| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૯. વેરમ્ભસુત્તવણ્ણના
9. Verambhasuttavaṇṇanā
૧૬૫. નવમે વેરમ્ભવાતાતિ એવંનામકા મહાવાતા. કીદિસે પન ઠાને તે વાતા વાયન્તીતિ? યત્થ ઠિતસ્સ ચત્તારો દીપા ઉપ્પલિનિપત્તમત્તા હુત્વા પઞ્ઞાયન્તિ. યો પક્ખી ગચ્છતીતિ નવવુટ્ઠે દેવે વિરવન્તો વાતસકુણો તત્થ ગચ્છતિ, તં સન્ધાયેતં વુત્તં. અરક્ખિતેનેવ કાયેનાતિઆદીસુ હત્થપાદે કીળાપેન્તો ખન્ધટ્ઠિં વા નામેન્તો કાયં ન રક્ખતિ નામ, નાનાવિધં દુટ્ઠુલ્લકથં કથેન્તો વાચં ન રક્ખતિ નામ, કામવિતક્કાદયો વિતક્કેન્તો ચિત્તં ન રક્ખતિ નામ. અનુપટ્ઠિતાય સતિયાતિ કાયગતાસતિં અનુપટ્ઠપેત્વા. નવમં.
165. Navame verambhavātāti evaṃnāmakā mahāvātā. Kīdise pana ṭhāne te vātā vāyantīti? Yattha ṭhitassa cattāro dīpā uppalinipattamattā hutvā paññāyanti. Yo pakkhī gacchatīti navavuṭṭhe deve viravanto vātasakuṇo tattha gacchati, taṃ sandhāyetaṃ vuttaṃ. Arakkhiteneva kāyenātiādīsu hatthapāde kīḷāpento khandhaṭṭhiṃ vā nāmento kāyaṃ na rakkhati nāma, nānāvidhaṃ duṭṭhullakathaṃ kathento vācaṃ na rakkhati nāma, kāmavitakkādayo vitakkento cittaṃ na rakkhati nāma. Anupaṭṭhitāya satiyāti kāyagatāsatiṃ anupaṭṭhapetvā. Navamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૯. વેરમ્ભસુત્તં • 9. Verambhasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૯. વેરમ્ભસુત્તવણ્ણના • 9. Verambhasuttavaṇṇanā
