| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. வினயபெய்யாலங்
3. Vinayapeyyālaṃ
201. ‘‘த்³வேமே , பி⁴க்க²வே, அத்த²வஸே படிச்ச ததா²க³தேன ஸாவகானங் ஸிக்கா²பத³ங் பஞ்ஞத்தங். கதமே த்³வே? ஸங்க⁴ஸுட்டு²தாய ஸங்க⁴பா²ஸுதாய… து³ம்மங்கூனங் புக்³க³லானங் நிக்³க³ஹாய, பேஸலானங் பி⁴க்கூ²னங் பா²ஸுவிஹாராய… தி³ட்ட²த⁴ம்மிகானங் ஆஸவானங் ஸங்வராய, ஸம்பராயிகானங் ஆஸவானங் படிகா⁴தாய… தி³ட்ட²த⁴ம்மிகானங் வேரானங் ஸங்வராய, ஸம்பராயிகானங் வேரானங் படிகா⁴தாய… தி³ட்ட²த⁴ம்மிகானங் வஜ்ஜானங் ஸங்வராய, ஸம்பராயிகானங் வஜ்ஜானங் படிகா⁴தாய… தி³ட்ட²த⁴ம்மிகானங் ப⁴யானங் ஸங்வராய, ஸம்பராயிகானங் ப⁴யானங் படிகா⁴தாய… தி³ட்ட²த⁴ம்மிகானங் அகுஸலானங் த⁴ம்மானங் ஸங்வராய, ஸம்பராயிகானங் அகுஸலானங் த⁴ம்மானங் படிகா⁴தாய… கி³ஹீனங் அனுகம்பாய, பாபிச்சா²னங் பி⁴க்கூ²னங் பக்கு²பச்சே²தா³ய… அப்பஸன்னானங் பஸாதா³ய, பஸன்னானங் பி⁴ய்யோபா⁴வாய… ஸத்³த⁴ம்மட்டி²தியா வினயானுக்³க³ஹாய. இமே கோ², பி⁴க்க²வே, த்³வே அத்த²வஸே படிச்ச ததா²க³தேன ஸாவகானங் ஸிக்கா²பத³ங் பஞ்ஞத்த’’ந்தி.
201. ‘‘Dveme , bhikkhave, atthavase paṭicca tathāgatena sāvakānaṃ sikkhāpadaṃ paññattaṃ. Katame dve? Saṅghasuṭṭhutāya saṅghaphāsutāya… dummaṅkūnaṃ puggalānaṃ niggahāya, pesalānaṃ bhikkhūnaṃ phāsuvihārāya… diṭṭhadhammikānaṃ āsavānaṃ saṃvarāya, samparāyikānaṃ āsavānaṃ paṭighātāya… diṭṭhadhammikānaṃ verānaṃ saṃvarāya, samparāyikānaṃ verānaṃ paṭighātāya… diṭṭhadhammikānaṃ vajjānaṃ saṃvarāya, samparāyikānaṃ vajjānaṃ paṭighātāya… diṭṭhadhammikānaṃ bhayānaṃ saṃvarāya, samparāyikānaṃ bhayānaṃ paṭighātāya… diṭṭhadhammikānaṃ akusalānaṃ dhammānaṃ saṃvarāya, samparāyikānaṃ akusalānaṃ dhammānaṃ paṭighātāya… gihīnaṃ anukampāya, pāpicchānaṃ bhikkhūnaṃ pakkhupacchedāya… appasannānaṃ pasādāya, pasannānaṃ bhiyyobhāvāya… saddhammaṭṭhitiyā vinayānuggahāya. Ime kho, bhikkhave, dve atthavase paṭicca tathāgatena sāvakānaṃ sikkhāpadaṃ paññatta’’nti.
202-230. ‘‘த்³வேமே, பி⁴க்க²வே, அத்த²வஸே படிச்ச ததா²க³தேன ஸாவகானங் பாதிமொக்க²ங் பஞ்ஞத்தங்…பே॰… பாதிமொக்கு²த்³தே³ஸோ பஞ்ஞத்தோ… பாதிமொக்க²ட்ட²பனங் பஞ்ஞத்தங்… பவாரணா பஞ்ஞத்தா… பவாரணட்ட²பனங் பஞ்ஞத்தங்… தஜ்ஜனீயகம்மங் பஞ்ஞத்தங்… நியஸ்ஸகம்மங் பஞ்ஞத்தங்… பப்³பா³ஜனீயகம்மங் பஞ்ஞத்தங்… படிஸாரணீயகம்மங் பஞ்ஞத்தங்… உக்கே²பனீயகம்மங் பஞ்ஞத்தங்… பரிவாஸதா³னங் பஞ்ஞத்தங்… மூலாய படிகஸ்ஸனங் பஞ்ஞத்தங்… மானத்ததா³னங் பஞ்ஞத்தங்… அப்³பா⁴னங் பஞ்ஞத்தங்… ஓஸாரணீயங் பஞ்ஞத்தங்… நிஸ்ஸாரணீயங் பஞ்ஞத்தங்… உபஸம்பதா³ பஞ்ஞத்தா… ஞத்திகம்மங் பஞ்ஞத்தங்… ஞத்திது³தியகம்மங் பஞ்ஞத்தங்… ஞத்திசதுத்த²கம்மங் பஞ்ஞத்தங்… அபஞ்ஞத்தே பஞ்ஞத்தங்… பஞ்ஞத்தே அனுபஞ்ஞத்தங்… ஸம்முகா²வினயோ பஞ்ஞத்தோ… ஸதிவினயோ பஞ்ஞத்தோ… அமூள்ஹவினயோ பஞ்ஞத்தோ… படிஞ்ஞாதகரணங் பஞ்ஞத்தங்… யேபு⁴ய்யஸிகா பஞ்ஞத்தா… தஸ்ஸபாபியஸிகா பஞ்ஞத்தா… திணவத்தா²ரகோ பஞ்ஞத்தோ. கதமே த்³வே? ஸங்க⁴ஸுட்டு²தாய, ஸங்க⁴பா²ஸுதாய… து³ம்மங்கூனங் புக்³க³லானங் நிக்³க³ஹாய, பேஸலானங் பி⁴க்கூ²னங் பா²ஸுவிஹாராய… தி³ட்ட²த⁴ம்மிகானங் ஆஸவானங் ஸங்வராய, ஸம்பராயிகானங் ஆஸவானங் படிகா⁴தாய… தி³ட்ட²த⁴ம்மிகானங் வேரானங் ஸங்வராய, ஸம்பராயிகானங் வேரானங் படிகா⁴தாய… தி³ட்ட²த⁴ம்மிகானங் வஜ்ஜானங் ஸங்வராய, ஸம்பராயிகானங் வஜ்ஜானங் படிகா⁴தாய… தி³ட்ட²த⁴ம்மிகானங் ப⁴யானங் ஸங்வராய, ஸம்பராயிகானங் ப⁴யானங் படிகா⁴தாய… தி³ட்ட²த⁴ம்மிகானங் அகுஸலானங் த⁴ம்மானங் ஸங்வராய, ஸம்பராயிகானங் அகுஸலானங் த⁴ம்மானங் படிகா⁴தாய… கி³ஹீனங் அனுகம்பாய, பாபிச்சா²னங் பி⁴க்கூ²னங் பக்கு²பச்சே²தா³ய… அப்பஸன்னானங் பஸாதா³ய, பஸன்னானங் பி⁴ய்யோபா⁴வாய… ஸத்³த⁴ம்மட்டி²தியா, வினயானுக்³க³ஹாய. இமே கோ², பி⁴க்க²வே, த்³வே அத்த²வஸே படிச்ச ததா²க³தேன ஸாவகானங் திணவத்தா²ரகோ பஞ்ஞத்தோ’’தி.
202-230. ‘‘Dveme, bhikkhave, atthavase paṭicca tathāgatena sāvakānaṃ pātimokkhaṃ paññattaṃ…pe… pātimokkhuddeso paññatto… pātimokkhaṭṭhapanaṃ paññattaṃ… pavāraṇā paññattā… pavāraṇaṭṭhapanaṃ paññattaṃ… tajjanīyakammaṃ paññattaṃ… niyassakammaṃ paññattaṃ… pabbājanīyakammaṃ paññattaṃ… paṭisāraṇīyakammaṃ paññattaṃ… ukkhepanīyakammaṃ paññattaṃ… parivāsadānaṃ paññattaṃ… mūlāya paṭikassanaṃ paññattaṃ… mānattadānaṃ paññattaṃ… abbhānaṃ paññattaṃ… osāraṇīyaṃ paññattaṃ… nissāraṇīyaṃ paññattaṃ… upasampadā paññattā… ñattikammaṃ paññattaṃ… ñattidutiyakammaṃ paññattaṃ… ñatticatutthakammaṃ paññattaṃ… apaññatte paññattaṃ… paññatte anupaññattaṃ… sammukhāvinayo paññatto… sativinayo paññatto… amūḷhavinayo paññatto… paṭiññātakaraṇaṃ paññattaṃ… yebhuyyasikā paññattā… tassapāpiyasikā paññattā… tiṇavatthārako paññatto. Katame dve? Saṅghasuṭṭhutāya, saṅghaphāsutāya… dummaṅkūnaṃ puggalānaṃ niggahāya, pesalānaṃ bhikkhūnaṃ phāsuvihārāya… diṭṭhadhammikānaṃ āsavānaṃ saṃvarāya, samparāyikānaṃ āsavānaṃ paṭighātāya… diṭṭhadhammikānaṃ verānaṃ saṃvarāya, samparāyikānaṃ verānaṃ paṭighātāya… diṭṭhadhammikānaṃ vajjānaṃ saṃvarāya, samparāyikānaṃ vajjānaṃ paṭighātāya… diṭṭhadhammikānaṃ bhayānaṃ saṃvarāya, samparāyikānaṃ bhayānaṃ paṭighātāya… diṭṭhadhammikānaṃ akusalānaṃ dhammānaṃ saṃvarāya, samparāyikānaṃ akusalānaṃ dhammānaṃ paṭighātāya… gihīnaṃ anukampāya, pāpicchānaṃ bhikkhūnaṃ pakkhupacchedāya… appasannānaṃ pasādāya, pasannānaṃ bhiyyobhāvāya… saddhammaṭṭhitiyā, vinayānuggahāya. Ime kho, bhikkhave, dve atthavase paṭicca tathāgatena sāvakānaṃ tiṇavatthārako paññatto’’ti.
வினயபெய்யாலங் நிட்டி²தங்.
Vinayapeyyālaṃ niṭṭhitaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. வினயபெய்யாலங் • 3. Vinayapeyyālaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3. வினயபெய்யாலங் • 3. Vinayapeyyālaṃ
