| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૪. વિમુચ્ચમાનકથાવણ્ણના
4. Vimuccamānakathāvaṇṇanā
૩૬૬. મગ્ગક્ખણે ચિત્તં એકદેસેન વિમુત્તં એકદેસેન અવિમુત્તન્તિ અયં ‘‘વિમુત્તં વિમુચ્ચમાન’’ન્તિ લદ્ધિયા દોસો. તથા હિ વુત્તં ‘‘એકદેસં વિમુત્તં, એકદેસં અવિમુત્ત’’ન્તિ. અટ્ઠકથાયઞ્ચ ‘‘તઞ્હિ તદા સમુચ્છેદવિમુત્તિયા વિમુત્તેકદેસેન વિમુચ્ચમાનન્તિસ્સ લદ્ધી’’તિ દસ્સિતોવાયમત્થો. વિપ્પકતનિદ્દેસેતિ વિમુચ્ચનકિરિયાય અપરિયોસિતતાનિદ્દેસે. યં સન્ધાયાહ ‘‘વિમુત્તં વિમુચ્ચમાનન્તિ વિપ્પકતભાવેન વુત્તત્તા’’તિ. તેનાતિ પરવાદિના. વિમુચ્ચ…પે॰… વુત્તં વિમુચ્ચમાનસ્સ વિમુત્તભાવાભાવતો, વિમુત્તભેદેન પન તથા વુત્તન્તિ અધિપ્પાયો. સતિ ચ દોસે વિપ્પકતનિદ્દેસેતિ આનેત્વા યોજેતબ્બં. એકદેસો વિસેસનં હોતિ નિપ્પદેસવિમુત્તિયા અવિચ્છિન્નતો. ફલચિત્તેનાતિ પઠમફલચિત્તેન ઉપ્પન્નેન.
366. Maggakkhaṇe cittaṃ ekadesena vimuttaṃ ekadesena avimuttanti ayaṃ ‘‘vimuttaṃ vimuccamāna’’nti laddhiyā doso. Tathā hi vuttaṃ ‘‘ekadesaṃ vimuttaṃ, ekadesaṃ avimutta’’nti. Aṭṭhakathāyañca ‘‘tañhi tadā samucchedavimuttiyā vimuttekadesena vimuccamānantissa laddhī’’ti dassitovāyamattho. Vippakataniddeseti vimuccanakiriyāya apariyositatāniddese. Yaṃ sandhāyāha ‘‘vimuttaṃ vimuccamānanti vippakatabhāvena vuttattā’’ti. Tenāti paravādinā. Vimucca…pe… vuttaṃ vimuccamānassa vimuttabhāvābhāvato, vimuttabhedena pana tathā vuttanti adhippāyo. Sati ca dose vippakataniddeseti ānetvā yojetabbaṃ. Ekadeso visesanaṃ hoti nippadesavimuttiyā avicchinnato. Phalacittenāti paṭhamaphalacittena uppannena.
વિમુચ્ચમાનકથાવણ્ણના નિટ્ઠિતા.
Vimuccamānakathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૨૪) ૪. વિમુચ્ચમાનકથા • (24) 4. Vimuccamānakathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૪. વિમુચ્ચમાનકથાવણ્ણના • 4. Vimuccamānakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૪. વિમુચ્ચમાનકથાવણ્ણના • 4. Vimuccamānakathāvaṇṇanā
