| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3-5. யோதா⁴ஜீவஸுத்தாதி³வண்ணனா
3-5. Yodhājīvasuttādivaṇṇanā
355-357. யுஜ்ஜ²னங் யோதோ⁴, ஸோ ஆஜீவோ ஏதஸ்ஸாதி யோதா⁴ஜீவோ. தேனாஹ – ‘‘யுத்³தே⁴ன ஜீவிகங் கப்பனகோ’’தி, உஸ்ஸாஹங் வாயாமங் கரோதீதி யுஜ்ஜ²னவஸேன உஸ்ஸாஹங் வாயாமங் கரோதி. பரியாபாதெ³ந்தீதி மரணபரியந்திகங் ஆபத³ங் பாபெந்தி. தேனாஹ ‘‘மரணங் படிபஜ்ஜாபெந்தீ’’தி. து³ட்டு² ட²பிதந்தி து³ட்டா²காரேன அத்தனோ பரேஸஞ்ச அத்தா²வஹபா⁴வங் ந க³தங் படிபன்னங். பரேஹி ஸங்கா³மே ஜிதா ஹதா எத்த² ஜாயந்தீதி பரஜிதோ நாம நிரயோ. அஸித⁴னுக³தா³யஸங்குசக்கானி பஞ்சாவுதா⁴னி. தங் ஸந்தா⁴யாதி தங் யோதா⁴ஜீவங் புக்³க³லங் ஸந்தா⁴ய. ஏதங் ‘‘யோ ஸோ’’திஆதி³ வுத்தங். சதுத்த²பஞ்சமேஸூதி ஹத்தா²ரோஹஅஸ்ஸாரோஹஸுத்தேஸு. ஏஸேவ நயோதி ஏஸோ ததியே வுத்தோ ஏவ அத்த²தோ விஸேஸாபா⁴வதோ.
355-357. Yujjhanaṃ yodho, so ājīvo etassāti yodhājīvo. Tenāha – ‘‘yuddhena jīvikaṃ kappanako’’ti, ussāhaṃ vāyāmaṃ karotīti yujjhanavasena ussāhaṃ vāyāmaṃ karoti. Pariyāpādentīti maraṇapariyantikaṃ āpadaṃ pāpenti. Tenāha ‘‘maraṇaṃ paṭipajjāpentī’’ti. Duṭṭhu ṭhapitanti duṭṭhākārena attano paresañca atthāvahabhāvaṃ na gataṃ paṭipannaṃ. Parehi saṅgāme jitā hatā ettha jāyantīti parajito nāma nirayo. Asidhanugadāyasaṅkucakkāni pañcāvudhāni. Taṃ sandhāyāti taṃ yodhājīvaṃ puggalaṃ sandhāya. Etaṃ ‘‘yo so’’tiādi vuttaṃ. Catutthapañcamesūti hatthārohaassārohasuttesu. Eseva nayoti eso tatiye vutto eva atthato visesābhāvato.
யோதா⁴ஜீவஸுத்தாதி³வண்ணனா நிட்டி²தா.
Yodhājīvasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
3. யோதா⁴ஜீவஸுத்தங் • 3. Yodhājīvasuttaṃ
4. ஹத்தா²ரோஹஸுத்தங் • 4. Hatthārohasuttaṃ
5. அஸ்ஸாரோஹஸுத்தங் • 5. Assārohasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3-5. யோதா⁴ஜீவஸுத்தாதி³வண்ணனா • 3-5. Yodhājīvasuttādivaṇṇanā
