| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
абхибхааяад̇анагат̇ааван̣н̣анаа
Abhibhāyatanakathāvaṇṇanā
204. бадибхааг̇анимид̇д̇абхууд̇ам̣ гасин̣аарамман̣асан̇каад̇ам̣ ааяад̇анам̣ гааран̣ам̣ зд̇ассаад̇и гасин̣ааяад̇анам̣, жхаанам̣. ат̇а ваа аарамман̣асса анавасзсапаран̣адтзна гасин̣ан̃жа д̇ам̣ ааяад̇анан̃жа яог̇ино сукависзсаанам̣ ад̇хидтаанабхаавад̇о манааяад̇анад̇хаммааяад̇анабхаавад̇о жаад̇и сасамбаяуд̇д̇ам̣ жхаанам̣ гасин̣ааяад̇анам̣. д̇знзвааха ‘‘сад̇иби абхибхааяад̇анаанам̣ гасин̣ааяад̇анад̇д̇з’’д̇и. бхааванааяа нимид̇д̇ам̣ бхааванаанимид̇д̇ам̣, аарамман̣асса барид̇д̇аббамаан̣ад̇аа сувисуд̣̇д̇ханийлаад̣̇ид̇аа жа, д̇ад̣̇зва наанад̇д̇ам̣. бхааванаа зва ваа буб̣б̣абхааг̇абхууд̇аа бхааванаанимид̇д̇ам̣, д̇асса наанад̇д̇ам̣ бхааванаанимид̇д̇анаанад̇д̇ам̣. буб̣б̣абхааг̇абхааванаа хи яат̇аавуд̇д̇ависзсз аарамман̣з бавад̇д̇иаагаарависзсад̇о наанаасабхааваад̇и. гасин̣анимид̇д̇асса абхибхаванагабхааванаанимид̇д̇анаанад̇д̇ам̣ гасин̣а…бз… наанад̇д̇ам̣, д̇ад̇од̇и яож̇зд̇аб̣б̣ам̣.
204. Paṭibhāganimittabhūtaṃ kasiṇārammaṇasaṅkhātaṃ āyatanaṃ kāraṇaṃ etassāti kasiṇāyatanaṃ, jhānaṃ. Atha vā ārammaṇassa anavasesapharaṇaṭṭhena kasiṇañca taṃ āyatanañca yogino sukhavisesānaṃ adhiṭṭhānabhāvato manāyatanadhammāyatanabhāvato cāti sasampayuttaṃ jhānaṃ kasiṇāyatanaṃ. Tenevāha ‘‘satipi abhibhāyatanānaṃ kasiṇāyatanatte’’ti. Bhāvanāya nimittaṃ bhāvanānimittaṃ, ārammaṇassa parittappamāṇatā suvisuddhanīlāditā ca, tadeva nānattaṃ. Bhāvanā eva vā pubbabhāgabhūtā bhāvanānimittaṃ, tassa nānattaṃ bhāvanānimittanānattaṃ. Pubbabhāgabhāvanā hi yathāvuttavisese ārammaṇe pavattiākāravisesato nānāsabhāvāti. Kasiṇanimittassa abhibhavanakabhāvanānimittanānattaṃ kasiṇa…pe… nānattaṃ, tatoti yojetabbaṃ.
