| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
243. звам̣ махаабат̇авим̣ бад̇т̇аранд̇о вияа аагаасам̣ вид̇т̇аараяанд̇о вияа жа саб̣б̣ад̇хаммзсу аббадихад̇ан̃аан̣о сад̇т̇аа суд̇д̇анд̇абхааж̇анийяз ниг̇г̇ан̣тим̣ ниж̇ж̇адам̣ бажжаяаагаарам̣ наанаажид̇д̇авасзна д̣̇ассзд̇ваа ид̣̇аани яасмаа на гзвалам̣ аяам̣ бажжаяаагааро наанаажид̇д̇зсуязва ход̇и, згажид̇д̇зби ход̇иязва, д̇асмаа абхид̇хаммабхааж̇анийяавасзна згажид̇д̇агкан̣игам̣ бажжаяаагаарам̣ наанаббагаарад̇о д̣̇ассзд̇ум̣ авиж̇ж̇аабажжаяаа сан̇каарод̇иаад̣̇инаа наязна маад̇игам̣ д̇аава табзси. звам̣ табид̇ааяа бана маад̇игааяа –
243. Evaṃ mahāpathaviṃ pattharanto viya ākāsaṃ vitthārayanto viya ca sabbadhammesu appaṭihatañāṇo satthā suttantabhājanīye niggaṇṭhiṃ nijjaṭaṃ paccayākāraṃ nānācittavasena dassetvā idāni yasmā na kevalaṃ ayaṃ paccayākāro nānācittesuyeva hoti, ekacittepi hotiyeva, tasmā abhidhammabhājanīyavasena ekacittakkhaṇikaṃ paccayākāraṃ nānappakārato dassetuṃ avijjāpaccayā saṅkhārotiādinā nayena mātikaṃ tāva ṭhapesi. Evaṃ ṭhapitāya pana mātikāya –
авиж̇ж̇аад̣̇ийхи муулзхи, нава муулабад̣̇аа нава;
Avijjādīhi mūlehi, nava mūlapadā nava;
наяаа д̇ад̇т̇а жад̇уггаани, ваарабхзд̣̇ан̃жа д̣̇ийбаяз.
Nayā tattha catukkāni, vārabhedañca dīpaye.
д̇ад̇рааяам̣ д̣̇ийбанаа – зд̇т̇а хи авиж̇ж̇аасан̇кааравин̃н̃аан̣анаамачадтааяад̇анапассавзд̣̇анаад̇ан̣хааубаад̣̇аанаббабхзд̣̇зхи авиж̇ж̇аад̣̇ийхи навахи муулабад̣̇зхи авиж̇ж̇аад̣̇иго, сан̇каараад̣̇иго, вин̃н̃аан̣аад̣̇иго, наамаад̣̇иго, чадтааяад̇анаад̣̇иго, пассаад̣̇иго, взд̣̇анаад̣̇иго, д̇ан̣хаад̣̇иго, убаад̣̇аанаад̣̇игод̇и имз нава муулабад̣̇аа нава наяаа хонд̇и.
Tatrāyaṃ dīpanā – ettha hi avijjāsaṅkhāraviññāṇanāmachaṭṭhāyatanaphassavedanātaṇhāupādānappabhedehi avijjādīhi navahi mūlapadehi avijjādiko, saṅkhārādiko, viññāṇādiko, nāmādiko, chaṭṭhāyatanādiko, phassādiko, vedanādiko, taṇhādiko, upādānādikoti ime nava mūlapadā nava nayā honti.
д̇зсу яо д̇аава аяам̣ авиж̇ж̇аад̣̇иго наяо, д̇ад̇т̇а бажжаяажад̇уггам̣, хзд̇ужад̇уггам̣, самбаяуд̇д̇ажад̇уггам̣, ан̃н̃аман̃н̃ажад̇угганд̇и жад̇д̇аари жад̇уггаани хонд̇и. яат̇аа жзд̇т̇а звам̣ сзсзсубийд̇и згзгасмим̣ наяз жад̇уннам̣ жад̇уннам̣ жад̇уггаанам̣ васзна чад̇д̇им̣са жад̇уггаани. д̇ад̇т̇а згзгзна жад̇уггзна жад̇уннам̣ жад̇уннам̣ ваараанам̣ сан̇г̇ахид̇ад̇д̇аа жад̇уннамби жад̇уггаанам̣ васзна згзгасмим̣ наяз сол̣аса сол̣аса ваараад̇и жад̇ужад̇д̇аалийсаад̇хигам̣ ваарасад̇ам̣ ход̇ийд̇и взд̣̇ид̇аб̣б̣ам̣.
Tesu yo tāva ayaṃ avijjādiko nayo, tattha paccayacatukkaṃ, hetucatukkaṃ, sampayuttacatukkaṃ, aññamaññacatukkanti cattāri catukkāni honti. Yathā cettha evaṃ sesesupīti ekekasmiṃ naye catunnaṃ catunnaṃ catukkānaṃ vasena chattiṃsa catukkāni. Tattha ekekena catukkena catunnaṃ catunnaṃ vārānaṃ saṅgahitattā catunnampi catukkānaṃ vasena ekekasmiṃ naye soḷasa soḷasa vārāti catucattālīsādhikaṃ vārasataṃ hotīti veditabbaṃ.
1. бажжаяажад̇уггам̣
1. Paccayacatukkaṃ
д̇ад̇т̇а яад̣̇зд̇ам̣ саб̣б̣абатамз авиж̇ж̇аамуулагз наяз бажжаяажад̇уггам̣, д̇асмим̣ батамо наамаруубадтаанз наамасса, сал̣ааяад̇анадтаанз чадтааяад̇анасса жа вуд̇д̇ад̇д̇аа абарибун̣н̣аан̇г̇ад̣̇ваяаяуд̇д̇о д̣̇ваад̣̇асан̇г̇игавааро наама. д̣̇уд̇ияо наамаруубадтаанз наамассзва, сал̣ааяад̇анадтаанз жа на гассажи вуд̇д̇ад̇д̇аа абарибун̣н̣азган̇г̇аяуд̇д̇о згаад̣̇асан̇г̇игавааро наама. д̇ад̇ияо сал̣ааяад̇анадтаанз чадтааяад̇анасса вуд̇д̇ад̇д̇аа барибун̣н̣азган̇г̇аяуд̇д̇о д̣̇ваад̣̇асан̇г̇игавааро наама. жад̇уд̇т̇о бана барибун̣н̣ад̣̇ваад̣̇асан̇г̇игоязва.
Tattha yadetaṃ sabbapaṭhame avijjāmūlake naye paccayacatukkaṃ, tasmiṃ paṭhamo nāmarūpaṭṭhāne nāmassa, saḷāyatanaṭṭhāne chaṭṭhāyatanassa ca vuttattā aparipuṇṇaaṅgadvayayutto dvādasaṅgikavāro nāma. Dutiyo nāmarūpaṭṭhāne nāmasseva, saḷāyatanaṭṭhāne ca na kassaci vuttattā aparipuṇṇaekaṅgayutto ekādasaṅgikavāro nāma. Tatiyo saḷāyatanaṭṭhāne chaṭṭhāyatanassa vuttattā paripuṇṇaekaṅgayutto dvādasaṅgikavāro nāma. Catuttho pana paripuṇṇadvādasaṅgikoyeva.
д̇ад̇т̇а сияаа – аяамби чадтааяад̇анабажжаяаа пассод̇и вуд̇д̇ад̇д̇аа абарибун̣н̣зган̇г̇аяуд̇д̇оязваад̇и? на, д̇асса анан̇г̇ад̇д̇аа. пассоязва хзд̇т̇а ан̇г̇ам̣, на чадтааяад̇анам̣. д̇асмаа д̇асса анан̇г̇ад̇д̇аа нааяам̣ абарибун̣н̣зган̇г̇аяуд̇д̇од̇и. адтагат̇ааяам̣ бана вуд̇д̇ам̣ – ‘‘батамо саб̣б̣асан̇г̇аахигадтзна , д̣̇уд̇ияо бажжаяависзсадтзна, д̇ад̇ияо г̇аб̣бхасзяяагасад̇д̇аанам̣ васзна, жад̇уд̇т̇о обабаад̇игасад̇д̇аанам̣ васзна г̇ахид̇о. д̇ат̇аа батамо саб̣б̣асан̇г̇аахигадтзна, д̣̇уд̇ияо бажжаяависзсадтзна, д̇ад̇ияо абарибун̣н̣ааяад̇анавасзна, жад̇уд̇т̇о барибун̣н̣ааяад̇анавасзна г̇ахид̇о. д̇ат̇аа батамо саб̣б̣асан̇г̇аахигадтзна, д̣̇уд̇ияо махаанид̣̇аанасуд̇д̇анд̇авасзна (д̣̇ий. ни. 2.95 аад̣̇аяо), д̇ад̇ияо руубабхававасзна, жад̇уд̇т̇о гаамабхававасзна г̇ахид̇о’’д̇и.
Tattha siyā – ayampi chaṭṭhāyatanapaccayā phassoti vuttattā aparipuṇṇekaṅgayuttoyevāti? Na, tassa anaṅgattā. Phassoyeva hettha aṅgaṃ, na chaṭṭhāyatanaṃ. Tasmā tassa anaṅgattā nāyaṃ aparipuṇṇekaṅgayuttoti. Aṭṭhakathāyaṃ pana vuttaṃ – ‘‘paṭhamo sabbasaṅgāhikaṭṭhena , dutiyo paccayavisesaṭṭhena, tatiyo gabbhaseyyakasattānaṃ vasena, catuttho opapātikasattānaṃ vasena gahito. Tathā paṭhamo sabbasaṅgāhikaṭṭhena, dutiyo paccayavisesaṭṭhena, tatiyo aparipuṇṇāyatanavasena, catuttho paripuṇṇāyatanavasena gahito. Tathā paṭhamo sabbasaṅgāhikaṭṭhena, dutiyo mahānidānasuttantavasena (dī. ni. 2.95 ādayo), tatiyo rūpabhavavasena, catuttho kāmabhavavasena gahito’’ti.
