| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૯. યથાકમ્મૂપગતઞાણકથાવણ્ણના
9. Yathākammūpagatañāṇakathāvaṇṇanā
૩૭૭. દિબ્બચક્ખુપાદકત્તા ‘‘યથાકમ્મૂપગતઞાણસ્સ ઉપનિસ્સયે દિબ્બચક્ખુમ્હી’’તિ વુત્તં, ન યથાકમ્મૂપગતજાનનકિચ્ચકે દિબ્બચક્ખુમ્હિ તસ્સ તંકિચ્ચકતાભાવતો. યતો યં અનઞ્ઞં, તમ્પિ તતો અનઞ્ઞમેવાતિ આહ ‘‘ઇમિના…પે॰… ભવિતબ્બ’’ન્તિ. તત્થ અત્થન્તરભાવં નિવારેતીતિ દિબ્બચક્ખુઞાણસ્સ પક્ખિકત્તા યથાકમ્મૂપગતઞાણસ્સ તતો અત્થન્તરભાવં નિવારેતિ. તસ્સ હિ તં પરિભણ્ડઞાણં. દિબ્બચક્ખુસ્સ યથાકમ્મૂપગતઞાણતો અત્થન્તરભાવં ન નિવારેતિ અતપ્પક્ખિકત્તાતિ અધિપ્પાયો. દિબ્બચક્ખુસ્સ યથાકમ્મૂપગતઞાણકિચ્ચતા પરવાદિના ઇચ્છિતા, ન યથાકમ્મૂપગતઞાણસ્સ દિબ્બચક્ખુકિચ્ચતાતિ તમત્થં ‘‘યથાકમ્મૂપગતઞાણમેવ દિબ્બચક્ખુ’’ન્તિ એત્થ યોજેત્વા દસ્સેન્તો ‘‘એવ-સદ્દો ચા’’તિઆદિમાહ.
377. Dibbacakkhupādakattā ‘‘yathākammūpagatañāṇassa upanissaye dibbacakkhumhī’’ti vuttaṃ, na yathākammūpagatajānanakiccake dibbacakkhumhi tassa taṃkiccakatābhāvato. Yato yaṃ anaññaṃ, tampi tato anaññamevāti āha ‘‘iminā…pe… bhavitabba’’nti. Tattha atthantarabhāvaṃ nivāretīti dibbacakkhuñāṇassa pakkhikattā yathākammūpagatañāṇassa tato atthantarabhāvaṃ nivāreti. Tassa hi taṃ paribhaṇḍañāṇaṃ. Dibbacakkhussa yathākammūpagatañāṇato atthantarabhāvaṃ na nivāreti atappakkhikattāti adhippāyo. Dibbacakkhussa yathākammūpagatañāṇakiccatā paravādinā icchitā, na yathākammūpagatañāṇassa dibbacakkhukiccatāti tamatthaṃ ‘‘yathākammūpagatañāṇameva dibbacakkhu’’nti ettha yojetvā dassento ‘‘eva-saddo cā’’tiādimāha.
યથાકમ્મૂપગતઞાણકથાવણ્ણના નિટ્ઠિતા.
Yathākammūpagatañāṇakathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૨૯) ૯. યથાકમ્મૂપગતઞાણકથા • (29) 9. Yathākammūpagatañāṇakathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૯. યથાકમ્મૂપગતઞાણકથાવણ્ણના • 9. Yathākammūpagatañāṇakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૯. યથાકમ્મૂપગતઞાણકથાવણ્ણના • 9. Yathākammūpagatañāṇakathāvaṇṇanā
