| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૩. વિત્તસુત્તવણ્ણના
3. Vittasuttavaṇṇanā
૭૩. તતિયે સદ્ધીધ વિત્તન્તિ યસ્મા સદ્ધો સદ્ધાય મુત્તમણિઆદીનિપિ વિત્તાનિ લભતિ, તિસ્સોપિ કુલસમ્પદા, છ કામસગ્ગાનિ, નવ બ્રહ્મલોકે પત્વા પરિયોસાને અમતમહાનિબ્બાનદસ્સનમ્પિ લભતિ, તસ્મા મણિમુત્તાદીહિ વિત્તેહિ સદ્ધાવિત્તમેવ સેટ્ઠં. ધમ્મોતિ દસકુસલકમ્મપથો. સુખમાવહતીતિ સબ્બમ્પિ સાસવાનાસવં અસંકિલિટ્ઠસુખં આવહતિ. સાદુતરન્તિ લોકસ્મિં લોણમ્બિલાદીનં સબ્બરસાનં સચ્ચમેવ મધુરતરં. સચ્ચસ્મિં હિ ઠિતા સીઘવેગં નદિમ્પિ નિવત્તેન્તિ, વિસમ્પિ નિમ્મદ્દેન્તિ, અગ્ગિમ્પિ પટિબાહન્તિ, દેવમ્પિ વસ્સાપેન્તિ, તસ્મા તં સબ્બરસાનં મધુરતરન્તિ વુત્તં. પઞ્ઞાજીવિં જીવિતમાહુ સેટ્ઠન્તિ યો પઞ્ઞાજીવી ગહટ્ઠો સમાનો પઞ્ચસુ સીલેસુ પતિટ્ઠાય સલાકભત્તાદીનિ પટ્ઠપેત્વા પઞ્ઞાય જીવતિ, પબ્બજિતો વા પન ધમ્મેન ઉપ્પન્ને પચ્ચયે ‘‘ઇદમત્થ’’ન્તિ પચ્ચવેક્ખિત્વા પરિભુઞ્જન્તો કમ્મટ્ઠાનં આદાય વિપસ્સનં પટ્ઠપેત્વા અરિયફલાધિગમવસેન પઞ્ઞાય જીવતિ, તં પઞ્ઞાજીવિં પુગ્ગલં સેટ્ઠં જીવિતં જીવતીતિ આહુ. તતિયં.
73. Tatiye saddhīdha vittanti yasmā saddho saddhāya muttamaṇiādīnipi vittāni labhati, tissopi kulasampadā, cha kāmasaggāni, nava brahmaloke patvā pariyosāne amatamahānibbānadassanampi labhati, tasmā maṇimuttādīhi vittehi saddhāvittameva seṭṭhaṃ. Dhammoti dasakusalakammapatho. Sukhamāvahatīti sabbampi sāsavānāsavaṃ asaṃkiliṭṭhasukhaṃ āvahati. Sādutaranti lokasmiṃ loṇambilādīnaṃ sabbarasānaṃ saccameva madhurataraṃ. Saccasmiṃ hi ṭhitā sīghavegaṃ nadimpi nivattenti, visampi nimmaddenti, aggimpi paṭibāhanti, devampi vassāpenti, tasmā taṃ sabbarasānaṃ madhurataranti vuttaṃ. Paññājīviṃ jīvitamāhu seṭṭhanti yo paññājīvī gahaṭṭho samāno pañcasu sīlesu patiṭṭhāya salākabhattādīni paṭṭhapetvā paññāya jīvati, pabbajito vā pana dhammena uppanne paccaye ‘‘idamattha’’nti paccavekkhitvā paribhuñjanto kammaṭṭhānaṃ ādāya vipassanaṃ paṭṭhapetvā ariyaphalādhigamavasena paññāya jīvati, taṃ paññājīviṃ puggalaṃ seṭṭhaṃ jīvitaṃ jīvatīti āhu. Tatiyaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૩. વિત્તસુત્તં • 3. Vittasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૩. વિત્તસુત્તવણ્ણના • 3. Vittasuttavaṇṇanā