д̇ад̇т̇а батамо имзсу д̣̇уд̇ияаад̣̇ийсу д̇ийсу ваарзсу на гад̇т̇ажи на бависад̇ийд̇и саб̣б̣асан̇г̇аахигод̇и вуд̇д̇о. сзсаанам̣ висзсо барад̇о аавибхависсад̇и. д̇ассаавибхаавад̇т̇ам̣ –
Tattha paṭhamo imesu dutiyādīsu tīsu vāresu na katthaci na pavisatīti sabbasaṅgāhikoti vutto. Sesānaṃ viseso parato āvibhavissati. Tassāvibhāvatthaṃ –
яам̣ яад̇т̇а ан̃н̃ат̇аа вуд̇д̇ам̣, авуд̇д̇ан̃жааби яам̣ яахим̣;
Yaṃ yattha aññathā vuttaṃ, avuttañcāpi yaṃ yahiṃ;
яам̣ яат̇аа бажжаяо яасса, д̇ам̣ саб̣б̣амубалагкаяз.
Yaṃ yathā paccayo yassa, taṃ sabbamupalakkhaye.
д̇ад̇рааяам̣ наяо – ависзсзна д̇аава жад̇уусуби зд̇зсу суд̇д̇анд̇абхааж̇анияз вияа сан̇каараад̇и авад̇ваа сан̇каарод̇и вуд̇д̇ам̣, д̇ам̣ гасмаад̇и? згажид̇д̇агкан̣игад̇д̇аа. д̇ад̇ра хи наанаажид̇д̇агкан̣иго бажжаяаагааро вибхад̇д̇о. ид̇ха згажид̇д̇агкан̣иго аарад̣̇д̇хо. згажид̇д̇агкан̣з жа б̣ахуу жзд̇анаа на санд̇ийд̇и сан̇каараад̇и авад̇ваа сан̇каарод̇и вуд̇д̇ам̣.
Tatrāyaṃ nayo – avisesena tāva catūsupi etesu suttantabhājaniye viya saṅkhārāti avatvā saṅkhāroti vuttaṃ, taṃ kasmāti? Ekacittakkhaṇikattā. Tatra hi nānācittakkhaṇiko paccayākāro vibhatto. Idha ekacittakkhaṇiko āraddho. Ekacittakkhaṇe ca bahū cetanā na santīti saṅkhārāti avatvā saṅkhāroti vuttaṃ.
батамаваарз банзд̇т̇а згажид̇д̇агкан̣абарияаабаннад̇хаммасан̇г̇ахан̣ад̇о саб̣б̣адтаанасаад̇хааран̣ад̇о жа руубам̣ чад̣д̣зд̇ваа ‘‘вин̃н̃аан̣абажжаяаа наама’’нд̇взва вуд̇д̇ам̣. д̇ан̃хи згажид̇д̇агкан̣абарияаабаннам̣ саб̣б̣адтаанасаад̇хааран̣ан̃жа, на гад̇т̇ажи вин̃н̃аан̣аббавад̇д̇идтаанз на бавад̇д̇ад̇и. яасмаа жа згажид̇д̇агкан̣абарияаабанно зговзд̇т̇а пассо, д̇асмаа д̇ассаануруубам̣ бажжаяабхууд̇ам̣ ааяад̇анам̣ г̇ан̣ханд̇о сал̣ааяад̇анадтаанз ‘‘наамабажжаяаа чадтааяад̇ана’’нд̇и згам̣ манааяад̇анам̣язва ааха. д̇ан̃хи згасса агусалапассасса ануруубам̣ бажжаяабхууд̇ам̣. гааман̃жзд̇ам̣ сан̇каарабажжаяаа вин̃н̃аан̣анд̇и зд̇т̇ааби вуд̇д̇ам̣, хзд̇упалависзсад̣̇ассанад̇т̇ам̣ бана ан̇г̇абун̣н̣ад̇т̇ан̃жа буна ид̇ха г̇ахид̇ам̣. д̇ад̇ра хи зд̇асса висзсзна сан̇кааро хзд̇у, ависзсзна наамам̣ палам̣. ид̇ха банасса ависзсзна наамам̣ хзд̇у, висзсзна пассо паланд̇и. согаад̣̇аяо бана яасмаа саб̣б̣з згажид̇д̇агкан̣з на самбхаванд̇и, саб̣б̣асмин̃жа жид̇д̇аббавад̇д̇идтаанз жзва жид̇д̇з жа на бавад̇д̇анд̇и, д̇асмаа на г̇ахид̇аа. ж̇аад̇иж̇араамаран̣аани бана ажид̇д̇агкан̣амад̇д̇ааниби самаанаани жид̇д̇агкан̣з анд̇ог̇ад̇хад̇д̇аа ан̇г̇абарибууран̣ад̇т̇ам̣ г̇ахид̇аани. звам̣ д̇аавзд̇т̇а ‘яам̣ ан̃н̃ат̇аа вуд̇д̇ам̣. яан̃жа авуд̇д̇ам̣’ д̇ам̣ взд̣̇ид̇аб̣б̣ам̣.
Paṭhamavāre panettha ekacittakkhaṇapariyāpannadhammasaṅgahaṇato sabbaṭṭhānasādhāraṇato ca rūpaṃ chaḍḍetvā ‘‘viññāṇapaccayā nāma’’ntveva vuttaṃ. Tañhi ekacittakkhaṇapariyāpannaṃ sabbaṭṭhānasādhāraṇañca, na katthaci viññāṇappavattiṭṭhāne na pavattati. Yasmā ca ekacittakkhaṇapariyāpanno ekovettha phasso, tasmā tassānurūpaṃ paccayabhūtaṃ āyatanaṃ gaṇhanto saḷāyatanaṭṭhāne ‘‘nāmapaccayā chaṭṭhāyatana’’nti ekaṃ manāyatanaṃyeva āha. Tañhi ekassa akusalaphassassa anurūpaṃ paccayabhūtaṃ. Kāmañcetaṃ saṅkhārapaccayā viññāṇanti etthāpi vuttaṃ, hetuphalavisesadassanatthaṃ pana aṅgapuṇṇatthañca puna idha gahitaṃ. Tatra hi etassa visesena saṅkhāro hetu, avisesena nāmaṃ phalaṃ. Idha panassa avisesena nāmaṃ hetu, visesena phasso phalanti. Sokādayo pana yasmā sabbe ekacittakkhaṇe na sambhavanti, sabbasmiñca cittappavattiṭṭhāne ceva citte ca na pavattanti, tasmā na gahitā. Jātijarāmaraṇāni pana acittakkhaṇamattānipi samānāni cittakkhaṇe antogadhattā aṅgaparipūraṇatthaṃ gahitāni. Evaṃ tāvettha ‘yaṃ aññathā vuttaṃ. Yañca avuttaṃ’ taṃ veditabbaṃ.
яам̣ банзд̇т̇а ид̇о барзсу ваарзсу вуд̇д̇ам̣, д̇ассад̇т̇о вуд̇д̇анаязнзва взд̣̇ид̇аб̣б̣о. яасмим̣ яасмим̣ бана ваарз яо яо висзсо ааг̇ад̇о, д̇ам̣ д̇ам̣ д̇ад̇т̇а д̇ад̇т̇зва багаасаяиссаама.
Yaṃ panettha ito paresu vāresu vuttaṃ, tassattho vuttanayeneva veditabbo. Yasmiṃ yasmiṃ pana vāre yo yo viseso āgato, taṃ taṃ tattha tattheva pakāsayissāma.
‘яам̣ яат̇аа бажжаяо яассаа’д̇и зд̇т̇а бана сан̇каарасса авиж̇ж̇аа самбаяуд̇д̇ад̇хаммасаад̇хааран̣зхи сахаж̇аад̇аан̃н̃аман̃н̃аниссаяасамбаяуд̇д̇аад̇т̇иавиг̇ад̇абажжаязхи чахи хзд̇убажжаязна жаад̇и сад̇д̇ад̇хаа бажжаяо. д̇ад̇т̇а яасмаа барад̇о хзд̇ужад̇уггаад̣̇ийни д̇ийн̣и жад̇уггаани авиг̇ад̇асамбаяуд̇д̇аан̃н̃аман̃н̃абажжаяавасзна вуд̇д̇аани, д̇асмаа ид̇ха д̇аани абанзд̇ваа авасзсаанам̣ васзна авиж̇ж̇аа сан̇каарасса жад̇уд̇хаа бажжаяод̇и взд̣̇ид̇аб̣б̣о.
‘Yaṃ yathā paccayo yassā’ti ettha pana saṅkhārassa avijjā sampayuttadhammasādhāraṇehi sahajātaaññamaññanissayasampayuttaatthiavigatapaccayehi chahi hetupaccayena cāti sattadhā paccayo. Tattha yasmā parato hetucatukkādīni tīṇi catukkāni avigatasampayuttaaññamaññapaccayavasena vuttāni, tasmā idha tāni apanetvā avasesānaṃ vasena avijjā saṅkhārassa catudhā paccayoti veditabbo.
сан̇кааро вин̃н̃аан̣асса саад̇хааран̣зхи чахи, гаммаахаарабажжаязхи жаад̇и адтад̇хаа бажжаяо. ид̇ха бана д̇зязва д̇аяо абанзд̇ваа бан̃жад̇хаа. вин̃н̃аан̣ам̣ наамасса саад̇хааран̣зхи чахи, инд̣̇рияаахаараад̇хибад̇ийхи жаад̇и навад̇хаа. ид̇ха бана д̇аяо абанзд̇ваа чад̇хаа. наамам̣ чадтааяад̇анасса саад̇хааран̣зхи чахи. гин̃жи банзд̇т̇а ад̇хибад̇ибажжаязна, гин̃жи аахаарабажжаяаад̣̇ийхийд̇и анзгад̇хаа. ид̇ха бана д̇зязва д̇аяо абанзд̇ваа д̇ид̇хаа жад̇уд̇хаа бан̃жад̇хаа ваа. чадтааяад̇анам̣ пассасса яат̇аа вин̃н̃аан̣ам̣ наамасса. звам̣ пассо взд̣̇анааяа саад̇хааран̣зхи чахи аахаарабажжаязна жаад̇и сад̇д̇ад̇хаа. ид̇ха бана д̇зязва д̇аяо абанзд̇ваа жад̇уд̇хаа. взд̣̇анаа д̇ан̣хааяа саад̇хааран̣зхи чахи жхаанинд̣̇рияабажжаязхи жаад̇и адтад̇хаа. ид̇ха бана д̇зязва д̇аяо абанзд̇ваа бан̃жад̇хаа. д̇ан̣хаа убаад̣̇аанасса, яат̇аа авиж̇ж̇аа сан̇каарасса. звам̣ убаад̣̇аанам̣ бхавасса саад̇хааран̣зхи чахи маг̇г̇абажжаязна жаад̇и сад̇д̇ад̇хаа. ид̇ха бана д̇зязва д̇аяо абанзд̇ваа жад̇уд̇хаа. бхаво ж̇аад̇ияаа, яасмаа ж̇аад̇ийд̇и ид̇ха сан̇кад̇алагкан̣ам̣ ад̇хиббзд̇ам̣, д̇асмаа барияааязна убаниссаяабажжаязнзва бажжаяо. д̇ат̇аа ж̇аад̇и ж̇араамаран̣ассаад̇и.
