| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
2. аб̣бханд̇арамаад̇игааван̣н̣анаа
2. Abbhantaramātikāvaṇṇanā
2. ‘‘бан̃жагканд̇хаа’’д̇иаад̣̇ийхи руубагканд̇хаад̣̇ибад̣̇аани д̣̇ассид̇аани, бадижжасамуббаад̣̇аважанзна жа язсу д̣̇ваад̣̇асасу ан̇г̇зсу бажжзгам̣ бадижжасамуббаад̣̇асад̣̇д̣̇о вад̇д̇ад̇и, д̇ад̣̇ад̇т̇аани д̣̇ваад̣̇аса бад̣̇аани д̣̇ассид̇аанийд̇и д̇зсам̣ д̇ат̇аад̣̇ассид̇аанам̣ саруубзнзва д̣̇ассид̇аанам̣ пассаад̣̇ийнан̃жа бад̣̇аанам̣ васзна ааха ‘‘бан̃жавийсаад̇хигзна бад̣̇асад̇знаа’’д̇и. д̇ад̇т̇а гаммубабад̇д̇игаамабхаваад̣̇ийнам̣ ид̇ха вибхад̇д̇аанам̣ бхааванабхаванабхаавзна бхавз вияа согаад̣̇ийнам̣ ж̇араамаран̣асса вияа анидтад̇д̇аа д̇аннид̣̇аанад̣̇угкабхаавзна жа ж̇араамаран̣з анд̇ог̇ад̇хад̇ааяа бадижжасамуббаад̣̇асса д̣̇ваад̣̇асабад̣̇ад̇аа д̣̇адтаб̣б̣аа. зд̇т̇а жа баал̣ияам̣ бхинд̣̇ид̇ваа ависсаж̇ж̇ид̇аанамби сад̇ибадтаанаад̣̇ийнам̣ бхинд̣̇ид̇ваа г̇ахан̣ам̣ гаронд̇о д̇зсам̣ бхинд̣̇ид̇вааби виссаж̇ж̇ид̇аб̣б̣ад̇ам̣ д̣̇ассзд̇ийд̇и взд̣̇ид̇аб̣б̣ам̣.
2. ‘‘Pañcakkhandhā’’tiādīhi rūpakkhandhādipadāni dassitāni, paṭiccasamuppādavacanena ca yesu dvādasasu aṅgesu paccekaṃ paṭiccasamuppādasaddo vattati, tadatthāni dvādasa padāni dassitānīti tesaṃ tathādassitānaṃ sarūpeneva dassitānaṃ phassādīnañca padānaṃ vasena āha ‘‘pañcavīsādhikena padasatenā’’ti. Tattha kammupapattikāmabhavādīnaṃ idha vibhattānaṃ bhāvanabhavanabhāvena bhave viya sokādīnaṃ jarāmaraṇassa viya aniṭṭhattā tannidānadukkhabhāvena ca jarāmaraṇe antogadhatāya paṭiccasamuppādassa dvādasapadatā daṭṭhabbā. Ettha ca pāḷiyaṃ bhinditvā avissajjitānampi satipaṭṭhānādīnaṃ bhinditvā gahaṇaṃ karonto tesaṃ bhinditvāpi vissajjitabbataṃ dassetīti veditabbaṃ.
наяамаад̇игаад̣̇игаа лагкан̣амаад̇иганд̇аа маад̇игаа багаран̣анд̇араасаад̇хааран̣ад̇ааяа д̇хаад̇угат̇ааяа маад̇игаа наама, д̇ассаа аб̣бханд̇арз вуд̇д̇о вибхаж̇ид̇аб̣б̣аанам̣ уд̣̇д̣̇зсо аб̣бханд̇арамаад̇игаа наамаад̇и имамад̇т̇ам̣ багаасзнд̇о ‘‘аяан̃хий’’д̇иаад̣̇имааха. д̇ад̇т̇а звам̣ авад̇ваад̇и яат̇аа ‘‘саб̣б̣ааби…бз… маад̇игаа’’д̇и аяам̣ д̇хаад̇угат̇аамаад̇игад̇о б̣ахид̣̇д̇хаа вуд̇д̇аа, звам̣ авад̇ваад̇и ад̇т̇о. д̇хаад̇угат̇ааяа аб̣бханд̇арзязваад̇и жа д̇хаад̇угат̇аамаад̇игааяа аб̣бханд̇арзязваад̇и ад̇т̇о д̣̇адтаб̣б̣о. д̇ад̣̇аавзн̣игамаад̇игаааб̣бханд̇арз хи табид̇аа д̇ассааязва аб̣бханд̇арз табид̇аад̇и вуд̇д̇аа . ат̇а ваа звам̣ авад̇ваад̇и яат̇аа ‘‘саб̣б̣ааби…бз… маад̇игаа’’д̇и зд̇зна важанзна д̇хаад̇угат̇аад̇о б̣ахибхууд̇аа гусалаад̣̇иаран̣анд̇аа маад̇игаа багаран̣анд̇араг̇ад̇аа вуд̇д̇аа, звам̣ авад̇ваад̇и ад̇т̇о. д̇хаад̇угат̇ааяа аб̣бханд̇арзязваад̇и жа имасса багаран̣асса аб̣бханд̇арз зва саруубад̇о д̣̇ассзд̇ваа табид̇ад̇д̇аад̇и ад̇т̇о. саб̣б̣асса абхид̇хаммасса маад̇игааяа асан̇г̇ахид̇ад̇д̇аа вигин̣н̣абхаавзна багин̣н̣агад̇аа взд̣̇ид̇аб̣б̣аа.
Nayamātikādikā lakkhaṇamātikantā mātikā pakaraṇantarāsādhāraṇatāya dhātukathāya mātikā nāma, tassā abbhantare vutto vibhajitabbānaṃ uddeso abbhantaramātikā nāmāti imamatthaṃ pakāsento ‘‘ayañhī’’tiādimāha. Tattha evaṃ avatvāti yathā ‘‘sabbāpi…pe… mātikā’’ti ayaṃ dhātukathāmātikato bahiddhā vuttā, evaṃ avatvāti attho. Dhātukathāya abbhantareyevāti ca dhātukathāmātikāya abbhantareyevāti attho daṭṭhabbo. Tadāveṇikamātikāabbhantare hi ṭhapitā tassāyeva abbhantare ṭhapitāti vuttā . Atha vā evaṃ avatvāti yathā ‘‘sabbāpi…pe… mātikā’’ti etena vacanena dhātukathāto bahibhūtā kusalādiaraṇantā mātikā pakaraṇantaragatā vuttā, evaṃ avatvāti attho. Dhātukathāya abbhantareyevāti ca imassa pakaraṇassa abbhantare eva sarūpato dassetvā ṭhapitattāti attho. Sabbassa abhidhammassa mātikāya asaṅgahitattā vikiṇṇabhāvena pakiṇṇakatā veditabbā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 2. аб̣бханд̇арамаад̇игаа • 2. Abbhantaramātikā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 2. аб̣бханд̇арамаад̇игааван̣н̣анаа • 2. Abbhantaramātikāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. аб̣бханд̇арамаад̇игааван̣н̣анаа • 2. Abbhantaramātikāvaṇṇanā