зд̇т̇а жа буримаани жад̇д̇аари абхибхааяад̇анаани бхууд̇агасин̣аарамман̣аани, бхууд̇агасин̣зсу жа яам̣ суван̣н̣ам̣ д̣̇уб̣б̣ан̣н̣анд̇и жа на саггаа вад̇д̇ум̣. д̇ад̇т̇а бавад̇д̇ид̇аани саб̣б̣ад̇т̇а ваа ван̣н̣аабхог̇арахид̇зна бавад̇д̇ид̇аани батамад̇ад̇ияаабхибхааяад̇анаанийд̇и д̣̇уд̇ияажад̇уд̇т̇аани ван̣н̣агасин̣аарамман̣аани. яад̣̇и звам̣ д̣̇уд̇ияажад̇уд̇т̇зхи бан̃жамаад̣̇ийнам̣ го висзсод̇и ‘‘бан̃жамаад̣̇ийни ван̣н̣ад̇о раман̣ийяад̇араани, на д̇ат̇аа ид̇арааний’’д̇и вад̣̇анд̇и. буримааниби жад̇д̇аари адта гасин̣аарамман̣аанзва, д̇асмаа д̇ам̣ нзсам̣ мад̇имад̇д̇ам̣ ‘‘адтасу гасин̣зсуу’’д̇и вуд̇д̇ад̇д̇аа. вимогкзсу жа батамад̣̇уд̇ияавимогкаа адта гасин̣аарамман̣аа. д̇ад̇ияо ван̣н̣агасин̣аарамман̣о. батамад̣̇уд̇ияааби ваа ван̣н̣агасин̣аарамман̣аа зва ‘‘б̣ахид̣̇д̇хаа нийлагасин̣аад̣̇ируубаани жхаанажагкунаа бассад̇ий’’д̇и вуд̇д̇ад̇д̇аа. аарамман̣аманун̃н̃ад̇ааяа хи д̇ад̇т̇а аниг̇г̇ад̇ид̇абхаавзна д̇зсам̣ бавад̇д̇ийд̇и. звам̣ санд̇з д̇ад̇ияасса ид̇арзхи го висзсод̇и? субхаагаараабхог̇о. д̇ад̇ияо зва хи субханд̇и аабхуж̇анавасзна бавад̇д̇ад̇и, на ид̇арзд̇и.
Ettha ca purimāni cattāri abhibhāyatanāni bhūtakasiṇārammaṇāni, bhūtakasiṇesu ca yaṃ suvaṇṇaṃ dubbaṇṇanti ca na sakkā vattuṃ. Tattha pavattitāni sabbattha vā vaṇṇābhogarahitena pavattitāni paṭhamatatiyābhibhāyatanānīti dutiyacatutthāni vaṇṇakasiṇārammaṇāni. Yadi evaṃ dutiyacatutthehi pañcamādīnaṃ ko visesoti ‘‘pañcamādīni vaṇṇato ramaṇīyatarāni, na tathā itarānī’’ti vadanti. Purimānipi cattāri aṭṭha kasiṇārammaṇāneva, tasmā taṃ nesaṃ matimattaṃ ‘‘aṭṭhasu kasiṇesū’’ti vuttattā. Vimokkhesu ca paṭhamadutiyavimokkhā aṭṭha kasiṇārammaṇā. Tatiyo vaṇṇakasiṇārammaṇo. Paṭhamadutiyāpi vā vaṇṇakasiṇārammaṇā eva ‘‘bahiddhā nīlakasiṇādirūpāni jhānacakkhunā passatī’’ti vuttattā. Ārammaṇamanuññatāya hi tattha aniggatitabhāvena tesaṃ pavattīti. Evaṃ sante tatiyassa itarehi ko visesoti? Subhākārābhogo. Tatiyo eva hi subhanti ābhujanavasena pavattati, na itareti.
н̃аан̣ам̣ аббанаабан̃н̃аа. виж̇ж̇амаанзбийд̇и аби-сад̣̇д̣̇зна авиж̇ж̇амаанзбийд̇и д̣̇ассзд̇и. барид̇д̇аббамаан̣ад̇аа абхибхаванасса гааран̣ам̣ имзсу жад̇уусу абхибхааяад̇анзсууд̇и ад̇хиббааяо. нану жа саб̣б̣ад̇т̇а ‘‘суван̣н̣ад̣̇уб̣б̣ан̣н̣ааний’’д̇и важанад̇о ван̣н̣аабхог̇асахид̇ааниязва г̇ахид̇аанийд̇и? на г̇ахид̇аанийд̇и д̣̇ассзнд̇о ‘‘д̇ад̇т̇а