Saṅkhāro viññāṇassa sādhāraṇehi chahi, kammāhārapaccayehi cāti aṭṭhadhā paccayo. Idha pana teyeva tayo apanetvā pañcadhā. Viññāṇaṃ nāmassa sādhāraṇehi chahi, indriyāhārādhipatīhi cāti navadhā. Idha pana tayo apanetvā chadhā. Nāmaṃ chaṭṭhāyatanassa sādhāraṇehi chahi. Kiñci panettha adhipatipaccayena, kiñci āhārapaccayādīhīti anekadhā. Idha pana teyeva tayo apanetvā tidhā catudhā pañcadhā vā. Chaṭṭhāyatanaṃ phassassa yathā viññāṇaṃ nāmassa. Evaṃ phasso vedanāya sādhāraṇehi chahi āhārapaccayena cāti sattadhā. Idha pana teyeva tayo apanetvā catudhā. Vedanā taṇhāya sādhāraṇehi chahi jhānindriyapaccayehi cāti aṭṭhadhā. Idha pana teyeva tayo apanetvā pañcadhā. Taṇhā upādānassa, yathā avijjā saṅkhārassa. Evaṃ upādānaṃ bhavassa sādhāraṇehi chahi maggapaccayena cāti sattadhā. Idha pana teyeva tayo apanetvā catudhā. Bhavo jātiyā, yasmā jātīti idha saṅkhatalakkhaṇaṃ adhippetaṃ, tasmā pariyāyena upanissayapaccayeneva paccayo. Tathā jāti jarāmaraṇassāti.
яз бана звам̣ вад̣̇анд̇и – ‘‘имасмим̣ жад̇уггз саб̣б̣зсамби сан̇каараад̣̇ийнам̣ авиж̇ж̇аад̣̇аяо сахаж̇аад̇абажжаязна бажжаяаа хонд̇и. сахаж̇аад̇абажжаяавасзнзва хи батамавааро аарад̣̇д̇хо’’д̇и, д̇з бхаваад̣̇ийнам̣ д̇ат̇аа абхаавам̣ сзсабажжаяаанан̃жа самбхавам̣ д̣̇ассзд̇ваа бадигкибид̇аб̣б̣аа. на хи бхаво ж̇аад̇ияаа сахаж̇аад̇абажжаяо ход̇и, на ж̇аад̇и ж̇араамаран̣асса. яз жзд̇зсам̣ сан̇караад̣̇ийнам̣ авасзсаа бажжаяаа вуд̇д̇аа, д̇зби самбхаванд̇иязва. д̇асмаа на саггаа чад̣д̣зд̇унд̇и. звам̣ д̇аава батамаваарз яам̣ яад̇т̇а ан̃н̃ат̇аа вуд̇д̇ам̣, авуд̇д̇ан̃жааби яам̣ яахим̣, яан̃жа яат̇аа яасса бажжаяо ход̇и, д̇ам̣ взд̣̇ид̇аб̣б̣ам̣. д̣̇уд̇ияаваараад̣̇ийсуби зсзва наяо.
Ye pana evaṃ vadanti – ‘‘imasmiṃ catukke sabbesampi saṅkhārādīnaṃ avijjādayo sahajātapaccayena paccayā honti. Sahajātapaccayavaseneva hi paṭhamavāro āraddho’’ti, te bhavādīnaṃ tathā abhāvaṃ sesapaccayānañca sambhavaṃ dassetvā paṭikkhipitabbā. Na hi bhavo jātiyā sahajātapaccayo hoti, na jāti jarāmaraṇassa. Ye cetesaṃ saṅkharādīnaṃ avasesā paccayā vuttā, tepi sambhavantiyeva. Tasmā na sakkā chaḍḍetunti. Evaṃ tāva paṭhamavāre yaṃ yattha aññathā vuttaṃ, avuttañcāpi yaṃ yahiṃ, yañca yathā yassa paccayo hoti, taṃ veditabbaṃ. Dutiyavārādīsupi eseva nayo.
аяам̣ бана висзсо – д̣̇уд̇ияаваарз ‘‘наамабажжаяаа пассо’’д̇и вад̇ваа сал̣ааяад̇анадтаанз на гин̃жи вуд̇д̇ам̣, д̇ам̣ гимад̇т̇анд̇и? бажжаяависзсад̣̇ассанад̇т̇ан̃жзва махаанид̣̇аанад̣̇зсанаасан̇г̇ахад̇т̇ан̃жа. пассасса хи на гзвалан̃жа чадтааяад̇анамзва бажжаяо, взд̣̇анаагканд̇хаад̣̇аяо бана д̇аяо канд̇хааби бажжаяааязва. махаанид̣̇аанасуд̇д̇анд̇з жасса ‘‘ад̇т̇и ид̣̇аббажжаяаа пассод̇и ид̇и будтзна сад̇аа, аананд̣̇а, ад̇т̇ийд̇исса важанийяам̣. гим̣ бажжаяаа пассод̇и? ид̇и жз вад̣̇зяяа, наамабажжаяаа пассод̇и ижжасса важанийяа’’нд̇и (д̣̇ий. ни. 2.96). звам̣ сал̣ааяад̇анам̣ чад̣д̣зд̇ваа згаад̣̇асан̇г̇иго бадижжасамуббаад̣̇о вуд̇д̇о. д̇асмаа имасса бажжаяависзсасса д̣̇ассанад̇т̇ам̣ имиссаа жа махаанид̣̇аанасуд̇д̇анд̇ад̣̇зсанааяа бариг̇г̇ахад̇т̇ам̣ д̣̇уд̇ияаваарз ‘‘наамабажжаяаа пассо’’д̇и вад̇ваа сал̣ааяад̇анадтаанз на гин̃жи вуд̇д̇анд̇и. зса д̇аава д̣̇уд̇ияаваарз висзсо.
Ayaṃ pana viseso – dutiyavāre ‘‘nāmapaccayā phasso’’ti vatvā saḷāyatanaṭṭhāne na kiñci vuttaṃ, taṃ kimatthanti? Paccayavisesadassanatthañceva mahānidānadesanāsaṅgahatthañca. Phassassa hi na kevalañca chaṭṭhāyatanameva paccayo, vedanākkhandhādayo pana tayo khandhāpi paccayāyeva. Mahānidānasuttante cassa ‘‘atthi idappaccayā phassoti iti puṭṭhena satā, ānanda, atthītissa vacanīyaṃ. Kiṃ paccayā phassoti? Iti ce vadeyya, nāmapaccayā phassoti iccassa vacanīya’’nti (dī. ni. 2.96). Evaṃ saḷāyatanaṃ chaḍḍetvā ekādasaṅgiko paṭiccasamuppādo vutto. Tasmā imassa paccayavisesassa dassanatthaṃ imissā ca mahānidānasuttantadesanāya pariggahatthaṃ dutiyavāre ‘‘nāmapaccayā phasso’’ti vatvā saḷāyatanaṭṭhāne na kiñci vuttanti. Esa tāva dutiyavāre viseso.
д̇ад̇ияаваарз бана ‘‘вин̃н̃аан̣абажжаяаа наамарууба’’нд̇и суд̇д̇анд̇абхааж̇анийяз ааг̇ад̇амзва жад̇уд̇т̇аман̇г̇ам̣ вуд̇д̇ам̣, д̇ам̣ згажид̇д̇агкан̣игад̇д̇аа бажжаяаагаарасса ид̇ха аяуд̇д̇анд̇и жз? д̇ам̣ нааяуд̇д̇ам̣. гасмаа? сагагкан̣з бажжаяабхаавад̇о. сажзби хи д̇ад̇т̇а руубам̣ жид̇д̇агкан̣ад̇о уд̣̇д̇хам̣ д̇идтад̇и, д̇ат̇аабисса д̇ам̣ вин̃н̃аан̣ам̣ сагагкан̣з бажжаяо ход̇и. гат̇ам̣? бурзж̇аад̇асса д̇аава жид̇д̇асамудтаанасса ан̃н̃асса ваа бажчааж̇аад̇абажжаязна. вуд̇д̇ан̃жзд̇ам̣ ‘‘бажчааж̇аад̇аа жид̇д̇ажзд̇асигаа д̇хаммаа бурзж̇аад̇асса имасса гааяасса бажчааж̇аад̇абажжаязна бажжаяо’’д̇и (бадтаа. 1.1.11). сахаж̇аад̇асса бана жид̇д̇асамудтаанасса ниссаяабажжаязна бажжаяо. яат̇ааха ‘‘жид̇д̇ажзд̇асигаа д̇хаммаа жид̇д̇асамудтаанаанам̣ руубаанам̣ ниссаяабажжаязна бажжаяо’’д̇и (бадтаа. 1.1.8).
Tatiyavāre pana ‘‘viññāṇapaccayā nāmarūpa’’nti suttantabhājanīye āgatameva catutthamaṅgaṃ vuttaṃ, taṃ ekacittakkhaṇikattā paccayākārassa idha ayuttanti ce? Taṃ nāyuttaṃ. Kasmā? Sakakkhaṇe paccayabhāvato. Sacepi hi tattha rūpaṃ cittakkhaṇato uddhaṃ tiṭṭhati, tathāpissa taṃ viññāṇaṃ sakakkhaṇe paccayo hoti. Kathaṃ? Purejātassa tāva cittasamuṭṭhānassa aññassa vā pacchājātapaccayena. Vuttañcetaṃ ‘‘pacchājātā cittacetasikā dhammā purejātassa imassa kāyassa pacchājātapaccayena paccayo’’ti (paṭṭhā. 1.1.11). Sahajātassa pana cittasamuṭṭhānassa nissayapaccayena paccayo. Yathāha ‘‘cittacetasikā dhammā cittasamuṭṭhānānaṃ rūpānaṃ nissayapaccayena paccayo’’ti (paṭṭhā. 1.1.8).
яад̣̇и звам̣, буримаваарзсу гасмаа звам̣ на вуд̇д̇анд̇и ? руубаббавад̇д̇ид̣̇зсам̣ санд̇хааяа д̣̇зсид̇ад̇д̇аа. аяан̃хи бажжаяаагааро руубаббавад̇д̇ид̣̇зсз гаамабхавз г̇аб̣бхасзяяагаанан̃жзва абарибун̣н̣ааяад̇анаобабаад̇игаанан̃жа руубааважарад̣̇зваанан̃жа васзна д̣̇зсид̇о. д̇знзвзд̇т̇а ‘‘наамаруубабажжаяаа сал̣ааяад̇ана’’нд̇и авад̇ваа чадтааяад̇ананд̇и вуд̇д̇ам̣. д̇ад̇т̇а наамам̣ хздтаа вуд̇д̇анаяамзва. руубам̣ бана хад̣̇аяаруубам̣ взд̣̇ид̇аб̣б̣ам̣. д̇ам̣ банзд̇асса чадтааяад̇анасса ниссаяабажжаязна жзва бурзж̇аад̇абажжаязна жаад̇и д̣̇вид̇хаа бажжаяо ход̇ийд̇и зса д̇ад̇ияаваарз висзсо.
Yadi evaṃ, purimavāresu kasmā evaṃ na vuttanti ? Rūpappavattidesaṃ sandhāya desitattā. Ayañhi paccayākāro rūpappavattidese kāmabhave gabbhaseyyakānañceva aparipuṇṇāyatanaopapātikānañca rūpāvacaradevānañca vasena desito. Tenevettha ‘‘nāmarūpapaccayā saḷāyatana’’nti avatvā chaṭṭhāyatananti vuttaṃ. Tattha nāmaṃ heṭṭhā vuttanayameva. Rūpaṃ pana hadayarūpaṃ veditabbaṃ. Taṃ panetassa chaṭṭhāyatanassa nissayapaccayena ceva purejātapaccayena cāti dvidhā paccayo hotīti esa tatiyavāre viseso.
жад̇уд̇т̇авааро бана яонивасзна обабаад̇игаанам̣, ааяад̇анавасзна барибун̣н̣ааяад̇анаанам̣, бхававасзна гаамааважарасад̇д̇аанам̣ васзна вуд̇д̇о. д̇знзвзд̇т̇а ‘‘наамаруубабажжаяаа сал̣ааяад̇ана’’нд̇и вуд̇д̇ам̣. д̇ад̇т̇а наамам̣ чадтааяад̇анасса сахаж̇аад̇аад̣̇ийхи, жагкааяад̇анаад̣̇ийнам̣ бажчааж̇аад̇абажжаязна. руубз хад̣̇аяаруубам̣ чадтааяад̇анасса ниссаяабажжаяабурзж̇аад̇абажжаязхи, жад̇д̇аари махаабхууд̇аани жагкааяад̇анаад̣̇ийнам̣ сахаж̇аад̇аниссаяаад̇т̇иавиг̇ад̇зхи. яасмаа банзса згажид̇д̇агкан̣иго бажжаяаагааро, д̇асмаа зд̇т̇а сал̣ааяад̇анабажжаяаад̇и авад̇ваа ‘‘чадтааяад̇анабажжаяаа пассо’’д̇и вуд̇д̇од̇и аяам̣ жад̇уд̇т̇аваарз висзсо.
Catutthavāro pana yonivasena opapātikānaṃ, āyatanavasena paripuṇṇāyatanānaṃ, bhavavasena kāmāvacarasattānaṃ vasena vutto. Tenevettha ‘‘nāmarūpapaccayā saḷāyatana’’nti vuttaṃ. Tattha nāmaṃ chaṭṭhāyatanassa sahajātādīhi, cakkhāyatanādīnaṃ pacchājātapaccayena. Rūpe hadayarūpaṃ chaṭṭhāyatanassa nissayapaccayapurejātapaccayehi, cattāri mahābhūtāni cakkhāyatanādīnaṃ sahajātanissayaatthiavigatehi. Yasmā panesa ekacittakkhaṇiko paccayākāro, tasmā ettha saḷāyatanapaccayāti avatvā ‘‘chaṭṭhāyatanapaccayā phasso’’ti vuttoti ayaṃ catutthavāre viseso.
звамзд̇зсам̣ наанаагаран̣ам̣ н̃ад̇ваа буна саб̣б̣зсвзва д̇зсу висзсзна батамагаа д̣̇вз ваараа аруубабхавз бажжаяаагаарад̣̇ассанад̇т̇ам̣ вуд̇д̇аад̇и взд̣̇ид̇аб̣б̣аа. аруубабхавасмин̃хи руубзна асаммиссаани бадижжасамуббаад̣̇ан̇г̇аани бавад̇д̇анд̇и. д̇ад̇ияо руубабхавз бажжаяаагаарад̣̇ассанад̇т̇ам̣ вуд̇д̇о. руубабхавасмин̃хи сад̇иби руубасаммиссад̇д̇з сал̣ааяад̇анам̣ на бавад̇д̇ад̇и. жад̇уд̇т̇о гаамабхавз бажжаяаагаарад̣̇ассанад̇т̇ам̣ вуд̇д̇о. гаамабхавасмин̃хи сагалам̣ сал̣ааяад̇анам̣ бавад̇д̇ад̇и. д̇ад̇ияо ваа руубабхавз жзва гаамабхавз жа абарибун̣н̣ааяад̇анаанам̣ агусалаббавад̇д̇игкан̣ам̣ санд̇хааяа вуд̇д̇о. жад̇уд̇т̇о ваа гаамабхавз барибун̣н̣ааяад̇анаанам̣. батамо ваа саб̣б̣ад̇т̇аг̇аамид̇ам̣ санд̇хааяа вуд̇д̇о. со хи на гад̇т̇ажи жид̇д̇аббавад̇д̇ид̣̇зсз на бавад̇д̇ад̇и. д̣̇уд̇ияо бажжаяависзсам̣ санд̇хааяа вуд̇д̇о. згаад̣̇асан̇г̇игад̇д̇ан̃хзд̇т̇а пассасса жа наамабажжаяад̇д̇ам̣ бажжаяависзсо. д̇ад̇ияо буримаяонид̣̇ваяам̣ санд̇хааяа вуд̇д̇о. буримаасу хи д̣̇вийсу яонийсу со самбхавад̇и, д̇ад̇т̇а сад̣̇аа сал̣ааяад̇анасса асамбхавад̇о. жад̇уд̇т̇о бажчимаяонид̣̇ваяам̣ санд̇хааяа вуд̇д̇о. бажчимаасу хи со д̣̇вийсу яонийсу самбхавад̇и, д̇ад̇т̇а сад̣̇аа сал̣ааяад̇анасса самбхавад̇од̇и.
Evametesaṃ nānākaraṇaṃ ñatvā puna sabbesveva tesu visesena paṭhamakā dve vārā arūpabhave paccayākāradassanatthaṃ vuttāti veditabbā. Arūpabhavasmiñhi rūpena asammissāni paṭiccasamuppādaṅgāni pavattanti. Tatiyo rūpabhave paccayākāradassanatthaṃ vutto. Rūpabhavasmiñhi satipi rūpasammissatte saḷāyatanaṃ na pavattati. Catuttho kāmabhave paccayākāradassanatthaṃ vutto. Kāmabhavasmiñhi sakalaṃ saḷāyatanaṃ pavattati. Tatiyo vā rūpabhave ceva kāmabhave ca aparipuṇṇāyatanānaṃ akusalappavattikkhaṇaṃ sandhāya vutto. Catuttho vā kāmabhave paripuṇṇāyatanānaṃ. Paṭhamo vā sabbatthagāmitaṃ sandhāya vutto. So hi na katthaci cittappavattidese na pavattati. Dutiyo paccayavisesaṃ sandhāya vutto. Ekādasaṅgikattañhettha phassassa ca nāmapaccayattaṃ paccayaviseso. Tatiyo purimayonidvayaṃ sandhāya vutto. Purimāsu hi dvīsu yonīsu so sambhavati, tattha sadā saḷāyatanassa asambhavato. Catuttho pacchimayonidvayaṃ sandhāya vutto. Pacchimāsu hi so dvīsu yonīsu sambhavati, tattha sadā saḷāyatanassa sambhavatoti.
зд̇д̇аавад̇аа жа яам̣ вуд̇д̇ам̣ жад̇уусуби ваарзсу –
Ettāvatā ca yaṃ vuttaṃ catūsupi vāresu –
яам̣ яад̇т̇а ан̃н̃ат̇аа вуд̇д̇ам̣, авуд̇д̇ан̃жааби яам̣ яахим̣;
Yaṃ yattha aññathā vuttaṃ, avuttañcāpi yaṃ yahiṃ;
яам̣ яат̇аа бажжаяо яасса, д̇ам̣ саб̣б̣амубалагкаязд̇и.
Yaṃ yathā paccayo yassa, taṃ sabbamupalakkhayeti.
г̇аат̇ааяа ад̇т̇ад̣̇ийбанаа гад̇аа ход̇и.
Gāthāya atthadīpanā katā hoti.
зд̇знзваанусаарзна, саб̣б̣амзд̇ам̣ наяам̣ ид̇о;
Etenevānusārena, sabbametaṃ nayaṃ ito;
висзсо яо жа д̇ам̣ ж̇ан̃н̃аа, жад̇уггзсу барзсуби.
Viseso yo ca taṃ jaññā, catukkesu paresupi.
2. хзд̇ужад̇уггам̣
2. Hetucatukkaṃ
244. д̇ад̇т̇а яо д̇аава ид̇ха вуд̇д̇о наяо, со саб̣б̣ад̇т̇а баагадоязва. висзсо бана звам̣ взд̣̇ид̇аб̣б̣о – хзд̇ужад̇уггз д̇аава авиж̇ж̇аа хзд̇у ассаад̇и авиж̇ж̇аахзд̇уго. авиж̇ж̇аа асса сахавад̇д̇анад̇о яаавабхан̇г̇аа бавад̇д̇игаа г̇амигаад̇и вуд̇д̇ам̣ ход̇и. ‘‘авиж̇ж̇аабажжаяаа’’д̇и жа зд̇д̇аавад̇аа сахаж̇аад̇аад̣̇ибажжаяавасзна саад̇хааран̣ад̇о сан̇каарасса авиж̇ж̇аа бажжаяод̇и д̣̇ассзд̇ваа, буна ‘‘авиж̇ж̇аахзд̇уго’’д̇и зд̇знзва висзсад̇о авиг̇ад̇абажжаяад̇аа д̣̇ассид̇аа. сан̇каарабажжаяаа вин̃н̃аан̣ам̣ сан̇каарахзд̇уганд̇иаад̣̇ийсуби зсзва наяо.
