| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. விஜயாஸுத்தவண்ணனா
4. Vijayāsuttavaṇṇanā
165. பஞ்ச அங்கா³னி ஏதஸ்ஸாதி பஞ்சங்க³ங், பஞ்சங்க³மேவ பஞ்சங்கி³கங், தேன பஞ்சங்கி³கேன. ஆததந்திஆதீ³ஸு ஆததங் நாம சம்மபரியோனத்³தே⁴ஸு பே⁴ரிஆதீ³ஸு ஏகதலங் தூரியங். விததங் நாம உப⁴யதலங். ஆததவிததங் நாம தந்திப³த்³த⁴வீணாதி³. ஸுஸிரங் வங்ஸாதி³. க⁴னங் ஸம்மாதி³. ததஆதி³விஸேஸோபி ஆததமேவாதி ‘‘சம்மபரியோனத்³தே⁴ஸூ’’தி விஸேஸனங். ஏகதலங் கும்ப⁴தூ²ணத³த்³த³ராதி³. உப⁴யதலங் பே⁴ரிமுதி³ங்கா³தி³. சம்மபரியோனத்³த⁴ங் ஸேஸங் தந்திப³த்³த⁴ங் ஸப்³ப³ங் ஆததவிததங் நாம, கோ³முகீ²ஆதீ³னம்பி எத்தே²வ ஸங்க³ஹோ த³ட்ட²ப்³போ³. வங்ஸாதீ³தி ஆதி³ஸத்³தே³ன ஸங்க²ஸிங்கா³னம்பி ஸங்க³ஹோ. ஸம்மதாள-கங்ஸதாள-ஸிலாதாள-ஸலாகதாளாதி³ ஸம்மாதி³ நாம. தத்த² ஸம்மதாளங் நாம த³ண்ட³மயதாளங், கங்ஸமயதாளங் கங்ஸதாளங், ஸிலாயங் அயோபத்தேன ச தாளனதாளங். ஸப்³பே³ காமகு³ணே. உக்³க⁴ரிதபக்³க⁴ரிதட்டே²னாதி உபரி க⁴ரணேன ச விஸ்ஸந்த³னேன ச. ஏவந்தி ‘‘இமினா பூதிகாயேனா’’தி. அரூபட்டா²யினோதி ஸத்தாதி⁴ட்டா²னேனாயங் த⁴ம்மதே³ஸனாதி ஆஹ ‘‘ஸப்³ப³த்தா²தி ஸப்³பே³ஸு ரூபாரூபப⁴வேஸூ’’தி. தேஸங் த்³வின்னங் ரூபாரூபப⁴வானங் க³ஹிதத்தா. ப⁴வபா⁴வஸாமஞ்ஞதோ, தத³தி⁴ட்டா²னதோ க³ஹிதே காமப⁴வே. அவிஜ்ஜாதமோ விஹதோ அக்³க³மக்³கே³ன ஸமுக்³கா⁴திதத்தா.
165. Pañca aṅgāni etassāti pañcaṅgaṃ, pañcaṅgameva pañcaṅgikaṃ, tena pañcaṅgikena. Ātatantiādīsu ātataṃ nāma cammapariyonaddhesu bheriādīsu ekatalaṃ tūriyaṃ. Vitataṃ nāma ubhayatalaṃ. Ātatavitataṃ nāma tantibaddhavīṇādi. Susiraṃ vaṃsādi. Ghanaṃ sammādi. Tataādivisesopi ātatamevāti ‘‘cammapariyonaddhesū’’ti visesanaṃ. Ekatalaṃ kumbhathūṇadaddarādi. Ubhayatalaṃ bherimudiṅgādi. Cammapariyonaddhaṃ sesaṃ tantibaddhaṃ sabbaṃ ātatavitataṃ nāma, gomukhīādīnampi ettheva saṅgaho daṭṭhabbo. Vaṃsādīti ādisaddena saṅkhasiṅgānampi saṅgaho. Sammatāḷa-kaṃsatāḷa-silātāḷa-salākatāḷādi sammādi nāma. Tattha sammatāḷaṃ nāma daṇḍamayatāḷaṃ, kaṃsamayatāḷaṃ kaṃsatāḷaṃ, silāyaṃ ayopattena ca tāḷanatāḷaṃ. Sabbe kāmaguṇe. Uggharitapaggharitaṭṭhenāti upari gharaṇena ca vissandanena ca. Evanti ‘‘iminā pūtikāyenā’’ti. Arūpaṭṭhāyinoti sattādhiṭṭhānenāyaṃ dhammadesanāti āha ‘‘sabbatthāti sabbesu rūpārūpabhavesū’’ti. Tesaṃ dvinnaṃ rūpārūpabhavānaṃ gahitattā. Bhavabhāvasāmaññato, tadadhiṭṭhānato gahite kāmabhave. Avijjātamo vihato aggamaggena samugghātitattā.
விஜயாஸுத்தவண்ணனா நிட்டி²தா.
Vijayāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. விஜயாஸுத்தங் • 4. Vijayāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. விஜயாஸுத்தவண்ணனா • 4. Vijayāsuttavaṇṇanā
