| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૧૧. યોગક્ખેમિવગ્ગો
11. Yogakkhemivaggo
૧. યોગક્ખેમિસુત્તવણ્ણના
1. Yogakkhemisuttavaṇṇanā
૧૦૪. ચતૂહિ યોગેહીતિ કામયોગાદીહિ ચતૂહિ યોગેહિ. ખેમિનોતિ ખેમવતો કુસલિનો. કારણભૂતન્તિ કત્તબ્બઉપાયસ્સ કારણભૂતં. પરિયાયતિ પવત્તિં નિવત્તિઞ્ચ ઞાપેતીતિ પરિયાયો, ધમ્મો ચ સો પરિયત્તિધમ્મત્તા પરિયાયો ચાતિ ધમ્મપરિયાયો, તં ધમ્મપરિયાયં. યસ્મા પન સો તસ્સાધિગમસ્સ કારણં હોતિ, તસ્મા વુત્તં ‘‘ધમ્મકારણ’’ન્તિ. યુત્તિન્તિ સમથવિપસ્સનાધમ્માનીતિ વા ચતુસચ્ચધમ્માનીતિ વા. ‘‘તસ્મા’’તિ પદં ઉદ્ધરિત્વા – ‘‘કસ્મા’’તિ કારણં પુચ્છન્તો ‘‘કિં અક્ખાતત્તા, ઉદાહુ પહીનત્તા’’તિ વિભજિત્વા પુચ્છિ. યસ્મા પન છન્દરાગપ્પહાનં યોગક્ખેમિભાવસ્સ કારણં, ન કથનં, તસ્મા ‘‘પહીનત્તા’’તિઆદિ વુત્તં.
104.Catūhiyogehīti kāmayogādīhi catūhi yogehi. Kheminoti khemavato kusalino. Kāraṇabhūtanti kattabbaupāyassa kāraṇabhūtaṃ. Pariyāyati pavattiṃ nivattiñca ñāpetīti pariyāyo, dhammo ca so pariyattidhammattā pariyāyo cāti dhammapariyāyo, taṃ dhammapariyāyaṃ. Yasmā pana so tassādhigamassa kāraṇaṃ hoti, tasmā vuttaṃ ‘‘dhammakāraṇa’’nti. Yuttinti samathavipassanādhammānīti vā catusaccadhammānīti vā. ‘‘Tasmā’’ti padaṃ uddharitvā – ‘‘kasmā’’ti kāraṇaṃ pucchanto ‘‘kiṃ akkhātattā, udāhu pahīnattā’’ti vibhajitvā pucchi. Yasmā pana chandarāgappahānaṃ yogakkhemibhāvassa kāraṇaṃ, na kathanaṃ, tasmā ‘‘pahīnattā’’tiādi vuttaṃ.
યોગક્ખેમિસુત્તવણ્ણના નિટ્ઠિતા.
Yogakkhemisuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧. યોગક્ખેમિસુત્તં • 1. Yogakkhemisuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧. યોગક્ખેમિસુત્તવણ્ણના • 1. Yogakkhemisuttavaṇṇanā