244. Tattha yo tāva idha vutto nayo, so sabbattha pākaṭoyeva. Viseso pana evaṃ veditabbo – hetucatukke tāva avijjā hetu assāti avijjāhetuko. Avijjā assa sahavattanato yāvabhaṅgā pavattikā gamikāti vuttaṃ hoti. ‘‘Avijjāpaccayā’’ti ca ettāvatā sahajātādipaccayavasena sādhāraṇato saṅkhārassa avijjā paccayoti dassetvā, puna ‘‘avijjāhetuko’’ti eteneva visesato avigatapaccayatā dassitā. Saṅkhārapaccayā viññāṇaṃ saṅkhārahetukantiādīsupi eseva nayo.
гасмаа бана бхаваад̣̇ийсу хзд̇угаг̇г̇ахан̣ам̣ на гад̇анд̇и? авиг̇ад̇абажжаяанияамаабхаавад̇о абхаавад̇о жа авиг̇ад̇абажжаяасса. ‘‘д̇ад̇т̇а гад̇амо убаад̣̇аанабажжаяаа бхаво? табзд̇ваа убаад̣̇аанам̣ взд̣̇анаагканд̇хо сан̃н̃аагканд̇хо сан̇каарагканд̇хо вин̃н̃аан̣агканд̇хо – аяам̣ вужжад̇и убаад̣̇аанабажжаяаа бхаво’’д̇и важанад̇о убаад̣̇аанабажжаяаа жад̇уннам̣ канд̇хаанам̣ ид̇ха бхавод̇и наамам̣. сан̇каарагканд̇хз жа ‘‘ж̇аад̇и д̣̇вийхи канд̇хзхи сан̇г̇ахид̇аа’’д̇иаад̣̇иважанад̇о (д̇хаад̇у. 71) ж̇аад̇иж̇араамаран̣аани анд̇ог̇ад̇хаани.
Kasmā pana bhavādīsu hetukaggahaṇaṃ na katanti? Avigatapaccayaniyamābhāvato abhāvato ca avigatapaccayassa. ‘‘Tattha katamo upādānapaccayā bhavo? Ṭhapetvā upādānaṃ vedanākkhandho saññākkhandho saṅkhārakkhandho viññāṇakkhandho – ayaṃ vuccati upādānapaccayā bhavo’’ti vacanato upādānapaccayā catunnaṃ khandhānaṃ idha bhavoti nāmaṃ. Saṅkhārakkhandhe ca ‘‘jāti dvīhi khandhehi saṅgahitā’’tiādivacanato (dhātu. 71) jātijarāmaraṇāni antogadhāni.
д̇ад̇т̇а яаава убаад̣̇аанам̣ д̇аава ж̇аад̇иж̇араамаран̣аанам̣ анубалаб̣бханад̇о убаад̣̇аанам̣ бхавасса на нияамад̇о авиг̇ад̇абажжаяо ход̇и. ‘‘яаа д̇зсам̣ д̇зсам̣ д̇хаммаанам̣ ж̇аад̇ий’’д̇и аад̣̇иважанад̇о сан̇кад̇алагкан̣зсу ж̇аад̇ияаа ж̇араамаран̣асан̇каад̇асса бхавасса ж̇аад̇игкан̣амад̇д̇зязва абхаавад̇о авиг̇ад̇абажжаяабхааво на самбхавад̇и. д̇ат̇аа ж̇аад̇ияаа ж̇араамаран̣агкан̣з абхаавад̇о . убаниссаяабажжаязнзва бана бхаво ж̇аад̇ияаа. ж̇аад̇и ж̇араамаран̣асса бажжаяод̇и саб̣б̣ат̇ааби авиг̇ад̇абажжаяанияамаабхаавад̇о абхаавад̇о жа авиг̇ад̇абажжаяасса бхаваад̣̇ийсу хзд̇угаг̇г̇ахан̣ам̣ на гад̇анд̇и взд̣̇ид̇аб̣б̣ам̣.
Tattha yāva upādānaṃ tāva jātijarāmaraṇānaṃ anupalabbhanato upādānaṃ bhavassa na niyamato avigatapaccayo hoti. ‘‘Yā tesaṃ tesaṃ dhammānaṃ jātī’’ti ādivacanato saṅkhatalakkhaṇesu jātiyā jarāmaraṇasaṅkhātassa bhavassa jātikkhaṇamatteyeva abhāvato avigatapaccayabhāvo na sambhavati. Tathā jātiyā jarāmaraṇakkhaṇe abhāvato . Upanissayapaccayeneva pana bhavo jātiyā. Jāti jarāmaraṇassa paccayoti sabbathāpi avigatapaccayaniyamābhāvato abhāvato ca avigatapaccayassa bhavādīsu hetukaggahaṇaṃ na katanti veditabbaṃ.
гзжи банааху – ‘‘бхаво д̣̇увид̇хзнаа’’д̇и важанад̇о убабад̇д̇имиссаго бхаво, на жа убабад̇д̇ибхавасса убаад̣̇аанам̣ авиг̇ад̇абажжаяо ход̇ийд̇и ‘‘убаад̣̇аанабажжаяаа бхаво убаад̣̇аанахзд̇уго’’д̇и авад̇ваа ‘‘убаад̣̇аанабажжаяаа бхаво’’д̇и вуд̇д̇о. ид̇ха бажчиннад̇д̇аа барад̇оби на вуд̇д̇анд̇и. д̇ам̣ ид̇ха убабад̇д̇имиссагасса бхавасса анад̇хиббзд̇ад̇д̇аа аяуд̇д̇ам̣. аруубагканд̇хаа хи ид̇ха бхавод̇и ааг̇ад̇аа.
Keci panāhu – ‘‘bhavo duvidhenā’’ti vacanato upapattimissako bhavo, na ca upapattibhavassa upādānaṃ avigatapaccayo hotīti ‘‘upādānapaccayā bhavo upādānahetuko’’ti avatvā ‘‘upādānapaccayā bhavo’’ti vutto. Idha pacchinnattā paratopi na vuttanti. Taṃ idha upapattimissakassa bhavassa anadhippetattā ayuttaṃ. Arūpakkhandhā hi idha bhavoti āgatā.
бхавабажжаяаа ж̇аад̇ийд̇и зд̇т̇а жа табзд̇ваа ж̇аад̇иж̇араамаран̣аани авасзсо бхаво ж̇аад̇ияаа бажжаяод̇и взд̣̇ид̇аб̣б̣о. гасмаа? ж̇аад̇иаад̣̇ийнам̣ ж̇аад̇ияаа аббажжаяад̇д̇аа. яад̣̇и звам̣, табзд̇ваа ж̇аад̇иж̇араамаран̣аани бхаво ж̇аад̇ияаа бажжаяод̇и вад̇д̇аб̣б̣од̇и? аама вад̇д̇аб̣б̣о, вад̇д̇аб̣б̣абад̣̇зсаабхаавад̇о бана на вуд̇д̇о. д̣̇асаман̇г̇анид̣̇д̣̇зсз хи убаад̣̇аанабажжаяасамбхууд̇о бхаво вад̇д̇аб̣б̣о. згаад̣̇асаман̇г̇анид̣̇д̣̇зсз ж̇аад̇и вад̇д̇аб̣б̣аа. яо бана бхаво ж̇аад̇ияаа бажжаяо, д̇асса вад̇д̇аб̣б̣абад̣̇зсо над̇т̇ийд̇и вад̇д̇аб̣б̣абад̣̇зсаабхаавад̇о на вуд̇д̇о. авуд̇д̇оби бана яуд̇д̇ид̇о г̇ахзд̇аб̣б̣од̇и. вин̃н̃аан̣абажжаяаа наамаруубанд̇иаад̣̇ийсу жа вин̃н̃аан̣аад̣̇ийнам̣ авиг̇ад̇абажжаяабхаавасамбхавад̇о вин̃н̃аан̣ахзд̇угаад̣̇иважанам̣ гад̇анд̇и зса хзд̇ужад̇уггз висзсо.
Bhavapaccayājātīti ettha ca ṭhapetvā jātijarāmaraṇāni avaseso bhavo jātiyā paccayoti veditabbo. Kasmā? Jātiādīnaṃ jātiyā appaccayattā. Yadi evaṃ, ṭhapetvā jātijarāmaraṇāni bhavo jātiyā paccayoti vattabboti? Āma vattabbo, vattabbapadesābhāvato pana na vutto. Dasamaṅganiddese hi upādānapaccayasambhūto bhavo vattabbo. Ekādasamaṅganiddese jāti vattabbā. Yo pana bhavo jātiyā paccayo, tassa vattabbapadeso natthīti vattabbapadesābhāvato na vutto. Avuttopi pana yuttito gahetabboti. Viññāṇapaccayā nāmarūpantiādīsu ca viññāṇādīnaṃ avigatapaccayabhāvasambhavato viññāṇahetukādivacanaṃ katanti esa hetucatukke viseso.
3. самбаяуд̇д̇ажад̇уггам̣
3. Sampayuttacatukkaṃ
245. самбаяуд̇д̇ажад̇уггзби авиж̇ж̇аабажжаяаад̇и зд̇д̇аавад̇аа сахаж̇аад̇аад̣̇ибажжаяавасзна сан̇каарасса авиж̇ж̇аабажжаяад̇ам̣ д̣̇ассзд̇ваа буна ‘‘авиж̇ж̇аасамбаяуд̇д̇о’’д̇и самбаяуд̇д̇абажжаяад̇аа д̣̇ассид̇аа. сзсабад̣̇зсуби зсзва наяо. яасмаа бана аруубийнам̣ д̇хаммаанам̣ руубад̇хаммзхи самбаяог̇о над̇т̇и, д̇асмаа вин̃н̃аан̣абажжаяаа наамаруубанд̇иаад̣̇ийсу д̇ад̇ияажад̇уд̇т̇аваарабад̣̇зсу ‘‘вин̃н̃аан̣асамбаяуд̇д̇ам̣ наама’’нд̇иаад̣̇инаа наязна яам̣ лаб̣бхад̇и, д̇ад̣̇зва г̇ахид̇анд̇и зса самбаяуд̇д̇ажад̇уггз висзсо.
