| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૩. દિટ્ઠિસંયુત્તં
3. Diṭṭhisaṃyuttaṃ
૧. સોતાપત્તિવગ્ગો
1. Sotāpattivaggo
૧. વાતસુત્તવણ્ણના
1. Vātasuttavaṇṇanā
૨૦૬. ન એતે વાતાતિ યે ઇમે રુક્ખસાખાદિભઞ્જનકરા, એતે સત્તકાયત્તા વાતા નામ ન હોન્તિ. તે હિ નિચ્ચા ધુવા સસ્સતા. તેનાહ ‘‘વાતો પના’’તિઆદિ. તેન સત્તસુ કાયેસુ ચતુત્થં કાયમાહ. રુક્ખસાખાદિભઞ્જનકો એસો વાતલેસો નામ, વાતસદિસોતિ અત્થો. એસિકત્થમ્ભો વિયાતિ ઇમિના નિચ્ચલભાવમેવ દસ્સેતિ, પબ્બતકૂટં વિયાતિ ઇમિના પન સસ્સતિસમંવાપિ. અયઞ્હિ વાયુ કાયસ્સ નિચ્ચતં અભિનિવિસ્સ ઠિતો ‘‘મા ચ અનિચ્ચતા પરો હોતૂ’’તિ ન વાતા વાયન્તીતિ બાધતિ. એસ નયો નદિયો સન્દન્તીતિઆદીસુ. ઉદકં પનાતિ દુતિયં કાયં સન્ધાયાહ. ગબ્ભો પન ન નિક્ખમતિ કૂટટ્ઠાદિભાવેનેવ તસ્સ લબ્ભનતો. નેવ તે ઉદેન્તિ યથા વાતા, એવં તિટ્ઠનતો લોકસ્સ પન તથા મતિમત્તન્તિ અધિપ્પાયો.
206.Naete vātāti ye ime rukkhasākhādibhañjanakarā, ete sattakāyattā vātā nāma na honti. Te hi niccā dhuvā sassatā. Tenāha ‘‘vāto panā’’tiādi. Tena sattasu kāyesu catutthaṃ kāyamāha. Rukkhasākhādibhañjanako eso vātaleso nāma, vātasadisoti attho. Esikatthambho viyāti iminā niccalabhāvameva dasseti, pabbatakūṭaṃ viyāti iminā pana sassatisamaṃvāpi. Ayañhi vāyu kāyassa niccataṃ abhinivissa ṭhito ‘‘mā ca aniccatā paro hotū’’ti na vātā vāyantīti bādhati. Esa nayo nadiyo sandantītiādīsu. Udakaṃ panāti dutiyaṃ kāyaṃ sandhāyāha. Gabbho pana na nikkhamati kūṭaṭṭhādibhāveneva tassa labbhanato. Neva te udenti yathā vātā, evaṃ tiṭṭhanato lokassa pana tathā matimattanti adhippāyo.
વાતસુત્તવણ્ણના નિટ્ઠિતા.
Vātasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧. વાતસુત્તં • 1. Vātasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧. વાતસુત્તવણ્ણના • 1. Vātasuttavaṇṇanā
