| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. விப⁴ங்க³ஸுத்தவண்ணனா
10. Vibhaṅgasuttavaṇṇanā
832. ச²ந்த³ங் உப்பாதெ³த்வாதி பா⁴வனாச²ந்த³ங் உப்பாதெ³த்வா. லீனாகாரோதி பா⁴வனாசித்தஸ்ஸ லயாபத்தி. கோஸஜ்ஜேன வோகிண்ணாபஜ்ஜனங் வுத்தங்.
832.Chandaṃ uppādetvāti bhāvanāchandaṃ uppādetvā. Līnākāroti bhāvanācittassa layāpatti. Kosajjena vokiṇṇāpajjanaṃ vuttaṃ.
ஏவங் பஸாதா³பா⁴வேன சித்தஸ்ஸ விக்கே²பாபத்தி, தத்த² பஸாது³ப்பாத³னேன யங் ஸம்பஹங்ஸனங் இச்சி²தப்³ப³ங், தஸ்ஸ உப்பாத³னாகாரங் த³ஸ்ஸேதுங் வுத்தங் ‘‘ஸோ பு³த்³த⁴த⁴ம்மஸங்க⁴கு³ணே ஆவஜ்ஜெத்வா’’திஆதி³. வத்து²காமே ஆரப்³ப⁴ விக்கி²த்தோ புனப்புனங் விக்கி²த்தோ ஹோதியேவாதி வுத்தங் ‘‘அனுவிக்கி²த்தோ’’தி. உப்பத²ங் படிபன்னஸ்ஸ சித்தஸ்ஸ த³ண்ட³னட்டே²ன நிக்³க³ண்ஹனட்டே²ன ஸுத்தானி ஏவ த³ண்டோ³தி ஸுத்தத³ண்டோ³, தேன ஸுத்தத³ண்டே³ன சித்தங் தஜ்ஜெத்வா. பஞ்சகாமகு³ணே ஆரப்³ப⁴ பவத்தோ சித்தவிக்கே²போ புனப்புனங் உப்பஜ்ஜதேவாதி வுத்தங் ‘‘அனுவிக்கி²த்தோ அனுவிஸடோ’’தி.
Evaṃ pasādābhāvena cittassa vikkhepāpatti, tattha pasāduppādanena yaṃ sampahaṃsanaṃ icchitabbaṃ, tassa uppādanākāraṃ dassetuṃ vuttaṃ ‘‘so buddhadhammasaṅghaguṇe āvajjetvā’’tiādi. Vatthukāme ārabbha vikkhitto punappunaṃ vikkhitto hotiyevāti vuttaṃ ‘‘anuvikkhitto’’ti. Uppathaṃ paṭipannassa cittassa daṇḍanaṭṭhena niggaṇhanaṭṭhena suttāni eva daṇḍoti suttadaṇḍo, tena suttadaṇḍena cittaṃ tajjetvā. Pañcakāmaguṇe ārabbha pavatto cittavikkhepo punappunaṃ uppajjatevāti vuttaṃ ‘‘anuvikkhitto anuvisaṭo’’ti.
புரேபச்சா²பா⁴வோ கம்மட்டா²னஸ்ஸ மனஸிகாரவஸேன உக்³க³ஹவஸேன வாதி தது³ப⁴யங் த³ஸ்ஸேதுங் ‘‘கத²’’ந்திஆதி³ வுத்தங். அதிலீனாதீ³ஸு சதூஸு டா²னேஸூதி அதிலீனாதிபக்³க³ஹிதஸங்கி²த்தஅனுவிக்கி²த்தஸஞ்ஞிதேஸு சதூஸு டா²னேஸு. தத்த² பா⁴வனங் அனஜ்ஜோ²கா³ஹெத்வாவ ஸங்கோசோ அதிலீனதா, அஜ்ஜோ²கா³ஹெத்வா அந்தோ ஸங்கோசோ ஸங்கி²த்ததா, அந்தோஸங்கே²போ அதிபக்³க³ஹிததா, அச்சாரத்³த⁴வீரியதா அனுவிக்கி²த்ததா. ப³ஹித்³தா⁴ விஸமவிதக்கானுபா⁴வனங் ஆபஜ்ஜந்தோ த்³வத்திங்ஸாகாரவஸேன அட்டி²கஸஞ்ஞாவஸேன வா க³ஹேதப்³ப³ந்தி ஆஹ – ‘‘ஸரீரவஸேன வேதி³தப்³ப³’’ந்தி. தேனாஹ ‘‘உத்³த⁴ங் பாத³தலா’’திஆதி³ (தீ³॰ நி॰ 2.377; ம॰ நி॰ 1.110).