245. Sampayuttacatukkepi avijjāpaccayāti ettāvatā sahajātādipaccayavasena saṅkhārassa avijjāpaccayataṃ dassetvā puna ‘‘avijjāsampayutto’’ti sampayuttapaccayatā dassitā. Sesapadesupi eseva nayo. Yasmā pana arūpīnaṃ dhammānaṃ rūpadhammehi sampayogo natthi, tasmā viññāṇapaccayā nāmarūpantiādīsu tatiyacatutthavārapadesu ‘‘viññāṇasampayuttaṃ nāma’’ntiādinā nayena yaṃ labbhati, tadeva gahitanti esa sampayuttacatukke viseso.
4. ан̃н̃аман̃н̃ажад̇уггам̣
4. Aññamaññacatukkaṃ
246. ан̃н̃аман̃н̃ажад̇уггзби авиж̇ж̇аабажжаяаад̇и сахаж̇аад̇аад̣̇ибажжаяавасзна сан̇каарасса авиж̇ж̇аабажжаяад̇ам̣ д̣̇ассзд̇ваа ‘‘сан̇каарабажжаяааби авиж̇ж̇аа’’д̇и ан̃н̃аман̃н̃абажжаяад̇аа д̣̇ассид̇аа. сзсабад̣̇зсуби зсзва наяо. яасмаа бана бхаво ниббад̣̇зсо, убаад̣̇аанам̣ саббад̣̇зсам̣, саббад̣̇зсад̇хаммо жа ниббад̣̇зсад̇хаммасса бажжаяо ход̇и, на ниббад̣̇зсад̇хаммо саббад̣̇зсад̇хаммасса, д̇асмаа зд̇т̇а ‘‘бхавабажжаяааби убаад̣̇аана’’нд̇и на вуд̇д̇ам̣; хздтаа ваа д̣̇зсанааяа бажчиннад̇д̇аа звам̣ на вуд̇д̇ам̣ . яасмаа жа наамаруубабажжаяаа сал̣ааяад̇анам̣ ад̇т̇и, сал̣ааяад̇анабажжаяаа згажид̇д̇агкан̣з наамаруубам̣ над̇т̇и, яасса сал̣ааяад̇анам̣ ан̃н̃аман̃н̃абажжаяо бхавзяяа, д̇асмаа жад̇уд̇т̇аваарз ‘‘чадтааяад̇анабажжаяааби наамарууба’’нд̇и яам̣ лаб̣бхад̇и д̇ад̣̇зва г̇ахид̇анд̇и зса ан̃н̃аман̃н̃ажад̇уггз висзсо.
246. Aññamaññacatukkepi avijjāpaccayāti sahajātādipaccayavasena saṅkhārassa avijjāpaccayataṃ dassetvā ‘‘saṅkhārapaccayāpi avijjā’’ti aññamaññapaccayatā dassitā. Sesapadesupi eseva nayo. Yasmā pana bhavo nippadeso, upādānaṃ sappadesaṃ, sappadesadhammo ca nippadesadhammassa paccayo hoti, na nippadesadhammo sappadesadhammassa, tasmā ettha ‘‘bhavapaccayāpi upādāna’’nti na vuttaṃ; heṭṭhā vā desanāya pacchinnattā evaṃ na vuttaṃ . Yasmā ca nāmarūpapaccayā saḷāyatanaṃ atthi, saḷāyatanapaccayā ekacittakkhaṇe nāmarūpaṃ natthi, yassa saḷāyatanaṃ aññamaññapaccayo bhaveyya, tasmā catutthavāre ‘‘chaṭṭhāyatanapaccayāpi nāmarūpa’’nti yaṃ labbhati tadeva gahitanti esa aññamaññacatukke viseso.
авиж̇ж̇аамуулаганаяамаад̇игаа.
Avijjāmūlakanayamātikā.
сан̇каараад̣̇имуулаганаяамаад̇игаа
Saṅkhārādimūlakanayamātikā
247. ид̣̇аани сан̇каарабажжаяаа авиж̇ж̇аад̇и сан̇каарамуулаганаяо аарад̣̇д̇хо. д̇ад̇т̇ааби яат̇аа авиж̇ж̇аамуулагз звам̣ жад̇д̇аари жад̇уггаани сол̣аса жа ваараа взд̣̇ид̇аб̣б̣аа. батамажад̇уггз бана батамаваарамзва д̣̇ассзд̇ваа д̣̇зсанаа сам̣кид̇д̇аа. яат̇аа жзд̇т̇а звам̣ вин̃н̃аан̣амуулагаад̣̇ийсуби. д̇ад̇т̇а саб̣б̣зсвзва д̇зсу сан̇каарамуулагаад̣̇ийсу адтасу наязсу ‘‘сан̇каарабажжаяаа авиж̇ж̇аа’’д̇иаад̣̇инаа наязна сахаж̇аад̇аад̣̇ибажжаяавасзна авиж̇ж̇ааяа сан̇каараад̣̇ибажжаяад̇ам̣ д̣̇ассзд̇ваа буна ‘‘авиж̇ж̇аабажжаяаа сан̇каараа’’д̇иаад̣̇инаа наязна згажид̇д̇агкан̣зби бажжаяаагааражаггасса бавад̇д̇и д̣̇ассид̇аа.
247. Idāni saṅkhārapaccayā avijjāti saṅkhāramūlakanayo āraddho. Tatthāpi yathā avijjāmūlake evaṃ cattāri catukkāni soḷasa ca vārā veditabbā. Paṭhamacatukke pana paṭhamavārameva dassetvā desanā saṃkhittā. Yathā cettha evaṃ viññāṇamūlakādīsupi. Tattha sabbesveva tesu saṅkhāramūlakādīsu aṭṭhasu nayesu ‘‘saṅkhārapaccayā avijjā’’tiādinā nayena sahajātādipaccayavasena avijjāya saṅkhārādipaccayataṃ dassetvā puna ‘‘avijjāpaccayā saṅkhārā’’tiādinā nayena ekacittakkhaṇepi paccayākāracakkassa pavatti dassitā.
гасмаа бана бхавамуулагаа ж̇аад̇иж̇араамаран̣амуулагаа ваа наяаа на вуд̇д̇аа? гим̣ бхавабажжаяаа авиж̇ж̇аа на ход̇ийд̇и? но на ход̇и. ‘‘сан̇каарабажжаяаа авиж̇ж̇аа’’д̇и звамаад̣̇ийсу бана вужжамаанзсу на гожи бхавабарияаабанно д̇хаммо авиж̇ж̇ааяа бажжаяо на вуд̇д̇о. д̇асмаа абуб̣б̣асса ан̃н̃асса авиж̇ж̇аабажжаяасса вад̇д̇аб̣б̣асса абхаавад̇о бхавамуулаго наяо на вуд̇д̇о. бхаваг̇г̇ахан̣зна жа авиж̇ж̇ааби сан̇г̇ахам̣ г̇ажчад̇и. д̇асмаа ‘‘бхавабажжаяаа авиж̇ж̇аа’’д̇и вужжамаанз ‘‘авиж̇ж̇аабажжаяаа авиж̇ж̇аа’’д̇иби вуд̇д̇ам̣ сияаа. на жа згажид̇д̇агкан̣з авиж̇ж̇аа авиж̇ж̇ааяа бажжаяо наама ход̇и. д̇ад̇т̇а бажчиннад̇д̇аава ж̇аад̇иж̇араамаран̣амуулагааби наяаа на г̇ахид̇аа. абижа бхавз ж̇аад̇иж̇араамаран̣ааниби анд̇ог̇ад̇хаани. на жзд̇аани згажид̇д̇агкан̣з авиж̇ж̇ааяа бажжаяаа хонд̇ийд̇и бхавамуулагаа ж̇аад̇иж̇араамаран̣амуулагаа ваа наяаа на вуд̇д̇аад̇и.
Kasmā pana bhavamūlakā jātijarāmaraṇamūlakā vā nayā na vuttā? Kiṃ bhavapaccayā avijjā na hotīti? No na hoti. ‘‘Saṅkhārapaccayā avijjā’’ti evamādīsu pana vuccamānesu na koci bhavapariyāpanno dhammo avijjāya paccayo na vutto. Tasmā apubbassa aññassa avijjāpaccayassa vattabbassa abhāvato bhavamūlako nayo na vutto. Bhavaggahaṇena ca avijjāpi saṅgahaṃ gacchati. Tasmā ‘‘bhavapaccayā avijjā’’ti vuccamāne ‘‘avijjāpaccayā avijjā’’tipi vuttaṃ siyā. Na ca ekacittakkhaṇe avijjā avijjāya paccayo nāma hoti. Tattha pacchinnattāva jātijarāmaraṇamūlakāpi nayā na gahitā. Apica bhave jātijarāmaraṇānipi antogadhāni. Na cetāni ekacittakkhaṇe avijjāya paccayā hontīti bhavamūlakā jātijarāmaraṇamūlakā vā nayā na vuttāti.
маад̇игааван̣н̣анаа.
Mātikāvaṇṇanā.
агусаланид̣̇д̣̇зсаван̣н̣анаа
Akusalaniddesavaṇṇanā
248-249. ид̣̇аани яат̇аа хздтаа жид̇д̇уббаад̣̇аган̣д̣з гусалад̇д̇игам̣ аад̣̇им̣ гад̇ваа нигкид̇д̇амаад̇игааяа бадибаадияаа батамам̣ гусалам̣ бхааж̇ид̇ам̣, д̇ат̇аа ид̇ха маад̇игааяа анигкид̇д̇ад̇д̇аа батамам̣ гусалам̣ анаамасид̇ваа ‘‘авиж̇ж̇аабажжаяаа сан̇кааро’’д̇и агусалад̇хаммавасзна маад̇игааяа нигкид̇д̇ад̇д̇аа нигкзбабадибаадияаава авиж̇ж̇аад̣̇ийни бадижжасамуббаад̣̇ан̇г̇аани бхааж̇зд̇ваа д̣̇ассзд̇ум̣ гад̇амз д̇хаммаа агусалаад̇иаад̣̇имааха. д̇ассад̇т̇о хздтаа жид̇д̇уббаад̣̇аган̣д̣з (д̇ха. са. адта. 365) вуд̇д̇анаязнзва взд̣̇ид̇аб̣б̣о. яасмаа бана згажид̇д̇агкан̣з д̇ан̣хааяа жа гаамубаад̣̇аанасса жа самбхаво над̇т̇и, д̇асмаа яам̣ зд̇т̇а д̇ан̣хаабажжаяаа убаад̣̇аанам̣ лаб̣бхад̇и, д̇ад̣̇зва д̣̇ассзд̇ум̣ д̣̇идти д̣̇идтиг̇ад̇анд̇иаад̣̇и вуд̇д̇ам̣.
