| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૫-૨૧. અપરદુતિયઝાનસુત્તાદિસત્તકં
15-21. Aparadutiyajhānasuttādisattakaṃ
૨૬૫-૨૭૧. ‘‘પઞ્ચિમે , ભિક્ખવે, ધમ્મે અપ્પહાય અભબ્બો દુતિયં ઝાનં…પે॰… તતિયં ઝાનં… ચતુત્થં ઝાનં… સોતાપત્તિફલં… સકદાગામિફલં… અનાગામિફલં… અરહત્તં સચ્છિકાતું. કતમે પઞ્ચ? આવાસમચ્છરિયં, કુલમચ્છરિયં, લાભમચ્છરિયં, વણ્ણમચ્છરિયં, અકતઞ્ઞુતં અકતવેદિતં – ઇમે ખો, ભિક્ખવે, પઞ્ચ ધમ્મે અપ્પહાય અભબ્બો અરહત્તં સચ્છિકાતું.
265-271. ‘‘Pañcime , bhikkhave, dhamme appahāya abhabbo dutiyaṃ jhānaṃ…pe… tatiyaṃ jhānaṃ… catutthaṃ jhānaṃ… sotāpattiphalaṃ… sakadāgāmiphalaṃ… anāgāmiphalaṃ… arahattaṃ sacchikātuṃ. Katame pañca? Āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, akataññutaṃ akataveditaṃ – ime kho, bhikkhave, pañca dhamme appahāya abhabbo arahattaṃ sacchikātuṃ.
‘‘પઞ્ચિમે, ભિક્ખવે, ધમ્મે પહાય ભબ્બો દુતિયં ઝાનં…પે॰… તતિયં ઝાનં… ચતુત્થં ઝાનં… સોતાપત્તિફલં… સકદાગામિફલં… અનાગામિફલં… અરહત્તં સચ્છિકાતું. કતમે પઞ્ચ? આવાસમચ્છરિયં, કુલમચ્છરિયં, લાભમચ્છરિયં, વણ્ણમચ્છરિયં, અકતઞ્ઞુતં અકતવેદિતં – ઇમે ખો, ભિક્ખવે, પઞ્ચ ધમ્મે પહાય ભબ્બો અરહત્તં સચ્છિકાતુ’’ન્તિ. એકવીસતિમં.
‘‘Pañcime, bhikkhave, dhamme pahāya bhabbo dutiyaṃ jhānaṃ…pe… tatiyaṃ jhānaṃ… catutthaṃ jhānaṃ… sotāpattiphalaṃ… sakadāgāmiphalaṃ… anāgāmiphalaṃ… arahattaṃ sacchikātuṃ. Katame pañca? Āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, akataññutaṃ akataveditaṃ – ime kho, bhikkhave, pañca dhamme pahāya bhabbo arahattaṃ sacchikātu’’nti. Ekavīsatimaṃ.
ઉપસમ્પદાવગ્ગો છટ્ઠો.
Upasampadāvaggo chaṭṭho.
Related texts:
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૦. પઠમદીઘચારિકસુત્તાદિવણ્ણના • 1-10. Paṭhamadīghacārikasuttādivaṇṇanā
