| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. வீதராக³ஸுத்தங்
2. Vītarāgasuttaṃ
82. ‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ தே²ரோ பி⁴க்கு² ஸப்³ரஹ்மசாரீனங் அப்பியோ ச ஹோதி அமனாபோ ச அக³ரு ச அபா⁴வனீயோ ச. கதமேஹி பஞ்சஹி? அவீதராகோ³ ஹோதி, அவீததோ³ஸோ ஹோதி, அவீதமோஹோ ஹோதி, மக்கீ² ச, பளாஸீ ச – இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ தே²ரோ பி⁴க்கு² ஸப்³ரஹ்மசாரீனங் அப்பியோ ச ஹோதி அமனாபோ ச அக³ரு ச அபா⁴வனீயோ ச.
82. ‘‘Pañcahi, bhikkhave, dhammehi samannāgato thero bhikkhu sabrahmacārīnaṃ appiyo ca hoti amanāpo ca agaru ca abhāvanīyo ca. Katamehi pañcahi? Avītarāgo hoti, avītadoso hoti, avītamoho hoti, makkhī ca, paḷāsī ca – imehi kho, bhikkhave, pañcahi dhammehi samannāgato thero bhikkhu sabrahmacārīnaṃ appiyo ca hoti amanāpo ca agaru ca abhāvanīyo ca.
‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ தே²ரோ பி⁴க்கு² ஸப்³ரஹ்மசாரீனங் பியோ ச ஹோதி மனாபோ ச க³ரு ச பா⁴வனீயோ ச. கதமேஹி பஞ்சஹி? வீதராகோ³ ஹோதி, வீததோ³ஸோ ஹோதி, வீதமோஹோ ஹோதி, அமக்கீ² ச, அபளாஸீ ச – இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ தே²ரோ பி⁴க்கு² ஸப்³ரஹ்மசாரீனங் பியோ ச ஹோதி மனாபோ ச க³ரு ச பா⁴வனீயோ சா’’தி. து³தியங்.
‘‘Pañcahi, bhikkhave, dhammehi samannāgato thero bhikkhu sabrahmacārīnaṃ piyo ca hoti manāpo ca garu ca bhāvanīyo ca. Katamehi pañcahi? Vītarāgo hoti, vītadoso hoti, vītamoho hoti, amakkhī ca, apaḷāsī ca – imehi kho, bhikkhave, pañcahi dhammehi samannāgato thero bhikkhu sabrahmacārīnaṃ piyo ca hoti manāpo ca garu ca bhāvanīyo cā’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 2. வீதராக³ஸுத்தவண்ணனா • 2. Vītarāgasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-2. ரஜனீயஸுத்தாதி³வண்ணனா • 1-2. Rajanīyasuttādivaṇṇanā
