A World of Knowledge
    Library / Tipiṭaka / തിപിടക • Tipiṭaka / അപദാന-അട്ഠകഥാ • Apadāna-aṭṭhakathā

    ൭. അഭയത്ഥേരഅപദാനവണ്ണനാ

    7. Abhayattheraapadānavaṇṇanā

    സത്തമാപദാനേ പദുമുത്തരോ നാമ ജിനോതിആദികം ആയസ്മതോ അഭയത്ഥേരസ്സ അപദാനം. അയമ്പി പുരിമജിനവരേസു കതാധികാരോ തത്ഥ തത്ഥ ഭവേ വിപട്ടൂപനിസ്സയാനി പുഞ്ഞാനി ഉപചിനന്തോ പദുമുത്തരസ്സ ഭഗവതോ കാലേ ഹംസവതീനഗരേ ബ്രാഹ്മണകുലേ നിബ്ബത്തോ. സോ വുദ്ധിമന്വായ വേദങ്ഗപാരഗോ സകപരസമയകുസലോ ഏകദിവസം സത്ഥു ധമ്മദേസനം സുത്വാ പസന്നമാനസോ ഭഗവന്തം ഗാഥാഹി ഥോമേസി. സോ തത്ഥ യാവതായുകം ഠത്വാ പുഞ്ഞാനി കത്വാ തതോ ചുതോ ദേവലോകേ നിബ്ബത്തോ അപരാപരം സുഗതീസുയേവം സംസരന്തോ ഇമസ്മിം ബുദ്ധുപ്പാദേ രാജഗഹേ ബിമ്ബിസാരരഞ്ഞോ പുത്തോ ഹുത്വാ നിബ്ബത്തി, അഭയോത്വേവസ്സ നാമം കരിംസു. സോ വയപ്പത്തോ നിഗണ്ഠേഹി സദ്ധിം വിസ്സാസികോ ഹുത്വാ ചരന്തോ ഏകദിവസം നിഗണ്ഠേന നാടപുത്തേന സത്ഥു വാദാരോപനത്ഥായ പേസിതോ നിപുണപഞ്ഹം പുച്ഛിത്വാ നിപുണബ്യാകരണം സുത്വാ പസന്നോ സത്ഥു സന്തികേ പബ്ബജിത്വാ കമ്മട്ഠാനാനുരൂപം ഞാണം പേസേത്വാ നചിരസ്സേവ അരഹത്തം പാപുണി.

    Sattamāpadāne padumuttaro nāma jinotiādikaṃ āyasmato abhayattherassa apadānaṃ. Ayampi purimajinavaresu katādhikāro tattha tattha bhave vipaṭṭūpanissayāni puññāni upacinanto padumuttarassa bhagavato kāle haṃsavatīnagare brāhmaṇakule nibbatto. So vuddhimanvāya vedaṅgapārago sakaparasamayakusalo ekadivasaṃ satthu dhammadesanaṃ sutvā pasannamānaso bhagavantaṃ gāthāhi thomesi. So tattha yāvatāyukaṃ ṭhatvā puññāni katvā tato cuto devaloke nibbatto aparāparaṃ sugatīsuyevaṃ saṃsaranto imasmiṃ buddhuppāde rājagahe bimbisārarañño putto hutvā nibbatti, abhayotvevassa nāmaṃ kariṃsu. So vayappatto nigaṇṭhehi saddhiṃ vissāsiko hutvā caranto ekadivasaṃ nigaṇṭhena nāṭaputtena satthu vādāropanatthāya pesito nipuṇapañhaṃ pucchitvā nipuṇabyākaraṇaṃ sutvā pasanno satthu santike pabbajitvā kammaṭṭhānānurūpaṃ ñāṇaṃ pesetvā nacirasseva arahattaṃ pāpuṇi.

    ൧൯൫. സോ അരഹത്തം പത്വാ അത്തനോ പുബ്ബകമ്മം സരിത്വാ സോമനസ്സജാതോ പുബ്ബചരിതാപദാനം പകാസേന്തോ പദുമുത്തരോ നാമ ജിനോതിആദിമാഹ. തം സബ്ബം സുവിഞ്ഞേയ്യമേവാതി.

    195. So arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Taṃ sabbaṃ suviññeyyamevāti.

    അഭയത്ഥേരഅപദാനവണ്ണനാ സമത്താ.

    Abhayattheraapadānavaṇṇanā samattā.







    Related texts:



    തിപിടക (മൂല) • Tipiṭaka (Mūla) / സുത്തപിടക • Suttapiṭaka / ഖുദ്ദകനികായ • Khuddakanikāya / അപദാനപാളി • Apadānapāḷi / ൭. അഭയത്ഥേരഅപദാനം • 7. Abhayattheraapadānaṃ


    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact