| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. வித்தஸுத்தவண்ணனா
3. Vittasuttavaṇṇanā
73. ஸத்³தா⁴யாதி ஸத்³தா⁴ஹேது. குலஸம்பதா³தி க²த்தியாதி³ஸம்பத்தியோ. ஸப்³ப³லோகியலோகுத்தரவித்தபடிலாப⁴ஹேதுதோ ஸத்³தா⁴வித்தமேவ. ஹெட்டா² திண்ணங் த்³வாரானங் வஸேன உப்பன்னகஸ்ஸ ஸப்³ப³ஸ்ஸபி அனவஜ்ஜத⁴ம்மஸ்ஸ ஸங்க³ண்ஹனதோ ‘‘த⁴ம்மோதி த³ஸகுஸலகம்மபதோ²’’தி வுத்தங். அஸங்கிலிட்ட²ஸுக²ந்தி. நிராமிஸங் ஸுக²ங். தமேவ ஸாமிஸங் உபனிதா⁴ய ஸம்பா⁴வெந்தோ ஆஹ ‘‘அஸங்கிலிட்ட²’’ந்தி. அஸேசனகபா⁴வேன அபி⁴ருசிஜனநதோ பியாகிச்ச²கரணதோ ப³ஹுங் ஸுசிரம்பி காலங் ஆஸேவந்தஸ்ஸ அதோ³ஸாவஹதோ ஸச்சமேவ மது⁴ரதரங். ந ஹி தங் பிவிதப்³ப³தோ ஸாதி³தப்³ப³தோ அனுப⁴விதப்³ப³தோ ரஸோதி வத்தப்³ப³தங் அரஹதி. இதா³னி தஸ்ஸ கிச்சஸம்பத்திஅத்தே²ஹிபி மஹாரஹதங் த³ஸ்ஸேதுங் ‘‘ஸச்சஸ்மிங் ஹீ’’திஆதி³ வுத்தங். தத்த² நதீ³னிவத்தனங் மஹாகப்பினவத்து²ஆதீ³ஹி (த⁴॰ ப॰ அட்ட²॰ 1.மஹாகப்பினத்தே²ரவத்து²; அ॰ நி॰ அட்ட²॰ 1.1.231; தே²ரகா³॰ அட்ட²॰ 2.மஹாகப்பினத்தே²ரகா³தா²வண்ணனா) தீ³பேதப்³ப³ங், இதரானி கண்ஹதீ³பாயனஜாதக- (ஜா॰ 1.10.62 ஆத³யோ) ஸுதஸோம- (ஜா॰ 2.21.371 ஆத³யோ) மச்ச²ஜாதகேஹி (ஜா॰ 1.1.34, 75; 1.2.131 ஆத³யோ) தீ³பேதப்³பா³னி. நிம்மத்³தெ³ந்தி அபி⁴ப⁴வந்தி. மது⁴ரதரந்தி ஸுந்த³ரதரங் ஸெட்டே²ஸூதி அத்தோ². பஞ்ஞாஜீவீதி பஞ்ஞாய ஜீவனஸீலோதி பஞ்ஞாஜீவீ, பஞ்ஞாபுப்³ப³ங்க³மசரியோதி அத்தோ². பஞ்ஞாஜீவீதி ச பஞ்ஞாவஸேன இரியதி வத்ததி ஜீவிதங் பவத்தேதீதி அத்தோ²தி த³ஸ்ஸெந்தோ ‘‘யோ பஞ்ஞாஜீவீ’’திஆதி³மாஹ. ‘‘ஜீவத’’ந்தி கேசி பட²ந்தி, ஜீவந்தானங் பஞ்ஞாஜீவிங் ஸெட்ட²மாஹூதி அத்தோ².
73.Saddhāyāti saddhāhetu. Kulasampadāti khattiyādisampattiyo. Sabbalokiyalokuttaravittapaṭilābhahetuto saddhāvittameva. Heṭṭhā tiṇṇaṃ dvārānaṃ vasena uppannakassa sabbassapi anavajjadhammassa saṅgaṇhanato ‘‘dhammoti dasakusalakammapatho’’ti vuttaṃ. Asaṃkiliṭṭhasukhanti. Nirāmisaṃ sukhaṃ. Tameva sāmisaṃ upanidhāya sambhāvento āha ‘‘asaṃkiliṭṭha’’nti. Asecanakabhāvena abhirucijananato piyākicchakaraṇato bahuṃ sucirampi kālaṃ āsevantassa adosāvahato saccameva madhurataraṃ. Na hi taṃ pivitabbato sāditabbato anubhavitabbato rasoti vattabbataṃ arahati. Idāni tassa kiccasampattiatthehipi mahārahataṃ dassetuṃ ‘‘saccasmiṃ hī’’tiādi vuttaṃ. Tattha nadīnivattanaṃ mahākappinavatthuādīhi (dha. pa. aṭṭha. 1.mahākappinattheravatthu; a. ni. aṭṭha. 1.1.231; theragā. aṭṭha. 2.mahākappinattheragāthāvaṇṇanā) dīpetabbaṃ, itarāni kaṇhadīpāyanajātaka- (jā. 1.10.62 ādayo) sutasoma- (jā. 2.21.371 ādayo) macchajātakehi (jā. 1.1.34, 75; 1.2.131 ādayo) dīpetabbāni. Nimmaddenti abhibhavanti. Madhurataranti sundarataraṃ seṭṭhesūti attho. Paññājīvīti paññāya jīvanasīloti paññājīvī, paññāpubbaṅgamacariyoti attho. Paññājīvīti ca paññāvasena iriyati vattati jīvitaṃ pavattetīti atthoti dassento ‘‘yo paññājīvī’’tiādimāha. ‘‘Jīvata’’nti keci paṭhanti, jīvantānaṃ paññājīviṃ seṭṭhamāhūti attho.
வித்தஸுத்தவண்ணனா நிட்டி²தா.
Vittasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. வித்தஸுத்தங் • 3. Vittasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. வித்தஸுத்தவண்ணனா • 3. Vittasuttavaṇṇanā