жаа’’д̇иаад̣̇имааха. д̇ад̇т̇аад̇и ааг̇амзсу. д̇ат̇аа аббамаан̣аанийд̇и ван̣н̣аабхог̇арахид̇аани жа саб̣б̣аани аббамаан̣аани суван̣н̣ад̣̇уб̣б̣ан̣н̣аанийд̇и ад̇т̇о. яад̣̇и звам̣ гат̇ам̣ висидтаанам̣ ван̣н̣аабхог̇зна рахид̇аанам̣ сахид̇аанан̃жа згаж̇жхам̣ манаси гарод̇и? на згаж̇жхам̣, висум̣язва бана д̇зсу манасигааро. яад̣̇и висум̣ гат̇амзганд̇и? барид̇д̇абхаавасааман̃н̃ад̇о. яад̣̇и звам̣ ‘‘суван̣н̣ад̣̇уб̣б̣ан̣н̣аг̇г̇ахан̣ам̣ ад̇ирижчад̇ий’’д̇и, наад̇ирижчад̇ийд̇и д̣̇ассзнд̇о ‘‘ад̇т̇и хи зсо барияааяо’’д̇иаад̣̇имааха. д̇ад̇т̇а яад̣̇ид̣̇ам̣ ван̣н̣аабхог̇аж̇анид̇ам̣ висзсам̣ аг̇г̇ахзд̇ваа барид̇д̇асааман̃н̃зна згад̇д̇ам̣ нзд̇ваа ‘‘барид̇д̇аани абхибхуяяаа’’д̇и вад̇ваа буна д̇ад̣̇анд̇ог̇ад̇хад̇хаммаббабхзд̣̇ам̣ винзяяавасзна д̣̇ассзд̇ум̣ ‘‘д̇аани жз гад̣̇аажи ван̣н̣авасзна аабхуж̇ид̇аани хонд̇и суван̣н̣ад̣̇уб̣б̣ан̣н̣аани абхибхуяяаа’’д̇и вад̇д̇аб̣б̣ад̇ааяа ван̣н̣аабхог̇арахид̇аани сахид̇аани жа висум̣ манаси гад̇ваа убхаяад̇т̇ааби ван̣н̣аабхог̇арахид̇абарид̇д̇аабхибхаванз д̇ам̣ сахид̇абарид̇д̇аабхибхаванз жа барид̇д̇аабхибхаванасса сааман̃н̃ам̣ г̇ахзд̇ваа зганд̇и важанам̣, зсо барияааяо виж̇ж̇ад̇ийд̇и аяамад̇хиббааяо.
Ñāṇaṃ appanāpaññā. Vijjamānepīti api-saddena avijjamānepīti dasseti. Parittappamāṇatā abhibhavanassa kāraṇaṃ imesu catūsu abhibhāyatanesūti adhippāyo. Nanu ca sabbattha ‘‘suvaṇṇadubbaṇṇānī’’ti vacanato vaṇṇābhogasahitāniyeva gahitānīti? Na gahitānīti dassento ‘‘tattha cā’’tiādimāha. Tatthāti āgamesu. Tathā appamāṇānīti vaṇṇābhogarahitāni ca sabbāni appamāṇāni suvaṇṇadubbaṇṇānīti attho. Yadi evaṃ kathaṃ visiṭṭhānaṃ vaṇṇābhogena rahitānaṃ sahitānañca ekajjhaṃ manasi karoti? Na ekajjhaṃ, visuṃyeva pana tesu manasikāro. Yadi visuṃ kathamekanti? Parittabhāvasāmaññato. Yadi evaṃ ‘‘suvaṇṇadubbaṇṇaggahaṇaṃ atiricchatī’’ti, nātiricchatīti dassento ‘‘atthi hi eso pariyāyo’’tiādimāha. Tattha yadidaṃ vaṇṇābhogajanitaṃ visesaṃ aggahetvā parittasāmaññena ekattaṃ netvā ‘‘parittāni abhibhuyyā’’ti vatvā puna tadantogadhadhammappabhedaṃ vineyyavasena dassetuṃ ‘‘tāni ce kadāci vaṇṇavasena ābhujitāni honti suvaṇṇadubbaṇṇāni abhibhuyyā’’ti vattabbatāya vaṇṇābhogarahitāni sahitāni ca visuṃ manasi katvā ubhayatthāpi vaṇṇābhogarahitaparittābhibhavane taṃ sahitaparittābhibhavane ca parittābhibhavanassa sāmaññaṃ gahetvā ekanti vacanaṃ, eso pariyāyo vijjatīti ayamadhippāyo.