248-249. Idāni yathā heṭṭhā cittuppādakaṇḍe kusalattikaṃ ādiṃ katvā nikkhittamātikāya paṭipāṭiyā paṭhamaṃ kusalaṃ bhājitaṃ, tathā idha mātikāya anikkhittattā paṭhamaṃ kusalaṃ anāmasitvā ‘‘avijjāpaccayā saṅkhāro’’ti akusaladhammavasena mātikāya nikkhittattā nikkhepapaṭipāṭiyāva avijjādīni paṭiccasamuppādaṅgāni bhājetvā dassetuṃ katame dhammāakusalātiādimāha. Tassattho heṭṭhā cittuppādakaṇḍe (dha. sa. aṭṭha. 365) vuttanayeneva veditabbo. Yasmā pana ekacittakkhaṇe taṇhāya ca kāmupādānassa ca sambhavo natthi, tasmā yaṃ ettha taṇhāpaccayā upādānaṃ labbhati, tadeva dassetuṃ diṭṭhi diṭṭhigatantiādi vuttaṃ.
бхаванид̣̇д̣̇зсз жа яасмаа убаад̣̇аанам̣ сан̇каарагканд̇хз сан̇г̇ахам̣ г̇ажчад̇и, д̇асмаа ‘‘табзд̇ваа убаад̣̇аанам̣ взд̣̇анаагканд̇хо сан̃н̃аагканд̇хо сан̇каарагканд̇хо вин̃н̃аан̣агканд̇хо’’д̇и вуд̇д̇ам̣. зван̃хи вужжамаанз убаад̣̇аанасса убаад̣̇аанабажжаяад̇д̇ам̣ аабаж̇ж̇зяяа. на жа д̇ад̣̇зва д̇асса бажжаяо ход̇и. ж̇аад̇иаад̣̇инид̣̇д̣̇зсзсу яасмаа зд̇з аруубад̇хаммаанам̣ ж̇аад̇иаад̣̇аяо, д̇асмаа ‘‘кан̣д̣ижжам̣, баалижжам̣, валид̇д̇ажад̇аа, жуд̇и, жаванад̇аа’’д̇и на вуд̇д̇ам̣.
Bhavaniddese ca yasmā upādānaṃ saṅkhārakkhandhe saṅgahaṃ gacchati, tasmā ‘‘ṭhapetvā upādānaṃ vedanākkhandho saññākkhandho saṅkhārakkhandho viññāṇakkhandho’’ti vuttaṃ. Evañhi vuccamāne upādānassa upādānapaccayattaṃ āpajjeyya. Na ca tadeva tassa paccayo hoti. Jātiādiniddesesu yasmā ete arūpadhammānaṃ jātiādayo, tasmā ‘‘khaṇḍiccaṃ, pāliccaṃ, valittacatā, cuti, cavanatā’’ti na vuttaṃ.
250. звам̣ батамаваарам̣ нидтабзд̇ваа буна д̣̇уд̇ияаваарз яасмим̣ самаяз батамаваарзна бажжаяаагааро д̣̇ассид̇о, д̇асмим̣язва самаяз абарзнаби наязна бажжаяаагаарам̣ д̣̇ассзд̇ум̣ висум̣ самаяававад̇т̇аанаваарам̣ авад̇ваа д̇асмим̣ самаяз авиж̇ж̇аабажжаяаа сан̇каарод̇иаад̣̇инаава наязна д̣̇зсанаа гад̇аа. д̇ад̇т̇а табзд̇ваа пассанд̇и ид̣̇ам̣ яасмаа пассоби наамабарияаабанно, д̇асмаа пассасса наамад̇о нийхаран̣ад̇т̇ам̣ вуд̇д̇ам̣.
250. Evaṃ paṭhamavāraṃ niṭṭhapetvā puna dutiyavāre yasmiṃ samaye paṭhamavārena paccayākāro dassito, tasmiṃyeva samaye aparenapi nayena paccayākāraṃ dassetuṃ visuṃ samayavavatthānavāraṃ avatvā tasmiṃ samaye avijjāpaccayā saṅkhārotiādināva nayena desanā katā. Tattha ṭhapetvā phassanti idaṃ yasmā phassopi nāmapariyāpanno, tasmā phassassa nāmato nīharaṇatthaṃ vuttaṃ.
252. д̇ад̇ияаваарз яасса жид̇д̇асамудтаанаруубасса вин̃н̃аан̣ам̣ бажжаяо, д̇асмим̣ бавад̇д̇амаанз яасмаа д̇знубад̇т̇ад̣̇д̇хаанам̣ жагкааяад̇анаад̣̇ийнам̣ убажид̇ад̇д̇ам̣ бан̃н̃ааяад̇и, д̇асмаа жагкааяад̇анасса убажаяод̇иаад̣̇и вуд̇д̇ам̣. яасмаа жа гаммаж̇аруубассаби д̇асмим̣ самаяз вад̇д̇амаанасса вин̃н̃аан̣ам̣ бажчааж̇аад̇абажжаязна бажжаяо ход̇и, д̇асмааби звам̣ вуд̇д̇ам̣. д̇ад̇т̇а гин̃жааби гаммаж̇ам̣ жид̇д̇асамудтаананд̇и д̣̇взва санд̇ад̇ияо г̇ахид̇аа, ид̇арааби бана д̣̇вз санд̇ад̇ияо г̇ахзд̇аб̣б̣аа. д̇аасамби хи вин̃н̃аан̣ам̣ бажжаяо ход̇иязва.
252. Tatiyavāre yassa cittasamuṭṭhānarūpassa viññāṇaṃ paccayo, tasmiṃ pavattamāne yasmā tenupatthaddhānaṃ cakkhāyatanādīnaṃ upacitattaṃ paññāyati, tasmā cakkhāyatanassa upacayotiādi vuttaṃ. Yasmā ca kammajarūpassapi tasmiṃ samaye vattamānassa viññāṇaṃ pacchājātapaccayena paccayo hoti, tasmāpi evaṃ vuttaṃ. Tattha kiñcāpi kammajaṃ cittasamuṭṭhānanti dveva santatiyo gahitā, itarāpi pana dve santatiyo gahetabbā. Tāsampi hi viññāṇaṃ paccayo hotiyeva.
254. жад̇уд̇т̇аваарз бана яасмаа згажид̇д̇агкан̣зби махаабхууд̇аруубабажжаяаа жагкааяад̇анаад̣̇ийни, хад̣̇аяаруубабажжаяаа чадтааяад̇анам̣, наамабажжаяаа жа бажчааж̇аад̇асахаж̇аад̇аад̣̇ивасзна яат̇аануруубам̣ саб̣б̣ааниби бавад̇д̇анд̇и, д̇асмаа д̇ад̇т̇а гад̇амам̣ наамаруубабажжаяаа сал̣ааяад̇анам̣? жагкааяад̇ананд̇иаад̣̇и вуд̇д̇ам̣.
254. Catutthavāre pana yasmā ekacittakkhaṇepi mahābhūtarūpapaccayā cakkhāyatanādīni, hadayarūpapaccayā chaṭṭhāyatanaṃ, nāmapaccayā ca pacchājātasahajātādivasena yathānurūpaṃ sabbānipi pavattanti, tasmā tattha katamaṃ nāmarūpapaccayā saḷāyatanaṃ? Cakkhāyatanantiādi vuttaṃ.
256. д̣̇уд̇ияажад̇уггз саб̣б̣ам̣ уд̇д̇аанамзва.
256. Dutiyacatukke sabbaṃ uttānameva.
264. д̇ад̇ияажад̇уггз яасса самбаяуд̇д̇абажжаяабхааво на ход̇и, яасса жа ход̇и, д̇ам̣ висум̣ висум̣ д̣̇ассзд̇ум̣ ид̣̇ам̣ вужжад̇и вин̃н̃аан̣абажжаяаа наамаруубам̣ вин̃н̃аан̣асамбаяуд̇д̇ам̣ нааманд̇иаад̣̇и вуд̇д̇ам̣.
264. Tatiyacatukke yassa sampayuttapaccayabhāvo na hoti, yassa ca hoti, taṃ visuṃ visuṃ dassetuṃ idaṃ vuccati viññāṇapaccayā nāmarūpaṃ viññāṇasampayuttaṃ nāmantiādi vuttaṃ.
272. жад̇уд̇т̇ажад̇уггз пассабажжаяаа нааманид̣̇д̣̇зсз гин̃жааби ‘‘табзд̇ваа пассам̣ взд̣̇анаагканд̇хо…бз… вин̃н̃аан̣агканд̇хо – ид̣̇ам̣ вужжад̇и пассабажжаяаа наама’’нд̇и на вуд̇д̇ам̣, д̇ат̇ааби ананд̇араад̇ийд̇абад̣̇анид̣̇д̣̇зсз ‘‘табзд̇ваа пассам̣ взд̣̇анаагканд̇хо…бз… вин̃н̃аан̣агканд̇хо’’д̇и вуд̇д̇ад̇д̇аа авуд̇д̇амби д̇ам̣ вуд̇д̇амзва ход̇и. яад̣̇зва хи наамам̣ пассасса бажжаяо, пассоби д̇ассзва бажжаяод̇и.
272. Catutthacatukke phassapaccayā nāmaniddese kiñcāpi ‘‘ṭhapetvā phassaṃ vedanākkhandho…pe… viññāṇakkhandho – idaṃ vuccati phassapaccayā nāma’’nti na vuttaṃ, tathāpi anantarātītapadaniddese ‘‘ṭhapetvā phassaṃ vedanākkhandho…pe… viññāṇakkhandho’’ti vuttattā avuttampi taṃ vuttameva hoti. Yadeva hi nāmaṃ phassassa paccayo, phassopi tasseva paccayoti.
яат̇аа жааяам̣ жад̇ужад̇угго сол̣асаваараббабхзд̣̇о авиж̇ж̇аамуулаго батаманаяо зд̇асмим̣ батамаагусалажид̇д̇з багаасид̇о, звам̣ сан̇каарамуулагаад̣̇аяо адта наяааби взд̣̇ид̇аб̣б̣аа. баал̣и бана сам̣кид̇д̇аа. звамзва д̇асмим̣ батамаагусалажид̇д̇зязва нава наяаа, чад̇д̇им̣са жад̇уггаани, жад̇ужад̇д̇аалийсаад̇хиган̃жа ваарасад̇ам̣ ход̇ийд̇и взд̣̇ид̇аб̣б̣ам̣.
