| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૭. વિસાખસુત્તવણ્ણના
7. Visākhasuttavaṇṇanā
૨૪૧. સત્તમે પોરિયા વાચાયાતિ પુરવાસીનં નગરમનુસ્સાનં વાચાસદિસાય અપરિહીનક્ખરપદાય મધુરવાચાય. વિસ્સટ્ઠાયાતિ અસન્દિદ્ધાય અપલિબુદ્ધાય, પિત્તસેમ્હેહિ અનુપહતાયાતિ અત્થો. અનેલગલાયાતિ યથા દન્ધમનુસ્સા મુખેન ખેળં ગળન્તેન વાચં ભાસન્તિ, ન એવરૂપાય, અથ ખો નિદ્દોસાય વિસદવાચાય. પરિયાપન્નાયાતિ ચતુસચ્ચપરિયાપન્નાય ચત્તારિ સચ્ચાનિ અમુઞ્ચિત્વા પવત્તાય. અનિસ્સિતાયાતિ વટ્ટનિસ્સિતં કત્વા અકથિતાય. ધમ્મો હિ ઇસિનં ધજોતિ નવવિધલોકુત્તરધમ્મો ઇસીનં ધજો નામાતિ. સત્તમં.
241. Sattame poriyā vācāyāti puravāsīnaṃ nagaramanussānaṃ vācāsadisāya aparihīnakkharapadāya madhuravācāya. Vissaṭṭhāyāti asandiddhāya apalibuddhāya, pittasemhehi anupahatāyāti attho. Anelagalāyāti yathā dandhamanussā mukhena kheḷaṃ gaḷantena vācaṃ bhāsanti, na evarūpāya, atha kho niddosāya visadavācāya. Pariyāpannāyāti catusaccapariyāpannāya cattāri saccāni amuñcitvā pavattāya. Anissitāyāti vaṭṭanissitaṃ katvā akathitāya. Dhammo hi isinaṃ dhajoti navavidhalokuttaradhammo isīnaṃ dhajo nāmāti. Sattamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. વિસાખસુત્તં • 7. Visākhasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭. વિસાખસુત્તવણ્ણના • 7. Visākhasuttavaṇṇanā
