| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. விஜ்ஜாஸுத்தங்
5. Vijjāsuttaṃ
105. ‘‘அவிஜ்ஜா , பி⁴க்க²வே, புப்³ப³ங்க³மா அகுஸலானங் த⁴ம்மானங் ஸமாபத்தியா, அன்வதே³வ அஹிரிகங் அனொத்தப்பங். அவிஜ்ஜாக³தஸ்ஸ, பி⁴க்க²வே, அவித்³த³ஸுனோ மிச்சா²தி³ட்டி² பஹோதி, மிச்சா²தி³ட்டி²கஸ்ஸ மிச்சா²ஸங்கப்போ பஹோதி, மிச்சா²ஸங்கப்பஸ்ஸ மிச்சா²வாசா பஹோதி, மிச்சா²வாசஸ்ஸ மிச்சா²கம்மந்தோ பஹோதி, மிச்சா²கம்மந்தஸ்ஸ மிச்சா²ஆஜீவோ பஹோதி, மிச்சா²ஆஜீவஸ்ஸ மிச்சா²வாயாமோ பஹோதி, மிச்சா²வாயாமஸ்ஸ மிச்சா²ஸதி பஹோதி, மிச்சா²ஸதிஸ்ஸ மிச்சா²ஸமாதி⁴ பஹோதி, மிச்சா²ஸமாதி⁴ஸ்ஸ மிச்சா²ஞாணங் பஹோதி, மிச்சா²ஞாணிஸ்ஸ மிச்சா²விமுத்தி பஹோதி.
105. ‘‘Avijjā , bhikkhave, pubbaṅgamā akusalānaṃ dhammānaṃ samāpattiyā, anvadeva ahirikaṃ anottappaṃ. Avijjāgatassa, bhikkhave, aviddasuno micchādiṭṭhi pahoti, micchādiṭṭhikassa micchāsaṅkappo pahoti, micchāsaṅkappassa micchāvācā pahoti, micchāvācassa micchākammanto pahoti, micchākammantassa micchāājīvo pahoti, micchāājīvassa micchāvāyāmo pahoti, micchāvāyāmassa micchāsati pahoti, micchāsatissa micchāsamādhi pahoti, micchāsamādhissa micchāñāṇaṃ pahoti, micchāñāṇissa micchāvimutti pahoti.
‘‘விஜ்ஜா, பி⁴க்க²வே, புப்³ப³ங்க³மா குஸலானங் த⁴ம்மானங் ஸமாபத்தியா, அன்வதே³வ ஹிரொத்தப்பங். விஜ்ஜாக³தஸ்ஸ, பி⁴க்க²வே, வித்³த³ஸுனோ ஸம்மாதி³ட்டி² பஹோதி, ஸம்மாதி³ட்டி²கஸ்ஸ ஸம்மாஸங்கப்போ பஹோதி, ஸம்மாஸங்கப்பஸ்ஸ ஸம்மாவாசா பஹோதி, ஸம்மாவாசஸ்ஸ ஸம்மாகம்மந்தோ பஹோதி, ஸம்மாகம்மந்தஸ்ஸ ஸம்மாஆஜீவோ பஹோதி, ஸம்மாஆஜீவஸ்ஸ ஸம்மாவாயாமோ பஹோதி, ஸம்மாவாயாமஸ்ஸ ஸம்மாஸதி பஹோதி, ஸம்மாஸதிஸ்ஸ ஸம்மாஸமாதி⁴ பஹோதி, ஸம்மாஸமாதி⁴ஸ்ஸ ஸம்மாஞாணங் பஹோதி, ஸம்மாஞாணிஸ்ஸ ஸம்மாவிமுத்தி பஹோதீ’’தி. பஞ்சமங்.
‘‘Vijjā, bhikkhave, pubbaṅgamā kusalānaṃ dhammānaṃ samāpattiyā, anvadeva hirottappaṃ. Vijjāgatassa, bhikkhave, viddasuno sammādiṭṭhi pahoti, sammādiṭṭhikassa sammāsaṅkappo pahoti, sammāsaṅkappassa sammāvācā pahoti, sammāvācassa sammākammanto pahoti, sammākammantassa sammāājīvo pahoti, sammāājīvassa sammāvāyāmo pahoti, sammāvāyāmassa sammāsati pahoti, sammāsatissa sammāsamādhi pahoti, sammāsamādhissa sammāñāṇaṃ pahoti, sammāñāṇissa sammāvimutti pahotī’’ti. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 4-5. பீ³ஜஸுத்தாதி³வண்ணனா • 4-5. Bījasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-12. ஸமணஸஞ்ஞாஸுத்தாதி³வண்ணனா • 1-12. Samaṇasaññāsuttādivaṇṇanā
