. மச்ச²ரினீஸுத்தாதி³வண்ணனா • 5-13. Maccharinīsuttādivaṇṇanā
