| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
3-8. бин̣д̣олабхаарад̣̇вааж̇ад̇т̇зраабад̣̇аанам̣
3-8. Piṇḍolabhāradvājattheraapadānaṃ
613.
613.
‘‘бад̣̇умуд̇д̇аро наама ж̇ино, саяамбхуу аг̇г̇абуг̇г̇ало;
‘‘Padumuttaro nāma jino, sayambhū aggapuggalo;
бурад̇о химаванд̇асса, жид̇д̇агуудз васий д̇ад̣̇аа.
Purato himavantassa, cittakūṭe vasī tadā.
614.
614.
‘‘абхийд̇аруубо д̇ад̇т̇аасим̣, миг̇арааж̇аа жад̇уггамо;
‘‘Abhītarūpo tatthāsiṃ, migarājā catukkamo;
д̇асса сад̣̇д̣̇ам̣ сун̣ид̇ваана, вигкамбханд̇и б̣ахуж̇ж̇анаа.
Tassa saddaṃ suṇitvāna, vikkhambhanti bahujjanā.
615.
615.
‘‘супуллам̣ бад̣̇умам̣ г̇аяха, убаг̇ажчим̣ нараасабхам̣;
‘‘Suphullaṃ padumaṃ gayha, upagacchiṃ narāsabhaṃ;
вудтид̇асса самаад̇химхаа, б̣уд̣̇д̇хасса абхиробаяим̣.
Vuṭṭhitassa samādhimhā, buddhassa abhiropayiṃ.
616.
616.
‘‘жаад̇уд̣̇д̣̇исам̣ намассид̇ваа, б̣уд̣̇д̇хасздтам̣ наруд̇д̇амам̣;
‘‘Cātuddisaṃ namassitvā, buddhaseṭṭhaṃ naruttamaṃ;
сагам̣ жид̇д̇ам̣ басаад̣̇зд̇ваа, сийханаад̣̇ам̣ над̣̇им̣ ахам̣ 1.
Sakaṃ cittaṃ pasādetvā, sīhanādaṃ nadiṃ ahaṃ 2.
617.
617.
‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;
‘‘Padumuttaro lokavidū, āhutīnaṃ paṭiggaho;
сагаасанз нисийд̣̇ид̇ваа, имаа г̇аат̇аа абхаасат̇а.
Sakāsane nisīditvā, imā gāthā abhāsatha.
618.
618.
‘‘‘б̣уд̣̇д̇хасса г̇ираман̃н̃ааяа, саб̣б̣з д̣̇зваа самааг̇ад̇аа;
‘‘‘Buddhassa giramaññāya, sabbe devā samāgatā;
ааг̇ад̇о вад̣̇ад̇ам̣ сздто, д̇хаммам̣ соссаама д̇ам̣ маяам̣.
Āgato vadataṃ seṭṭho, dhammaṃ sossāma taṃ mayaṃ.
619.
619.
‘‘‘д̇зсам̣ хаасабарзд̇аанам̣, бурад̇о логанааяаго;
‘‘‘Tesaṃ hāsaparetānaṃ, purato lokanāyako;
мама сад̣̇д̣̇ам̣ 3 багид̇д̇зси, д̣̇ийгхад̣̇ассий махаамуни’.
Mama saddaṃ 4 pakittesi, dīghadassī mahāmuni’.
620.
620.
‘‘язнид̣̇ам̣ бад̣̇умам̣ д̣̇иннам̣, сийханаад̣̇о жа наад̣̇ид̇о;
‘‘Yenidaṃ padumaṃ dinnaṃ, sīhanādo ca nādito;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
621.
621.
‘‘‘ид̇о адтамагз габбз, жаггавад̇д̇ий бхависсад̇и;
‘‘‘Ito aṭṭhamake kappe, cakkavattī bhavissati;
сад̇д̇арад̇анасамбанно жад̇уд̣̇ийбамхи иссаро.
Sattaratanasampanno catudīpamhi issaro.
622.
622.
‘‘‘гаараяиссад̇и иссарияам̣ 5, махияаа жад̇усадтияаа;
‘‘‘Kārayissati issariyaṃ 6, mahiyā catusaṭṭhiyā;
бад̣̇умо наама наамзна, жаггавад̇д̇ий махаб̣б̣ало.
Padumo nāma nāmena, cakkavattī mahabbalo.
623.
623.
‘‘габбасад̇асахассамхи , оггаагагуласамбхаво;
‘‘Kappasatasahassamhi , okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
624.
624.
‘багаасид̇з бааважанз, б̣рахмаб̣анд̇ху бхависсад̇и;
‘Pakāsite pāvacane, brahmabandhu bhavissati;
б̣рахман̃н̃аа абхинигкамма, баб̣б̣аж̇иссад̇и д̇аавад̣̇з’.
Brahmaññā abhinikkhamma, pabbajissati tāvade’.
625.
625.
‘‘бад̇хаанабахид̇ад̇д̇о со, убасанд̇о нируубад̇хи;
‘‘Padhānapahitatto so, upasanto nirūpadhi;
саб̣б̣аасавз барин̃н̃ааяа, ниб̣б̣ааяиссад̇инаасаво.
Sabbāsave pariññāya, nibbāyissatināsavo.
626.
626.
‘‘виж̇анз банд̇асзяяамхи, ваал̣амиг̇асамаагулз;
‘‘Vijane pantaseyyamhi, vāḷamigasamākule;
саб̣б̣аасавз барин̃н̃ааяа, ниб̣б̣ааяиссад̇инаасаво.
Sabbāsave pariññāya, nibbāyissatināsavo.
627.
627.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа бин̣д̣олабхаарад̣̇вааж̇о т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā piṇḍolabhāradvājo thero imā gāthāyo abhāsitthāti.
бин̣д̣олабхаарад̣̇вааж̇ад̇т̇зрассаабад̣̇аанам̣ адтамам̣.
Piṇḍolabhāradvājattherassāpadānaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 3-8. бин̣д̣олабхаарад̣̇вааж̇ад̇т̇зраабад̣̇аанаван̣н̣анаа • 3-8. Piṇḍolabhāradvājattheraapadānavaṇṇanā
