| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. வேபுல்லபப்³ப³தஸுத்தவண்ணனா
10. Vepullapabbatasuttavaṇṇanā
143. ஏகங் அபதா³னங் ஆஹரித்வா த³ஸ்ஸேதி ‘‘ஏவங் ஸங்வேக³ங் ஜனெத்வா பி⁴க்கூ² விஸேஸங் பாபெஸ்ஸாமீ’’தி. சதூஹேன ஆரோஹந்தி சதுயோஜனுப்³பே³த⁴த்தா. த்³வின்னங் பு³த்³தா⁴னந்தி ககுஸந்த⁴ஸ்ஸ கோணாக³மனஸ்ஸ சாதி இமேஸங் த்³வின்னங் பு³த்³தா⁴னங். ‘‘திவரா ரோஹிதஸ்ஸா ஸுப்பியா’’தி மனுஸ்ஸானங் தஸ்மிங் தஸ்மிங் காலே ஸமஞ்ஞா தத்த² தே³ஸனாமவஸேன ஜாதாதி வேதி³தப்³பா³, யதா² ஏதரஹி மாக³தா⁴தி.
143.Ekaṃ apadānaṃ āharitvā dasseti ‘‘evaṃ saṃvegaṃ janetvā bhikkhū visesaṃ pāpessāmī’’ti. Catūhena ārohanti catuyojanubbedhattā. Dvinnaṃ buddhānanti kakusandhassa koṇāgamanassa cāti imesaṃ dvinnaṃ buddhānaṃ. ‘‘Tivarā rohitassā suppiyā’’ti manussānaṃ tasmiṃ tasmiṃ kāle samaññā tattha desanāmavasena jātāti veditabbā, yathā etarahi māgadhāti.
புன வஸ்ஸஸதந்தி பட²மவஸ்ஸஸததோ உபரிவஸ்ஸஸதங் ஜீவனகோ நாம மனுஸ்ஸோ நத்தி². பரிஹீனஸதி³ஸங் கதங் தே³ஸனாய. வட்³டி⁴த்வாதி த³ஸவஸ்ஸாயுகபா⁴வதோ பட்டா²ய யாவ அஸங்க்²யெய்யாயுகபா⁴வா வட்³டி⁴த்வா. ‘‘பரிஹீன’’ந்தி வத்வா தங் பரிஹீனபா⁴வங் த³ஸ்ஸெந்தோ ‘‘கத²’’ந்திஆதி³மாஹ. யங் ஆயுப்பமாணேஸூதி யத்தகங் ஆயுப்பமாணேஸூதி.
Puna vassasatanti paṭhamavassasatato uparivassasataṃ jīvanako nāma manusso natthi. Parihīnasadisaṃ kataṃ desanāya. Vaḍḍhitvāti dasavassāyukabhāvato paṭṭhāya yāva asaṅkhyeyyāyukabhāvā vaḍḍhitvā. ‘‘Parihīna’’nti vatvā taṃ parihīnabhāvaṃ dassento ‘‘katha’’ntiādimāha. Yaṃ āyuppamāṇesūti yattakaṃ āyuppamāṇesūti.
வேபுல்லபப்³ப³தஸுத்தவண்ணனா நிட்டி²தா.
Vepullapabbatasuttavaṇṇanā niṭṭhitā.
து³தியவக்³க³வண்ணனா நிட்டி²தா.
Dutiyavaggavaṇṇanā niṭṭhitā.
ஸாரத்த²ப்பகாஸினியா ஸங்யுத்தனிகாய-அட்ட²கதா²ய
Sāratthappakāsiniyā saṃyuttanikāya-aṭṭhakathāya
அனமதக்³க³ஸங்யுத்தவண்ணனாய லீனத்த²ப்பகாஸனா ஸமத்தா.
Anamataggasaṃyuttavaṇṇanāya līnatthappakāsanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. வேபுல்லபப்³ப³தஸுத்தங் • 10. Vepullapabbatasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. வேபுல்லபப்³ப³தஸுத்தவண்ணனா • 10. Vepullapabbatasuttavaṇṇanā
