| Library / Tipiṭaka / તિપિટક • Tipiṭaka / વજિરબુદ્ધિ-ટીકા • Vajirabuddhi-ṭīkā |
વિનીતવત્થુવણ્ણના
Vinītavatthuvaṇṇanā
૧૩૨. અનાપત્તિ, ભિક્ખુ, ચિત્તુપ્પાદેતિ એત્થ કેવલં ચિત્તં, તસ્સેવ ઉપ્પાદેતબ્બાપત્તીહિ અનાપત્તીતિ અત્થો. એત્થાહ – ઉપનિક્ખિત્તસાદિયનાદીસુ, સબ્બેસુ ચ અકિરિયસિક્ખાપદેસુ ન કાયઙ્ગચોપનં વા વાચઙ્ગચોપનં વા, અપિચાપત્તિ, કસ્મા ઇમસ્મિંયેવ સિક્ખાપદે અનાપત્તિ, ન સબ્બાપત્તીહીતિ? ન, કસ્મા.
132.Anāpatti, bhikkhu, cittuppādeti ettha kevalaṃ cittaṃ, tasseva uppādetabbāpattīhi anāpattīti attho. Etthāha – upanikkhittasādiyanādīsu, sabbesu ca akiriyasikkhāpadesu na kāyaṅgacopanaṃ vā vācaṅgacopanaṃ vā, apicāpatti, kasmā imasmiṃyeva sikkhāpade anāpatti, na sabbāpattīhīti? Na, kasmā.
કત્તબ્બા સાધિકં સિક્ખા, વિઞ્ઞત્તિં કાયવાચિકં;
Kattabbā sādhikaṃ sikkhā, viññattiṃ kāyavācikaṃ;
અકત્વા કાયવાચાહિ, અવિઞ્ઞત્તીહિ તં ફુસે.
Akatvā kāyavācāhi, aviññattīhi taṃ phuse.
ન લેસભાવત્તા. સપ્પાયે આરમ્મણે અટ્ઠત્વા પટિલદ્ધાસેવનં હુત્વા તતો પરં સુટ્ઠુ ધાવતીતિ સન્ધાવતિ. તતો અભિજ્ઝાય સહગતં, બ્યાપાદસહગતં વા હુત્વા વિસેસતો ધાવતીતિ વિધાવતિ.
Na lesabhāvattā. Sappāye ārammaṇe aṭṭhatvā paṭiladdhāsevanaṃ hutvā tato paraṃ suṭṭhu dhāvatīti sandhāvati. Tato abhijjhāya sahagataṃ, byāpādasahagataṃ vā hutvā visesato dhāvatīti vidhāvati.
૧૩૭. વણં કત્વા ગહેતુન્તિ એત્થ કિઞ્ચાપિ ઇમિના સિક્ખાપદેન અનાપત્તિ, ઇત્થિરૂપસ્સ નામ યત્થ આમસન્તસ્સ દુક્કટન્તિ કેચિ. ‘‘કાયપટિબદ્ધગ્ગહણં યુત્તં, તં સન્ધાય વટ્ટતીતિ વુત્ત’’ન્તિ વદન્તિ. ઉભયં વિચારેત્વા ગહેતબ્બં.
137.Vaṇaṃ katvā gahetunti ettha kiñcāpi iminā sikkhāpadena anāpatti, itthirūpassa nāma yattha āmasantassa dukkaṭanti keci. ‘‘Kāyapaṭibaddhaggahaṇaṃ yuttaṃ, taṃ sandhāya vaṭṭatīti vutta’’nti vadanti. Ubhayaṃ vicāretvā gahetabbaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૨. દુતિયપારાજિકં • 2. Dutiyapārājikaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૨. દુતિયપારાજિકં • 2. Dutiyapārājikaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / વિનીતવત્થુવણ્ણના • Vinītavatthuvaṇṇanā
