| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೪. ಜಾತಿಧಮ್ಮವಗ್ಗೋ
4. Jātidhammavaggo
೧-೧೦. ಜಾತಿಧಮ್ಮಾದಿಸುತ್ತದಸಕಂ
1-10. Jātidhammādisuttadasakaṃ
೩೩. ಸಾವತ್ಥಿನಿದಾನಂ । ತತ್ರ ಖೋ…ಪೇ॰… ‘‘ಸಬ್ಬಂ, ಭಿಕ್ಖವೇ, ಜಾತಿಧಮ್ಮಂ। ಕಿಞ್ಚ, ಭಿಕ್ಖವೇ, ಸಬ್ಬಂ ಜಾತಿಧಮ್ಮಂ? ಚಕ್ಖು, ಭಿಕ್ಖವೇ, ಜಾತಿಧಮ್ಮಂ। ರೂಪಾ… ಚಕ್ಖುವಿಞ್ಞಾಣಂ… ಚಕ್ಖುಸಮ್ಫಸ್ಸೋ ಜಾತಿಧಮ್ಮೋ। ಯಮ್ಪಿದಂ ಚಕ್ಖುಸಮ್ಫಸ್ಸಪಚ್ಚಯಾ ಉಪ್ಪಜ್ಜತಿ ವೇದಯಿತಂ ಸುಖಂ ವಾ ದುಕ್ಖಂ ವಾ ಅದುಕ್ಖಮಸುಖಂ ವಾ ತಮ್ಪಿ ಜಾತಿಧಮ್ಮಂ…ಪೇ॰… ಜಿವ್ಹಾ… ರಸಾ… ಜಿವ್ಹಾವಿಞ್ಞಾಣಂ… ಜಿವ್ಹಾಸಮ್ಫಸ್ಸೋ… ಯಮ್ಪಿದಂ ಜಿವ್ಹಾಸಮ್ಫಸ್ಸಪಚ್ಚಯಾ ಉಪ್ಪಜ್ಜತಿ ವೇದಯಿತಂ ಸುಖಂ ವಾ ದುಕ್ಖಂ ವಾ ಅದುಕ್ಖಮಸುಖಂ ವಾ ತಮ್ಪಿ ಜಾತಿಧಮ್ಮಂ। ಕಾಯೋ…ಪೇ॰.. ಮನೋ ಜಾತಿಧಮ್ಮೋ, ಧಮ್ಮಾ ಜಾತಿಧಮ್ಮಾ, ಮನೋವಿಞ್ಞಾಣಂ ಜಾತಿಧಮ್ಮಂ, ಮನೋಸಮ್ಫಸ್ಸೋ ಜಾತಿಧಮ್ಮೋ। ಯಮ್ಪಿದಂ ಮನೋಸಮ್ಫಸ್ಸಪಚ್ಚಯಾ ಉಪ್ಪಜ್ಜತಿ ವೇದಯಿತಂ ಸುಖಂ ವಾ ದುಕ್ಖಂ ವಾ ಅದುಕ್ಖಮಸುಖಂ ವಾ ತಮ್ಪಿ ಜಾತಿಧಮ್ಮಂ। ಏವಂ ಪಸ್ಸಂ, ಭಿಕ್ಖವೇ, ಸುತವಾ ಅರಿಯಸಾವಕೋ ಚಕ್ಖುಸ್ಮಿಮ್ಪಿ ನಿಬ್ಬಿನ್ದತಿ, ರೂಪೇಸುಪಿ… ಚಕ್ಖುವಿಞ್ಞಾಣೇಪಿ… ಚಕ್ಖುಸಮ್ಫಸ್ಸೇಪಿ…ಪೇ॰… ನಾಪರಂ ಇತ್ಥತ್ತಾಯಾತಿ ಪಜಾನಾತೀ’’ತಿ। ಪಠಮಂ।
33. Sāvatthinidānaṃ . Tatra kho…pe… ‘‘sabbaṃ, bhikkhave, jātidhammaṃ. Kiñca, bhikkhave, sabbaṃ jātidhammaṃ? Cakkhu, bhikkhave, jātidhammaṃ. Rūpā… cakkhuviññāṇaṃ… cakkhusamphasso jātidhammo. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ…pe… jivhā… rasā… jivhāviññāṇaṃ… jivhāsamphasso… yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ. Kāyo…pe... mano jātidhammo, dhammā jātidhammā, manoviññāṇaṃ jātidhammaṃ, manosamphasso jātidhammo. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ. Evaṃ passaṃ, bhikkhave, sutavā ariyasāvako cakkhusmimpi nibbindati, rūpesupi… cakkhuviññāṇepi… cakkhusamphassepi…pe… nāparaṃ itthattāyāti pajānātī’’ti. Paṭhamaṃ.
