| Library / Tipiṭaka / તિપિટક • Tipiṭaka / નેત્તિપ્પકરણ-ટીકા • Nettippakaraṇa-ṭīkā |
૩. યુત્તિહારસમ્પાતવણ્ણના
3. Yuttihārasampātavaṇṇanā
૬૫. પટિપક્ખપટિબાળ્હા કુસલા ધમ્મા ઉપ્પજ્જિતુમેવ ન સક્કોન્તિ, ઉપ્પન્નાપિ સમ્મદેવ અત્તનો કિચ્ચં કાતું અસમત્થતાય અનુપ્પન્નસદિસાતિ પટિપક્ખનિવારણેન કુસલાનં ધમ્માનં કિચ્ચકરણભાવં દસ્સેતું ‘‘મનચ્છટ્ઠાનિ…પે॰… ભવિસ્સતી’’તિ વુત્તં. વિહરન્તસ્સાતિ વિહરણહેતુ. વિહરન્તોતિ એત્થાપિ એસેવ નયો, તેન રક્ખિતચિત્તતા વુત્તનયેન એકન્તતો સમ્માસઙ્કપ્પગોચરતાય ચ સંવત્તતીતિ દસ્સેતિ. વુત્તનયેનાતિ મિચ્છાસઙ્કપ્પાનં અવસરં અદત્વા વિસોધિતનેક્ખમ્માદિવિતક્કતાય. અવિપરીતમેવાતિ કાયાદિઅસુભાદિતો આદાનં. વિનિપાતભયન્તિ દુગ્ગતિભયં. સબ્બોપિ ચાયમત્થોતિ ‘‘સમ્માસઙ્કપ્પગોચરો સમ્માદિટ્ઠિ ભવિસ્સતી’’તિઆદીસુ અત્થો યુત્તિયા યુત્તો એવ અનરૂપકારણભાવતો.
65. Paṭipakkhapaṭibāḷhā kusalā dhammā uppajjitumeva na sakkonti, uppannāpi sammadeva attano kiccaṃ kātuṃ asamatthatāya anuppannasadisāti paṭipakkhanivāraṇena kusalānaṃ dhammānaṃ kiccakaraṇabhāvaṃ dassetuṃ ‘‘manacchaṭṭhāni…pe… bhavissatī’’ti vuttaṃ. Viharantassāti viharaṇahetu. Viharantoti etthāpi eseva nayo, tena rakkhitacittatā vuttanayena ekantato sammāsaṅkappagocaratāya ca saṃvattatīti dasseti. Vuttanayenāti micchāsaṅkappānaṃ avasaraṃ adatvā visodhitanekkhammādivitakkatāya. Aviparītamevāti kāyādiasubhādito ādānaṃ. Vinipātabhayanti duggatibhayaṃ. Sabbopi cāyamatthoti ‘‘sammāsaṅkappagocaro sammādiṭṭhi bhavissatī’’tiādīsu attho yuttiyā yutto eva anarūpakāraṇabhāvato.
યુત્તિહારસમ્પાતવણ્ણના નિટ્ઠિતા.
Yuttihārasampātavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / નેત્તિપ્પકરણપાળિ • Nettippakaraṇapāḷi / ૩. યુત્તિહારસમ્પાતો • 3. Yuttihārasampāto
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / નેત્તિપ્પકરણ-અટ્ઠકથા • Nettippakaraṇa-aṭṭhakathā / ૩. યુત્તિહારસમ્પાતવણ્ણના • 3. Yuttihārasampātavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / ખુદ્દકનિકાય (ટીકા) • Khuddakanikāya (ṭīkā) / નેત્તિવિભાવિની • Nettivibhāvinī / ૩. યુત્તિહારસમ્પાતવિભાવના • 3. Yuttihārasampātavibhāvanā