Purepacchābhāvo kammaṭṭhānassa manasikāravasena uggahavasena vāti tadubhayaṃ dassetuṃ ‘‘katha’’ntiādi vuttaṃ. Atilīnādīsu catūsu ṭhānesūti atilīnātipaggahitasaṃkhittaanuvikkhittasaññitesu catūsu ṭhānesu. Tattha bhāvanaṃ anajjhogāhetvāva saṅkoco atilīnatā, ajjhogāhetvā anto saṅkoco saṃkhittatā, antosaṅkhepo atipaggahitatā, accāraddhavīriyatā anuvikkhittatā. Bahiddhā visamavitakkānubhāvanaṃ āpajjanto dvattiṃsākāravasena aṭṭhikasaññāvasena vā gahetabbanti āha – ‘‘sarīravasena veditabba’’nti. Tenāha ‘‘uddhaṃ pādatalā’’tiādi (dī. ni. 2.377; ma. ni. 1.110).
அஞ்ஞமஞ்ஞங் அஸங்கரதோ ஆகிரீயந்தி பகாரதோ ட²பீயந்தீதி ஆகாரா, பா⁴கா³தி ஆஹ – ‘‘யேஹி ஆகாரேஹீதி யேஹி கொட்டா²ஸேஹீ’’தி. லிங்கீ³யதி ஸல்லக்கீ²யதீதி லிங்க³ங், ஸண்டா²னங். நிமீயதி நித்³தா⁴ரெத்வா பரிச்சி²ந்தீ³யதீதி நிமித்தங், உபட்டா²னங். யோ பி⁴க்கூ²திஆதி³ ஆலோகஸஞ்ஞங் யோ உக்³க³ண்ஹாதி, தங் த³ஸ்ஸனங். அங்க³ணேதி விவடங்க³ணே. ஆலோகஸஞ்ஞங் மனஸிகரோதி ரத்தியங். வீரியாதீ³ஸுபீதி யதா² ‘‘இத⁴ பி⁴க்கு² ச²ந்த³ங் உப்பாதெ³த்வா’’தி ச²ந்தே³ வித்தா²ரனயோ வுத்தோ, வீரியாதீ³ஸுபி ஏஸோ ஏவ வித்தா²ரனயோ யோஜேதப்³போ³.
Aññamaññaṃ asaṅkarato ākirīyanti pakārato ṭhapīyantīti ākārā, bhāgāti āha – ‘‘yehi ākārehīti yehi koṭṭhāsehī’’ti. Liṅgīyati sallakkhīyatīti liṅgaṃ, saṇṭhānaṃ. Nimīyati niddhāretvā paricchindīyatīti nimittaṃ, upaṭṭhānaṃ. Yo bhikkhūtiādi ālokasaññaṃ yo uggaṇhāti, taṃ dassanaṃ. Aṅgaṇeti vivaṭaṅgaṇe. Ālokasaññaṃ manasikaroti rattiyaṃ. Vīriyādīsupīti yathā ‘‘idha bhikkhu chandaṃ uppādetvā’’ti chande vitthāranayo vutto, vīriyādīsupi eso eva vitthāranayo yojetabbo.
பாஸாத³கம்பனவக்³க³வண்ணனா நிட்டி²தா.
Pāsādakampanavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. விப⁴ங்க³ஸுத்தங் • 10. Vibhaṅgasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. விப⁴ங்க³ஸுத்தவண்ணனா • 10. Vibhaṅgasuttavaṇṇanā