звам̣ суд̇д̇анд̇аабхид̇хаммабаатависзсад̇о адтагат̇ааяа вирод̇хаабхаавам̣ д̣̇ассзд̇ваа ид̣̇аани суд̇д̇анд̇аабхид̇хаммабаатаанам̣ авирод̇хам̣ ад̇хиббааяавибхааванзна д̣̇ассзд̇ум̣ ‘‘д̇ад̇т̇ажаа’’д̇иаад̣̇имааха. звам̣ абхид̇хаммз ван̣н̣аабхог̇арахид̇аани сахид̇аани жа висум̣ вуд̇д̇аани. суд̇д̇анд̇з бана ‘‘убхаяаани згаж̇жха’’нд̇и вуд̇д̇ам̣, д̇ам̣ гат̇ам̣ вин̃н̃ааяад̇ийд̇и ааха ‘‘д̇ад̣̇зд̇а’’нд̇иаад̣̇и. д̇ад̇т̇а ааг̇ад̇ассаад̇и суд̇д̇анд̇з ааг̇ад̇асса. д̇ад̇т̇а хи ‘‘аж̇жхад̇д̇ам̣ руубасан̃н̃ий’’д̇и ааг̇ад̇ам̣. аважанад̇од̇и абхид̇хаммз аважанад̇о. яад̣̇иби вимогкаа висум̣ д̣̇зсид̇аа, гасин̣ааяад̇анабхааво вияа бана абхибхааяад̇анаанам̣ вимогкагижжад̇ааби ад̇т̇ийд̇и абхибхааяад̇анавимогкаанам̣ ид̇хааби сан̇гаро д̣̇унниваарод̇и жод̣̇анам̣ манаси гад̇ваа ааха ‘‘саб̣б̣авимогкагижжасаад̇хааран̣аважанабхаавад̇о’’д̇и. д̇зна яат̇аа абхибхааяад̇анад̣̇зсанааяам̣ абхибхааяад̇анагижжаани ниравасзсад̇о вуд̇д̇аани, звам̣ вимогкад̣̇зсанааяам̣ вимогкагижжаанийд̇и ид̇ха д̇зсам̣ асан̇гароязваад̇и д̣̇ассзд̇и.
Evaṃ suttantābhidhammapāṭhavisesato aṭṭhakathāya virodhābhāvaṃ dassetvā idāni suttantābhidhammapāṭhānaṃ avirodhaṃ adhippāyavibhāvanena dassetuṃ ‘‘tatthacā’’tiādimāha. Evaṃ abhidhamme vaṇṇābhogarahitāni sahitāni ca visuṃ vuttāni. Suttante pana ‘‘ubhayāni ekajjha’’nti vuttaṃ, taṃ kathaṃ viññāyatīti āha ‘‘tadeta’’ntiādi. Tattha āgatassāti suttante āgatassa. Tattha hi ‘‘ajjhattaṃ rūpasaññī’’ti āgataṃ. Avacanatoti abhidhamme avacanato. Yadipi vimokkhā visuṃ desitā, kasiṇāyatanabhāvo viya pana abhibhāyatanānaṃ vimokkhakiccatāpi atthīti abhibhāyatanavimokkhānaṃ idhāpi saṅkaro dunnivāroti codanaṃ manasi katvā āha ‘‘sabbavimokkhakiccasādhāraṇavacanabhāvato’’ti. Tena yathā abhibhāyatanadesanāyaṃ abhibhāyatanakiccāni niravasesato vuttāni, evaṃ vimokkhadesanāyaṃ vimokkhakiccānīti idha tesaṃ asaṅkaroyevāti dasseti.
