| Library / Tipiṭaka / திபிடக • Tipiṭaka / இதிவுத்தக-அட்ட²கதா² • Itivuttaka-aṭṭhakathā |
4. சதுத்த²வக்³கோ³
4. Catutthavaggo
1. விதக்கஸுத்தவண்ணனா
1. Vitakkasuttavaṇṇanā
80. சதுத்த²வக்³க³ஸ்ஸ பட²மே அகுஸலவிதக்காதி அகோஸல்லஸம்பூ⁴தா விதக்கா, மிச்சா²விதக்காதி அத்தோ². அனவஞ்ஞத்திபடிஸங்யுத்தோதி எத்த² அனவஞ்ஞத்தீதி அனவஞ்ஞா பரேஹி அத்தனோ அஹீளிததா அபரிபூ⁴ததா, ‘‘அஹோ வத மங் பரே ந அவஜானெய்யு’’ந்தி ஏவங் பவத்தோ இச்சா²சாரோ, தாய அனவஞ்ஞத்தியா படிஸங்யுத்தோ ஸங்ஸட்டோ², தங் வா ஆரப்³ப⁴ பவத்தோ அனவஞ்ஞத்திபடிஸங்யுத்தோ விதக்கோ. தஸ்மா ‘‘கத²ங் நு கோ² மங் பரே க³ஹட்டா² சேவ பப்³ப³ஜிதா ச ந ஓரகதோ த³ஹெய்யு’’ந்தி ஸம்பா⁴வனகம்யதாய இச்சா²சாரே, ட²த்வா பவத்திதவிதக்கஸ்ஸேதங் அதி⁴வசனங். லாப⁴ஸக்காரஸிலோகபடிஸங்யுத்தோதி சீவராதி³லாபே⁴ன சேவ ஸக்காரேன ச கித்திஸத்³தே³ன ச ஆரம்மணகரணவஸேன படிஸங்யுத்தோ. பரானுத்³த³யதாபடிஸங்யுத்தோதி பரேஸு அனுத்³த³யதாபதிரூபகேன கே³ஹஸிதபேமேன படிஸங்யுத்தோ. யங் ஸந்தா⁴ய வுத்தங் –
80. Catutthavaggassa paṭhame akusalavitakkāti akosallasambhūtā vitakkā, micchāvitakkāti attho. Anavaññattipaṭisaṃyuttoti ettha anavaññattīti anavaññā parehi attano ahīḷitatā aparibhūtatā, ‘‘aho vata maṃ pare na avajāneyyu’’nti evaṃ pavatto icchācāro, tāya anavaññattiyā paṭisaṃyutto saṃsaṭṭho, taṃ vā ārabbha pavatto anavaññattipaṭisaṃyutto vitakko. Tasmā ‘‘kathaṃ nu kho maṃ pare gahaṭṭhā ceva pabbajitā ca na orakato daheyyu’’nti sambhāvanakamyatāya icchācāre, ṭhatvā pavattitavitakkassetaṃ adhivacanaṃ. Lābhasakkārasilokapaṭisaṃyuttoti cīvarādilābhena ceva sakkārena ca kittisaddena ca ārammaṇakaraṇavasena paṭisaṃyutto. Parānuddayatāpaṭisaṃyuttoti paresu anuddayatāpatirūpakena gehasitapemena paṭisaṃyutto. Yaṃ sandhāya vuttaṃ –
‘‘ஸங்ஸட்டோ² விஹரதி ராஜூஹி ராஜமஹாமத்தேஹி ப்³ராஹ்மணேஹி க³ஹபதிகேஹி தித்தி²யேஹி தித்தி²யஸாவகேஹி ஸஹனந்தீ³ ஸஹஸோகீ, ஸுகி²தேஸு ஸுகி²தோ, து³க்கி²தேஸு து³க்கி²தோ, உப்பன்னேஸு கிச்சகரணீயேஸு அத்தனாவ யோக³ங் ஆபஜ்ஜதீ’’தி (ஸங்॰ நி॰ 3.3; 4.241; விப⁴॰ 888).
‘‘Saṃsaṭṭho viharati rājūhi rājamahāmattehi brāhmaṇehi gahapatikehi titthiyehi titthiyasāvakehi sahanandī sahasokī, sukhitesu sukhito, dukkhitesu dukkhito, uppannesu kiccakaraṇīyesu attanāva yogaṃ āpajjatī’’ti (saṃ. ni. 3.3; 4.241; vibha. 888).
