| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. விஸாரத³ஸுத்தங்
5. Visāradasuttaṃ
215. ‘‘த³ஸஹி , பி⁴க்க²வே, த⁴ம்மேஹி ஸமன்னாக³தா உபாஸிகா அவிஸாரதா³ அகா³ரங் அஜ்ஜா²வஸதி. கதமேஹி த³ஸஹி? பாணாதிபாதினீ ஹோதி… அதி³ன்னாதா³யினீ ஹோதி… காமேஸுமிச்சா²சாரினீ ஹோதி… முஸாவாதி³னீ ஹோதி… பிஸுணாவாசா ஹோதி… ப²ருஸவாசா ஹோதி… ஸம்ப²ப்பலாபினீ ஹோதி… அபி⁴ஜ்ஜா²லுனீ ஹோதி… ப்³யாபன்னசித்தா ஹோதி… மிச்சா²தி³ட்டி²கா ஹோதி…. இமேஹி கோ², பி⁴க்க²வே, த³ஸஹி த⁴ம்மேஹி ஸமன்னாக³தா உபாஸிகா அவிஸாரதா³ அகா³ரங் அஜ்ஜா²வஸதி.
215. ‘‘Dasahi , bhikkhave, dhammehi samannāgatā upāsikā avisāradā agāraṃ ajjhāvasati. Katamehi dasahi? Pāṇātipātinī hoti… adinnādāyinī hoti… kāmesumicchācārinī hoti… musāvādinī hoti… pisuṇāvācā hoti… pharusavācā hoti… samphappalāpinī hoti… abhijjhālunī hoti… byāpannacittā hoti… micchādiṭṭhikā hoti…. Imehi kho, bhikkhave, dasahi dhammehi samannāgatā upāsikā avisāradā agāraṃ ajjhāvasati.
‘‘த³ஸஹி, பி⁴க்க²வே, த⁴ம்மேஹி ஸமன்னாக³தா உபாஸிகா விஸாரதா³ அகா³ரங் அஜ்ஜா²வஸதி. கதமேஹி த³ஸஹி? பாணாதிபாதா படிவிரதா ஹோதி… அதி³ன்னாதா³னா படிவிரதா ஹோதி… காமேஸுமிச்சா²சாரா படிவிரதா ஹோதி… முஸாவாதா³ படிவிரதா ஹோதி… பிஸுணாய வாசாய படிவிரதா ஹோதி… ப²ருஸாய வாசாய படிவிரதா ஹோதி… ஸம்ப²ப்பலாபா படிவிரதா ஹோதி… அனபி⁴ஜ்ஜா²லுனீ ஹோதி… அப்³யாபன்னசித்தா ஹோதி… ஸம்மாதி³ட்டி²கா ஹோதி…. இமேஹி கோ², பி⁴க்க²வே, த³ஸஹி த⁴ம்மேஹி ஸமன்னாக³தா உபாஸிகா விஸாரதா³ அகா³ரங் அஜ்ஜா²வஸதீ’’தி. பஞ்சமங்.
‘‘Dasahi, bhikkhave, dhammehi samannāgatā upāsikā visāradā agāraṃ ajjhāvasati. Katamehi dasahi? Pāṇātipātā paṭiviratā hoti… adinnādānā paṭiviratā hoti… kāmesumicchācārā paṭiviratā hoti… musāvādā paṭiviratā hoti… pisuṇāya vācāya paṭiviratā hoti… pharusāya vācāya paṭiviratā hoti… samphappalāpā paṭiviratā hoti… anabhijjhālunī hoti… abyāpannacittā hoti… sammādiṭṭhikā hoti…. Imehi kho, bhikkhave, dasahi dhammehi samannāgatā upāsikā visāradā agāraṃ ajjhāvasatī’’ti. Pañcamaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-536. பட²மனிரயஸக்³க³ஸுத்தாதி³வண்ணனா • 1-536. Paṭhamanirayasaggasuttādivaṇṇanā