яз жа яат̇аавуд̇д̇ам̣ вавад̇т̇аанам̣ на самбадижчанд̇и, д̇зхи суд̇д̇анд̇аабхид̇хаммабаатабхзд̣̇з ан̃н̃ам̣ гааран̣ам̣ вад̇д̇аб̣б̣ам̣ сияаа. гимзд̇т̇а вад̇д̇аб̣б̣ам̣, нану адтагат̇ааяам̣ ‘‘гасмаа бана яат̇аа суд̇д̇анд̇з’’д̇иаад̣̇им̣ вад̇ваа ‘‘аж̇жхад̇д̇аруубаанам̣ анабхибхаванийяад̇о’’д̇и гааран̣ам̣ вуд̇д̇анд̇и. на д̇ам̣ д̇асса гааран̣аважананд̇и д̣̇ассзнд̇о ‘‘аж̇жхад̇д̇аруубаана’’нд̇иаад̣̇имааха. д̇ад̇т̇а яанд̇и ид̇ха суд̇д̇анд̇з жа ‘‘б̣ахид̣̇д̇хаа руубаани бассад̇ий’’д̇и (а. ни. 8.65) вуд̇д̇аважанам̣ санд̇хааяааха. б̣ахид̣̇д̇хаа руубааниязва хи абхибхаванийяаанийд̇и. ан̃н̃ахзд̇уганд̇и д̣̇зсанаавилаасад̇о ан̃н̃ам̣ абхибхаванийяахзд̇у зд̇ассаад̇и ан̃н̃ахзд̇угам̣. аж̇жхад̇д̇ааруубасан̃н̃ид̇ааяа зва, на суд̇д̇анд̇з вияа аж̇жхад̇д̇аруубасан̃н̃ид̇ааяа жаад̇и ад̇т̇о. авибхууд̇ад̇д̇аад̇и ид̣̇ам̣ н̃аан̣уд̇д̇араанам̣ саха нимид̇д̇уббаад̣̇анзна аббанааниб̣б̣ад̇д̇анам̣ аарамман̣асса абхибхаво на судту вибхууд̇абхааваманд̇арзна самбхавад̇ийд̇и гад̇ваа вуд̇д̇ам̣. нану жа адтагат̇ааяам̣ баатад̣̇ваяависзсасса д̣̇зсанаавилаасо гааран̣абхаавзна вуд̇д̇од̇и ааха ‘‘д̣̇зсанаавилаасо жа яат̇аавуд̇д̇ававад̇т̇аанавасзна взд̣̇ид̇аб̣б̣о’’д̇и. д̣̇зсанаавилаасо хи наама винзяяаж̇жхаасаяаануруубам̣ виж̇ж̇амаанассзва барияааяасса вибхааванам̣ на яасса гассажийд̇и. д̇ад̇т̇а жа ‘‘барияааяад̣̇зсанад̇д̇аа’’д̇иаад̣̇инаа вуд̇д̇аббагаарававад̇т̇аанам̣ д̣̇зсанаавилаасаниб̣анд̇ханамааха. д̇ат̇аа жзва хи бурад̇о д̣̇зсанаавилаасо вибхаавид̇о.
Ye ca yathāvuttaṃ vavatthānaṃ na sampaṭicchanti, tehi suttantābhidhammapāṭhabhede aññaṃ kāraṇaṃ vattabbaṃ siyā. Kimettha vattabbaṃ, nanu aṭṭhakathāyaṃ ‘‘kasmā pana yathā suttante’’tiādiṃ vatvā ‘‘ajjhattarūpānaṃ anabhibhavanīyato’’ti kāraṇaṃ vuttanti. Na taṃ tassa kāraṇavacananti dassento ‘‘ajjhattarūpāna’’ntiādimāha. Tattha yanti idha suttante ca ‘‘bahiddhā rūpāni passatī’’ti (a. ni. 8.65) vuttavacanaṃ sandhāyāha. Bahiddhā rūpāniyeva hi abhibhavanīyānīti. Aññahetukanti desanāvilāsato aññaṃ abhibhavanīyahetu etassāti aññahetukaṃ. Ajjhattaarūpasaññitāya eva, na suttante viya ajjhattarūpasaññitāya cāti attho. Avibhūtattāti idaṃ ñāṇuttarānaṃ saha nimittuppādanena appanānibbattanaṃ ārammaṇassa abhibhavo na suṭṭhu vibhūtabhāvamantarena sambhavatīti katvā vuttaṃ. Nanu ca aṭṭhakathāyaṃ pāṭhadvayavisesassa desanāvilāso kāraṇabhāvena vuttoti āha ‘‘desanāvilāso ca yathāvuttavavatthānavasena veditabbo’’ti. Desanāvilāso hi nāma vineyyajjhāsayānurūpaṃ vijjamānasseva pariyāyassa vibhāvanaṃ na yassa kassacīti. Tattha ca ‘‘pariyāyadesanattā’’tiādinā vuttappakāravavatthānaṃ desanāvilāsanibandhanamāha. Tathā ceva hi purato desanāvilāso vibhāvito.
абхибхааяад̇анагат̇ааван̣н̣анаа нидтид̇аа.
Abhibhāyatanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / абхибхааяад̇анагат̇аа • Abhibhāyatanakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / абхибхааяад̇анагат̇ааван̣н̣анаа • Abhibhāyatanakathāvaṇṇanā
