A World of Knowledge
    Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā

    2. аб̣бханд̇арамаад̇игааван̣н̣анаа

    2. Abbhantaramātikāvaṇṇanā

    2. д̇ад̣̇ад̇т̇аанийд̇и бадижжасамуббаад̣̇ад̇т̇аани. бадижжа самуббаж̇ж̇ад̇и сан̇каараад̣̇игам̣ зд̇асмаад̇и хи бадижжасамуббаад̣̇о, бажжзгам̣ авиж̇ж̇аад̣̇иго бажжаяад̇хаммо. д̇ат̇аа хи вуд̇д̇ам̣ сан̇каарабидагз ‘‘д̣̇ваад̣̇аса бажжаяаа, д̣̇ваад̣̇аса бадижжасамуббаад̣̇аа’’д̇и. д̇зсанд̇и канд̇хаад̣̇ийнам̣. д̇ат̇аад̣̇ассид̇аананд̇и г̇ан̣ануд̣̇д̣̇зсавибхааг̇амад̇д̇зна д̣̇ассид̇аанам̣. гасмаа банзд̇т̇а бадижжасамуббаад̣̇о д̣̇ваад̣̇асабхаавзнзва г̇ахид̇о, нану д̇ад̇т̇а бхаво гаммабхаваад̣̇ибхзд̣̇зна, согаад̣̇аяо жа саруубад̇оязва ид̇ха баал̣ияам̣ г̇ахид̇аад̇и жод̣̇анам̣ санд̇хааяааха ‘‘д̇ад̇т̇аа’’д̇иаад̣̇и. д̇ад̇т̇а д̇ад̇т̇аад̇и д̇асмим̣ ‘‘бан̃жавийсаад̇хигзна бад̣̇асад̇знаа’’д̇и звам̣ вуд̇д̇з адтагат̇ааважанз. гаммабхавасса бхааванабхаавзна, убабад̇д̇ибхавасса бхаванабхаавзна. бад̣̇ад̇т̇ад̇о бана гаммабхаво бхавад̇и зд̇асмаад̇и бхаво, ид̇аро бхавад̇и, бхаванам̣ ваад̇и. д̇аннид̣̇аанад̣̇угкабхаавзнаад̇и ж̇араамаран̣анид̣̇аанад̣̇угкабхаавзна.

    2. Tadatthānīti paṭiccasamuppādatthāni. Paṭicca samuppajjati saṅkhārādikaṃ etasmāti hi paṭiccasamuppādo, paccekaṃ avijjādiko paccayadhammo. Tathā hi vuttaṃ saṅkhārapiṭake ‘‘dvādasa paccayā, dvādasa paṭiccasamuppādā’’ti. Tesanti khandhādīnaṃ. Tathādassitānanti gaṇanuddesavibhāgamattena dassitānaṃ. Kasmā panettha paṭiccasamuppādo dvādasabhāveneva gahito, nanu tattha bhavo kammabhavādibhedena, sokādayo ca sarūpatoyeva idha pāḷiyaṃ gahitāti codanaṃ sandhāyāha ‘‘tatthā’’tiādi. Tattha tatthāti tasmiṃ ‘‘pañcavīsādhikena padasatenā’’ti evaṃ vutte aṭṭhakathāvacane. Kammabhavassa bhāvanabhāvena, upapattibhavassa bhavanabhāvena. Padatthato pana kammabhavo bhavati etasmāti bhavo, itaro bhavati, bhavanaṃ vāti. Tannidānadukkhabhāvenāti jarāmaraṇanidānadukkhabhāvena.

    ‘‘саб̣б̣ааби д̇хаммасан̇г̇ан̣ий д̇хаад̇угат̇ааяа маад̇игаа’’д̇и ид̣̇амби д̇хаад̇угат̇ааяа маад̇игаагид̇д̇анамзваад̇и ‘‘саб̣б̣ааби…бз… маад̇игаад̇и аяам̣ д̇хаад̇угат̇аамаад̇игаад̇о б̣ахид̣̇д̇хаа вуд̇д̇аа’’д̇и важанам̣ асамбхаавзнд̇о ‘‘ат̇а ваа’’д̇иаад̣̇имааха . багаран̣анд̇араг̇ад̇аа вуд̇д̇аа д̇хаад̇угат̇ааяа маад̇игаабхаавзнаад̇и ад̇т̇о. гааман̃жзд̇т̇а маад̇игаабхаавзна вуд̇д̇аа, багаран̣анд̇араг̇ад̇ад̇д̇аа бана ан̃н̃ад̇о г̇ахзд̇аб̣б̣аруубаа ид̇о б̣ахибхууд̇аа наама хонд̇и, саруубад̇о г̇ахид̇аава бан̃жагканд̇хаад̇иаад̣̇игаа аб̣бханд̇араа. д̇знааха ‘‘саруубад̇о д̣̇ассзд̇ваа табид̇ад̇д̇аа’’д̇и. маад̇игааяа асан̇г̇ахид̇ад̇д̇аад̇и маад̇игааяа саруубзна асан̇г̇ахид̇ад̇д̇аа, на ан̃н̃ат̇аа. на хи маад̇игааяа асан̇г̇ахид̇о гожи бад̣̇ад̇т̇о ад̇т̇и. вигин̣н̣абхаавзнаад̇и канд̇хавибхан̇г̇аад̣̇ийсу висум̣ висум̣ гин̣н̣абхаавзна висадабхаавзна.

    ‘‘Sabbāpi dhammasaṅgaṇī dhātukathāya mātikā’’ti idampi dhātukathāya mātikākittanamevāti ‘‘sabbāpi…pe… mātikāti ayaṃ dhātukathāmātikāto bahiddhā vuttā’’ti vacanaṃ asambhāvento ‘‘atha vā’’tiādimāha . Pakaraṇantaragatā vuttā dhātukathāya mātikābhāvenāti attho. Kāmañcettha mātikābhāvena vuttā, pakaraṇantaragatattā pana aññato gahetabbarūpā ito bahibhūtā nāma honti, sarūpato gahitāva pañcakkhandhātiādikā abbhantarā. Tenāha ‘‘sarūpato dassetvā ṭhapitattā’’ti. Mātikāya asaṅgahitattāti mātikāya sarūpena asaṅgahitattā, na aññathā. Na hi mātikāya asaṅgahito koci padattho atthi. Vikiṇṇabhāvenāti khandhavibhaṅgādīsu visuṃ visuṃ kiṇṇabhāvena visaṭabhāvena.







    Related texts:



    д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 2. аб̣бханд̇арамаад̇игаа • 2. Abbhantaramātikā

    адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 2. аб̣бханд̇арамаад̇игааван̣н̣анаа • 2. Abbhantaramātikāvaṇṇanā

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. аб̣бханд̇арамаад̇игааван̣н̣анаа • 2. Abbhantaramātikāvaṇṇanā


    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact