| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
8. வேரோசனஅஸுரிந்த³ஸுத்தவண்ணனா
8. Verocanaasurindasuttavaṇṇanā
254. த்³வாரபாலரூபகானி வியாதி த்³வாரபாலாகாரேன கதபடிமாயோ விய. வாயமேதே²வ, ந அந்தரா ஸங்கோசங் ஆபஜ்ஜெய்யாதி அதி⁴ப்பாயோ. நிப்ப²ன்னஸோப⁴னேஸூதி நிப்ப²ன்னபா⁴வேன ஸுந்த³ரேஸு. ஸப்³பே³ ஹி அனிப்ப²ன்னா அத்தா² ந ஸோப⁴ந்தி. கிச்சஜாதாதி விப்பகதபா⁴வேன ஸஞ்ஜாதகிச்சா. அகிச்சஜாதோதி அஸஞ்ஜாதகிச்சோ கிச்சரஹிதோ நாம நத்தி² க³மனட்டி²தஸயனநிஸஜ்ஜாதி³வஸேன உப்பஜ்ஜனகது³க்க²வினோத³னபா⁴வதோ. ஸங்யோக³பரமாத்வேவ ஸம்போ⁴கா³தி இமேஸங் ஸத்தானங் ஸங்பு⁴ஞ்ஜிதப்³ப³வத்தூ²னி நாம பகதியா விரோத⁴ஸீலானிபி அஸங்யோகே³ன வா அஸுந்த³ரானிபி, தானி அபி⁴ஸங்க²ரணபசனஸங்யோஜனபரமானி வேதி³தப்³பா³னி ததா² ஸதி ஸம்போ⁴கா³ரஹபா⁴வூபக³மனதோ. தேனாஹ ‘‘பாரிவாஸிகஓத³னாதீ³னீ’’திஆதி³. உண்ஹாபெத்வா பரிபு⁴ஞ்ஜிதப்³ப³யுத்தே பரிப⁴ஜ்ஜித்வாதி அதி⁴ப்பாயோ.
254.Dvārapālarūpakāniviyāti dvārapālākārena katapaṭimāyo viya. Vāyametheva, na antarā saṃkocaṃ āpajjeyyāti adhippāyo. Nipphannasobhanesūti nipphannabhāvena sundaresu. Sabbe hi anipphannā atthā na sobhanti. Kiccajātāti vippakatabhāvena sañjātakiccā. Akiccajātoti asañjātakicco kiccarahito nāma natthi gamanaṭṭhitasayananisajjādivasena uppajjanakadukkhavinodanabhāvato. Saṃyogaparamātveva sambhogāti imesaṃ sattānaṃ saṃbhuñjitabbavatthūni nāma pakatiyā virodhasīlānipi asaṃyogena vā asundarānipi, tāni abhisaṅkharaṇapacanasaṃyojanaparamāni veditabbāni tathā sati sambhogārahabhāvūpagamanato. Tenāha ‘‘pārivāsikaodanādīnī’’tiādi. Uṇhāpetvā paribhuñjitabbayutte paribhajjitvāti adhippāyo.
வேரோசனஅஸுரிந்த³ஸுத்தவண்ணனா நிட்டி²தா.
Verocanaasurindasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. வேரோசனஅஸுரிந்த³ஸுத்தங் • 8. Verocanaasurindasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. வேரோசனஅஸுரிந்த³ஸுத்தவண்ணனா • 8. Verocanaasurindasuttavaṇṇanā
