| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૧૦. વેપુલ્લપબ્બતસુત્તવણ્ણના
10. Vepullapabbatasuttavaṇṇanā
૧૪૩. એકં અપદાનં આહરિત્વા દસ્સેતિ ‘‘એવં સંવેગં જનેત્વા ભિક્ખૂ વિસેસં પાપેસ્સામી’’તિ. ચતૂહેન આરોહન્તિ ચતુયોજનુબ્બેધત્તા. દ્વિન્નં બુદ્ધાનન્તિ કકુસન્ધસ્સ કોણાગમનસ્સ ચાતિ ઇમેસં દ્વિન્નં બુદ્ધાનં. ‘‘તિવરા રોહિતસ્સા સુપ્પિયા’’તિ મનુસ્સાનં તસ્મિં તસ્મિં કાલે સમઞ્ઞા તત્થ દેસનામવસેન જાતાતિ વેદિતબ્બા, યથા એતરહિ માગધાતિ.
143.Ekaṃ apadānaṃ āharitvā dasseti ‘‘evaṃ saṃvegaṃ janetvā bhikkhū visesaṃ pāpessāmī’’ti. Catūhena ārohanti catuyojanubbedhattā. Dvinnaṃ buddhānanti kakusandhassa koṇāgamanassa cāti imesaṃ dvinnaṃ buddhānaṃ. ‘‘Tivarā rohitassā suppiyā’’ti manussānaṃ tasmiṃ tasmiṃ kāle samaññā tattha desanāmavasena jātāti veditabbā, yathā etarahi māgadhāti.
પુન વસ્સસતન્તિ પઠમવસ્સસતતો ઉપરિવસ્સસતં જીવનકો નામ મનુસ્સો નત્થિ. પરિહીનસદિસં કતં દેસનાય. વડ્ઢિત્વાતિ દસવસ્સાયુકભાવતો પટ્ઠાય યાવ અસઙ્ખ્યેય્યાયુકભાવા વડ્ઢિત્વા. ‘‘પરિહીન’’ન્તિ વત્વા તં પરિહીનભાવં દસ્સેન્તો ‘‘કથ’’ન્તિઆદિમાહ. યં આયુપ્પમાણેસૂતિ યત્તકં આયુપ્પમાણેસૂતિ.
Puna vassasatanti paṭhamavassasatato uparivassasataṃ jīvanako nāma manusso natthi. Parihīnasadisaṃ kataṃ desanāya. Vaḍḍhitvāti dasavassāyukabhāvato paṭṭhāya yāva asaṅkhyeyyāyukabhāvā vaḍḍhitvā. ‘‘Parihīna’’nti vatvā taṃ parihīnabhāvaṃ dassento ‘‘katha’’ntiādimāha. Yaṃ āyuppamāṇesūti yattakaṃ āyuppamāṇesūti.
વેપુલ્લપબ્બતસુત્તવણ્ણના નિટ્ઠિતા.
Vepullapabbatasuttavaṇṇanā niṭṭhitā.
દુતિયવગ્ગવણ્ણના નિટ્ઠિતા.
Dutiyavaggavaṇṇanā niṭṭhitā.
સારત્થપ્પકાસિનિયા સંયુત્તનિકાય-અટ્ઠકથાય
Sāratthappakāsiniyā saṃyuttanikāya-aṭṭhakathāya
અનમતગ્ગસંયુત્તવણ્ણનાય લીનત્થપ્પકાસના સમત્તા.
Anamataggasaṃyuttavaṇṇanāya līnatthappakāsanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૦. વેપુલ્લપબ્બતસુત્તં • 10. Vepullapabbatasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧૦. વેપુલ્લપબ્બતસુત્તવણ્ણના • 10. Vepullapabbatasuttavaṇṇanā