கா³தா²ஸு அனவஞ்ஞத்தியா படிஸங்யுத்தோ புக்³க³லோ அனவஞ்ஞத்திஸங்யுத்தோ. லாப⁴ஸக்காரே கா³ரவோ ஏதஸ்ஸ, ந த⁴ம்மேதி லாப⁴ஸக்காரகா³ரவோ. ஸுக²து³க்கே²ஸு அமா ஸஹ ப⁴வாதி அமச்சா, ஸஹாயஸதி³ஸா உபட்டா²கா. தேஹி கே³ஹஸிதபேமவஸேன ஸஹ நந்த³னஸீலோ ஸஹனந்தீ³ அமச்சேஹி, இமினா பரானுத்³த³யதாபடிஸங்யுத்தங் விதக்கங் த³ஸ்ஸேதி. ஆரா ஸங்யோஜனக்க²யாதி இமேஹி தீஹி விதக்கேஹி அபி⁴பூ⁴தோ புக்³க³லோ ஸங்யோஜனக்க²யதோ அரஹத்ததோ தூ³ரே, தஸ்ஸ தங் து³ல்லப⁴ந்தி அத்தோ².
Gāthāsu anavaññattiyā paṭisaṃyutto puggalo anavaññattisaṃyutto. Lābhasakkāre gāravo etassa, na dhammeti lābhasakkāragāravo. Sukhadukkhesu amā saha bhavāti amaccā, sahāyasadisā upaṭṭhākā. Tehi gehasitapemavasena saha nandanasīlo sahanandī amaccehi, iminā parānuddayatāpaṭisaṃyuttaṃ vitakkaṃ dasseti. Ārā saṃyojanakkhayāti imehi tīhi vitakkehi abhibhūto puggalo saṃyojanakkhayato arahattato dūre, tassa taṃ dullabhanti attho.
புத்தபஸுந்தி புத்தே ச பஸவோ ச. புத்தஸத்³தே³ன செத்த² தா³ராத³யோ; பஸுஸத்³தே³ன அஸ்ஸமஹிங்ஸகெ²த்தவத்தா²த³யோ ச ஸங்க³ஹிதா. விவாஹேதி விவாஹகாராபனே. இமினா ஆவாஹோபி ஸங்க³ஹிதோ. ஸங்ஹரானீதி பரிக்³க³ஹானி, பரிக்கா²ரஸங்க³ஹானீதி அத்தோ². ‘‘ஸந்த²வானீ’’தி ச பட²ந்தி, மித்தஸந்த²வானீதி அத்தோ². ஸப்³ப³த்த² ஹித்வாதி ஸம்ப³ந்தோ⁴. ப⁴ப்³போ³ ஸோ தாதி³ஸோ பி⁴க்கூ²தி ஸோ யதா²வுத்தங் ஸப்³ப³ங் பபஞ்சங் பரிச்சஜித்வா யதா² ஸத்தா²ரா வுத்தாய ஸம்மாபடிபத்தியா, ததா² பஸ்ஸிதப்³ப³தோ தாதி³ஸோ ஸங்ஸாரே ப⁴யங் இக்க²தீதி பி⁴க்கு² உத்தமங் ஸம்போ³தி⁴ங் அரஹத்தங் பத்துங் அரஹதி.
Puttapasunti putte ca pasavo ca. Puttasaddena cettha dārādayo; pasusaddena assamahiṃsakhettavatthādayo ca saṅgahitā. Vivāheti vivāhakārāpane. Iminā āvāhopi saṅgahito. Saṃharānīti pariggahāni, parikkhārasaṅgahānīti attho. ‘‘Santhavānī’’ti ca paṭhanti, mittasanthavānīti attho. Sabbattha hitvāti sambandho. Bhabbo so tādiso bhikkhūti so yathāvuttaṃ sabbaṃ papañcaṃ pariccajitvā yathā satthārā vuttāya sammāpaṭipattiyā, tathā passitabbato tādiso saṃsāre bhayaṃ ikkhatīti bhikkhu uttamaṃ sambodhiṃ arahattaṃ pattuṃ arahati.
பட²மஸுத்தவண்ணனா நிட்டி²தா.
Paṭhamasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / இதிவுத்தகபாளி • Itivuttakapāḷi / 1. விதக்கஸுத்தங் • 1. Vitakkasuttaṃ