೩೪. ‘‘ಸಬ್ಬಂ , ಭಿಕ್ಖವೇ, ಜರಾಧಮ್ಮಂ…ಪೇ॰… ಸಂಖಿತ್ತಂ। ದುತಿಯಂ।
34. ‘‘Sabbaṃ , bhikkhave, jarādhammaṃ…pe… saṃkhittaṃ. Dutiyaṃ.
೩೫. ‘‘ಸಬ್ಬಂ, ಭಿಕ್ಖವೇ, ಬ್ಯಾಧಿಧಮ್ಮಂ…ಪೇ॰…। ತತಿಯಂ।
35. ‘‘Sabbaṃ, bhikkhave, byādhidhammaṃ…pe…. Tatiyaṃ.
೩೬. ‘‘ಸಬ್ಬಂ, ಭಿಕ್ಖವೇ, ಮರಣಧಮ್ಮಂ…ಪೇ॰…। ಚತುತ್ಥಂ।
36. ‘‘Sabbaṃ, bhikkhave, maraṇadhammaṃ…pe…. Catutthaṃ.
೩೭. ‘‘ಸಬ್ಬಂ, ಭಿಕ್ಖವೇ, ಸೋಕಧಮ್ಮಂ…ಪೇ॰…। ಪಞ್ಚಮಂ।
37. ‘‘Sabbaṃ, bhikkhave, sokadhammaṃ…pe…. Pañcamaṃ.
೩೮. ‘‘ಸಬ್ಬಂ, ಭಿಕ್ಖವೇ, ಸಂಕಿಲೇಸಿಕಧಮ್ಮಂ…ಪೇ॰…। ಛಟ್ಠಂ।
38. ‘‘Sabbaṃ, bhikkhave, saṃkilesikadhammaṃ…pe…. Chaṭṭhaṃ.
೩೯. ‘‘ಸಬ್ಬಂ , ಭಿಕ್ಖವೇ, ಖಯಧಮ್ಮಂ…ಪೇ॰…। ಸತ್ತಮಂ।
39. ‘‘Sabbaṃ , bhikkhave, khayadhammaṃ…pe…. Sattamaṃ.
೪೦. ‘‘ಸಬ್ಬಂ, ಭಿಕ್ಖವೇ, ವಯಧಮ್ಮಂ…ಪೇ॰…। ಅಟ್ಠಮಂ।
40. ‘‘Sabbaṃ, bhikkhave, vayadhammaṃ…pe…. Aṭṭhamaṃ.
೪೧. ‘‘ಸಬ್ಬಂ, ಭಿಕ್ಖವೇ, ಸಮುದಯಧಮ್ಮಂ…ಪೇ॰…। ನವಮಂ।
41. ‘‘Sabbaṃ, bhikkhave, samudayadhammaṃ…pe…. Navamaṃ.
೪೨. ‘‘ಸಬ್ಬಂ, ಭಿಕ್ಖವೇ, ನಿರೋಧಧಮ್ಮಂ…ಪೇ॰…। ದಸಮಂ।
42. ‘‘Sabbaṃ, bhikkhave, nirodhadhammaṃ…pe…. Dasamaṃ.
ಜಾತಿಧಮ್ಮವಗ್ಗೋ ಚತುತ್ಥೋ।
Jātidhammavaggo catuttho.
ತಸ್ಸುದ್ದಾನಂ –
Tassuddānaṃ –
ಜಾತಿಜರಾಬ್ಯಾಧಿಮರಣಂ, ಸೋಕೋ ಚ ಸಂಕಿಲೇಸಿಕಂ।
Jātijarābyādhimaraṇaṃ, soko ca saṃkilesikaṃ;
ಖಯವಯಸಮುದಯಂ, ನಿರೋಧಧಮ್ಮೇನ ತೇ ದಸಾತಿ॥
Khayavayasamudayaṃ, nirodhadhammena te dasāti.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೪. ಜಾತಿಧಮ್ಮವಗ್ಗವಣ್ಣನಾ • 4. Jātidhammavaggavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೪. ಜಾತಿಧಮ್ಮವಗ್ಗವಣ್ಣನಾ • 4. Jātidhammavaggavaṇṇanā
