| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8-10. жанд̣̇имаад̣̇исуд̇д̇ад̇ад̇ияагам̣
8-10. Candimādisuttatatiyakaṃ
146. ‘‘сзяяат̇ааби , бхигкавз, яаа гаажи д̇аарагаруубаанам̣ бабхаа, саб̣б̣аа д̇аа жанд̣̇имаббабхааяа 1 галам̣ нааг̇гханд̇и сол̣асим̣, жанд̣̇аббабхаа д̇аасам̣ аг̇г̇амагкааяад̇и; звамзва ко, бхигкавз…бз… адтамам̣.
146. ‘‘Seyyathāpi , bhikkhave, yā kāci tārakarūpānaṃ pabhā, sabbā tā candimappabhāya 2 kalaṃ nāgghanti soḷasiṃ, candappabhā tāsaṃ aggamakkhāyati; evameva kho, bhikkhave…pe… aṭṭhamaṃ.
147. ‘‘сзяяат̇ааби, бхигкавз, сарад̣̇асамаяз вид̣̇д̇хз виг̇ад̇авалаахагз д̣̇звз аад̣̇ижжо набхам̣ аб̣бхуссаггамаано саб̣б̣ам̣ аагаасаг̇ад̇ам̣ д̇амаг̇ад̇ам̣ абхивихажжа бхаасад̇з жа д̇абад̇з жа вирожад̇и жа; звамзва ко, бхигкавз…бз… навамам̣.
147. ‘‘Seyyathāpi, bhikkhave, saradasamaye viddhe vigatavalāhake deve ādicco nabhaṃ abbhussakkamāno sabbaṃ ākāsagataṃ tamagataṃ abhivihacca bhāsate ca tapate ca virocati ca; evameva kho, bhikkhave…pe… navamaṃ.
148. ‘‘сзяяат̇ааби , бхигкавз, яаани гаанижи д̇анд̇аавуд̇аанам̣ вад̇т̇аанам̣, гаасигавад̇т̇ам̣ д̇зсам̣ аг̇г̇амагкааяад̇и; звамзва ко, бхигкавз, яз гзжи гусалаа д̇хаммаа, саб̣б̣з д̇з аббамаад̣̇амуулагаа аббамаад̣̇асамосаран̣аа; аббамаад̣̇о д̇зсам̣ д̇хаммаанам̣ аг̇г̇амагкааяад̇и. аббамад̇д̇ассзд̇ам̣, бхигкавз , бхигкуно баадиган̇кам̣ – арияам̣ адтан̇г̇игам̣ маг̇г̇ам̣ бхаавзссад̇и арияам̣ адтан̇г̇игам̣ маг̇г̇ам̣ б̣ахулийгариссад̇и. гат̇ан̃жа , бхигкавз, бхигку аббамад̇д̇о арияам̣ адтан̇г̇игам̣ маг̇г̇ам̣ бхаавзд̇и арияам̣ адтан̇г̇игам̣ маг̇г̇ам̣ б̣ахулийгарод̇и? ид̇ха, бхигкавз, бхигку саммаад̣̇идтим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣…бз… саммаасамаад̇хим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣…бз… звам̣ ко, бхигкавз, бхигку аббамад̇д̇о арияам̣ адтан̇г̇игам̣ маг̇г̇ам̣ бхаавзд̇и арияам̣ адтан̇г̇игам̣ маг̇г̇ам̣ б̣ахулийгарод̇ий’’д̇и. д̣̇асамам̣.
148. ‘‘Seyyathāpi , bhikkhave, yāni kānici tantāvutānaṃ vatthānaṃ, kāsikavatthaṃ tesaṃ aggamakkhāyati; evameva kho, bhikkhave, ye keci kusalā dhammā, sabbe te appamādamūlakā appamādasamosaraṇā; appamādo tesaṃ dhammānaṃ aggamakkhāyati. Appamattassetaṃ, bhikkhave , bhikkhuno pāṭikaṅkhaṃ – ariyaṃ aṭṭhaṅgikaṃ maggaṃ bhāvessati ariyaṃ aṭṭhaṅgikaṃ maggaṃ bahulīkarissati. Kathañca , bhikkhave, bhikkhu appamatto ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkaroti? Idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhu appamatto ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkarotī’’ti. Dasamaṃ.
(яад̣̇аби д̇ат̇ааг̇ад̇ам̣, д̇ад̣̇аби вид̇т̇аарзд̇аб̣б̣ам̣).
(Yadapi tathāgataṃ, tadapi vitthāretabbaṃ).
аббамаад̣̇абзяяаалаваг̇г̇о бан̃жамо.
Appamādapeyyālavaggo pañcamo.
д̇ассуд̣̇д̣̇аанам̣ –
Tassuddānaṃ –
д̇ат̇ааг̇ад̇ам̣ бад̣̇ам̣ гуудам̣, муулам̣ сааро жа вассигам̣;
Tathāgataṃ padaṃ kūṭaṃ, mūlaṃ sāro ca vassikaṃ;
рааж̇аа жанд̣̇имасуурияаа жа, вад̇т̇зна д̣̇асамам̣ бад̣̇ам̣.
Rājā candimasūriyā ca, vatthena dasamaṃ padaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-10. гуудасуд̇д̇аад̣̇иван̣н̣анаа • 3-10. Kūṭasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-10. гуудасуд̇д̇аад̣̇иван̣н̣анаа • 3-10. Kūṭasuttādivaṇṇanā
