| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૪. વિજયાસુત્તવણ્ણના
4. Vijayāsuttavaṇṇanā
૧૬૫. ચતુત્થે પઞ્ચઙ્ગિકેનાતિ આતતં વિતતં આતતવિતતં ઘનં સુસિરન્તિ એવં પઞ્ચઙ્ગસમન્નાગતેન. નિય્યાતયામિ તુય્હેવાતિ સબ્બે તુય્હંયેવ દેમિ. નાહં તેનત્થિકાતિ નાહં તેન અત્થિકા. પૂતિકાયેનાતિ સુવણ્ણવણ્ણોપિ કાયો નિચ્ચં ઉગ્ઘરિતપગ્ઘરિતટ્ઠેન પૂતિકાયોવ, તસ્મા એવમાહ. ભિન્દનેનાતિ ભિજ્જનસભાવેન. પભઙ્ગુનાતિ ચુણ્ણવિચુણ્ણં આપજ્જનધમ્મેન. અટ્ટીયામીતિ અટ્ટા પીળિતા હોમિ. હરાયામીતિ લજ્જામિ. સન્તા સમાપત્તીતિ અટ્ઠવિધા લોકિયસમાપત્તિ આરમ્મણસન્તતાય અઙ્ગસન્તતાય ચ સન્તાતિ વુત્તા. સબ્બત્થાતિ સબ્બેસુ રૂપારૂપભવેસુ, તેસં દ્વિન્નં ભવાનં ગહિતત્તા ગહિતે કામભવે અટ્ઠસુ ચ સમાપત્તીસૂતિ એતેસુ સબ્બેસુ ઠાનેસુ મય્હં અવિજ્જાતમો વિહતોતિ વદતિ. ચતુત્થં.
165. Catutthe pañcaṅgikenāti ātataṃ vitataṃ ātatavitataṃ ghanaṃ susiranti evaṃ pañcaṅgasamannāgatena. Niyyātayāmi tuyhevāti sabbe tuyhaṃyeva demi. Nāhaṃ tenatthikāti nāhaṃ tena atthikā. Pūtikāyenāti suvaṇṇavaṇṇopi kāyo niccaṃ uggharitapaggharitaṭṭhena pūtikāyova, tasmā evamāha. Bhindanenāti bhijjanasabhāvena. Pabhaṅgunāti cuṇṇavicuṇṇaṃ āpajjanadhammena. Aṭṭīyāmīti aṭṭā pīḷitā homi. Harāyāmīti lajjāmi. Santā samāpattīti aṭṭhavidhā lokiyasamāpatti ārammaṇasantatāya aṅgasantatāya ca santāti vuttā. Sabbatthāti sabbesu rūpārūpabhavesu, tesaṃ dvinnaṃ bhavānaṃ gahitattā gahite kāmabhave aṭṭhasu ca samāpattīsūti etesu sabbesu ṭhānesu mayhaṃ avijjātamo vihatoti vadati. Catutthaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. વિજયાસુત્તં • 4. Vijayāsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૪. વિજયાસુત્તવણ્ણના • 4. Vijayāsuttavaṇṇanā