Yathā cāyaṃ catucatukko soḷasavārappabhedo avijjāmūlako paṭhamanayo etasmiṃ paṭhamākusalacitte pakāsito, evaṃ saṅkhāramūlakādayo aṭṭha nayāpi veditabbā. Pāḷi pana saṃkhittā. Evameva tasmiṃ paṭhamākusalacitteyeva nava nayā, chattiṃsa catukkāni, catucattālīsādhikañca vārasataṃ hotīti veditabbaṃ.
280. ид̣̇аани иминаава наязна сзсаагусалажид̇д̇зсуби бажжаяаагаарам̣ д̣̇ассзд̇ум̣ гад̇амз д̇хаммаа агусалаад̇иаад̣̇и аарад̣̇д̇хам̣. д̇ад̇т̇а яасмаа д̣̇идтивиббаяуд̇д̇зсу д̇ан̣хаабажжаяаа убаад̣̇аанам̣ над̇т̇и, д̇асмаа убаад̣̇аанадтаанз убаад̣̇аанам̣ вияа д̣̇ал̣ханибаад̇инаа ад̇химогкзна бад̣̇ам̣ буурид̇ам̣. д̣̇оманассасахаг̇ад̇зсу жа яасмаа взд̣̇анаабажжаяаа д̇ан̣хааби над̇т̇и, д̇асмаа д̇ан̣хаадтаанз д̇ан̣хаа вияа б̣алавагилзсзна бадигхзна бад̣̇ам̣ буурид̇ам̣. убаад̣̇аанадтаанз ад̇химогкзнзва. вижигижчаасамбаяуд̇д̇з бана яасмаа саннидтаанаабхаавад̇о ад̇химогкоби над̇т̇и, д̇асмаа д̇ан̣хаадтаанз б̣алавагилзсабхууд̇ааяа вижигижчааяа бад̣̇ам̣ буурид̇ам̣. убаад̣̇аанадтаанам̣ барихийнамзва. уд̣̇д̇хажжасамбаяуд̇д̇з бана яасмаа ад̇химогко ад̇т̇и, д̇асмаа д̇ан̣хаадтаанз б̣алавагилзсзна уд̣̇д̇хажжзна бад̣̇ам̣ буурид̇ам̣. убаад̣̇аанадтаанз ад̇химогкзнзва. саб̣б̣ад̇т̇зва жа висзсамад̇д̇ам̣ д̣̇ассзд̇ваа баал̣и сам̣кид̇д̇аа. яо жааяам̣ висзсо д̣̇ассид̇о, д̇ад̇т̇а гзвалам̣ ад̇химогканид̣̇д̣̇зсова абуб̣б̣о. сзсам̣ хздтаа ааг̇ад̇амзва.
280. Idāni imināva nayena sesākusalacittesupi paccayākāraṃ dassetuṃ katame dhammā akusalātiādi āraddhaṃ. Tattha yasmā diṭṭhivippayuttesu taṇhāpaccayā upādānaṃ natthi, tasmā upādānaṭṭhāne upādānaṃ viya daḷhanipātinā adhimokkhena padaṃ pūritaṃ. Domanassasahagatesu ca yasmā vedanāpaccayā taṇhāpi natthi, tasmā taṇhāṭṭhāne taṇhā viya balavakilesena paṭighena padaṃ pūritaṃ. Upādānaṭṭhāne adhimokkheneva. Vicikicchāsampayutte pana yasmā sanniṭṭhānābhāvato adhimokkhopi natthi, tasmā taṇhāṭṭhāne balavakilesabhūtāya vicikicchāya padaṃ pūritaṃ. Upādānaṭṭhānaṃ parihīnameva. Uddhaccasampayutte pana yasmā adhimokkho atthi, tasmā taṇhāṭṭhāne balavakilesena uddhaccena padaṃ pūritaṃ. Upādānaṭṭhāne adhimokkheneva. Sabbattheva ca visesamattaṃ dassetvā pāḷi saṃkhittā. Yo cāyaṃ viseso dassito, tattha kevalaṃ adhimokkhaniddesova apubbo. Sesaṃ heṭṭhā āgatameva.
ад̇химогканид̣̇д̣̇зсз бана ад̇химужжанавасзна ад̇химогко. ад̇химужжад̇и ваа д̇зна аарамман̣з жид̇д̇ам̣ ниб̣б̣ижигижчад̇ааяа саннидтаанам̣ г̇ажчад̇ийд̇и ад̇химогко. ад̇химужжанаагааро ад̇химужжанаа. д̇асса жид̇д̇асса, д̇асмим̣ ваа аарамман̣з ад̇химуд̇д̇ад̇д̇аад̇и д̇ад̣̇ад̇химуд̇д̇ад̇аа. саб̣б̣ажид̇д̇зсу жа батамажид̇д̇з вуд̇д̇анаязнзва наяажад̇уггаваараббабхзд̣̇о взд̣̇ид̇аб̣б̣о. гзвалан̃хи вижигижчаасамбаяуд̇д̇з убаад̣̇аанамуулагасса наяасса абхааваа адта наяаа, д̣̇вад̇д̇им̣са жад̇уггаани, адтавийсаад̇хиган̃жа ваарасад̇ам̣ ход̇ийд̇и.
Adhimokkhaniddese pana adhimuccanavasena adhimokkho. Adhimuccati vā tena ārammaṇe cittaṃ nibbicikicchatāya sanniṭṭhānaṃ gacchatīti adhimokkho. Adhimuccanākāro adhimuccanā. Tassa cittassa, tasmiṃ vā ārammaṇe adhimuttattāti tadadhimuttatā. Sabbacittesu ca paṭhamacitte vuttanayeneva nayacatukkavārappabhedo veditabbo. Kevalañhi vicikicchāsampayutte upādānamūlakassa nayassa abhāvā aṭṭha nayā, dvattiṃsa catukkāni, aṭṭhavīsādhikañca vārasataṃ hotīti.
агусаланид̣̇д̣̇зсаван̣н̣анаа.
Akusalaniddesavaṇṇanā.
гусаланид̣̇д̣̇зсаван̣н̣анаа
Kusalaniddesavaṇṇanā
292. ид̣̇аани иминаава наязна гусалажид̇д̇аад̣̇ийсуби бажжаяаагаарам̣ д̣̇ассзд̇ум̣ гад̇амз д̇хаммаа гусалаад̇иаад̣̇и аарад̣̇д̇хам̣. яат̇аа бана агусалз батамам̣ маад̇игам̣ нигкибид̇ваа бажчаа нид̣̇д̣̇зсо гад̇о, на д̇ат̇аа ид̇ха. гасмаа? аббанааваарз наанад̇д̇асамбхавад̇о. логияагусалаад̣̇ийсу хи д̇зсам̣ д̇хаммаанам̣ д̣̇угкасажжабарияаабаннад̇д̇аа ‘‘звамзд̇асса гзваласса д̣̇угкагканд̇хассаа’’д̇и аббанаа ход̇и, логуд̇д̇арагусалаад̣̇ийсу ‘‘звамзд̇зсам̣ д̇хаммаана’’нд̇и. д̇асмаа зд̇т̇а саад̇хааран̣ад̇о маад̇игам̣ табзд̇ум̣ на саггаад̇и баадиязггам̣ д̇зсам̣ д̇зсам̣ гусалаад̣̇ийнам̣ маад̇игам̣ уд̣̇д̣̇исид̇ваава нид̣̇д̣̇зсо гад̇од̇и.
292. Idāni imināva nayena kusalacittādīsupi paccayākāraṃ dassetuṃ katame dhammā kusalātiādi āraddhaṃ. Yathā pana akusale paṭhamaṃ mātikaṃ nikkhipitvā pacchā niddeso kato, na tathā idha. Kasmā? Appanāvāre nānattasambhavato. Lokiyakusalādīsu hi tesaṃ dhammānaṃ dukkhasaccapariyāpannattā ‘‘evametassa kevalassa dukkhakkhandhassā’’ti appanā hoti, lokuttarakusalādīsu ‘‘evametesaṃ dhammāna’’nti. Tasmā ettha sādhāraṇato mātikaṃ ṭhapetuṃ na sakkāti pāṭiyekkaṃ tesaṃ tesaṃ kusalādīnaṃ mātikaṃ uddisitvāva niddeso katoti.
д̇ад̇т̇а яасмаа згажид̇д̇агкан̣з гусаласан̇каарзна сад̣̇д̇хим̣ авиж̇ж̇аа над̇т̇и, д̇асмаа д̇ам̣ авад̇ваа, авиж̇ж̇аа вияа агусалаанам̣, гусалаанам̣ муулад̇о гусаламуулам̣, д̇ан̣хубаад̣̇аанаанан̃жа абхаавад̇о д̇ан̣хаадтаанз д̇ан̣хаа вияа аарамман̣з аж̇жхог̇аал̣хо басаад̣̇о, убаад̣̇аанадтаанз убаад̣̇аанам̣ вияа д̣̇ал̣ханибаад̇ий наама ад̇химогко вуд̇д̇о. сзсам̣ хздтаа вуд̇д̇анаязнзва взд̣̇ид̇аб̣б̣анд̇и.
Tattha yasmā ekacittakkhaṇe kusalasaṅkhārena saddhiṃ avijjā natthi, tasmā taṃ avatvā, avijjā viya akusalānaṃ, kusalānaṃ mūlato kusalamūlaṃ, taṇhupādānānañca abhāvato taṇhāṭṭhāne taṇhā viya ārammaṇe ajjhogāḷho pasādo, upādānaṭṭhāne upādānaṃ viya daḷhanipātī nāma adhimokkho vutto. Sesaṃ heṭṭhā vuttanayeneva veditabbanti.
гусаланид̣̇д̣̇зсаван̣н̣анаа.
Kusalaniddesavaṇṇanā.
аб̣яаагад̇анид̣̇д̣̇зсаван̣н̣анаа
Abyākataniddesavaṇṇanā
306. аб̣яаагад̇ам̣ хздтаа жид̇д̇уббаад̣̇аган̣д̣з ааг̇ад̇абадибаадияаава вибхад̇д̇ам̣. саб̣б̣аваарзсу жа авиж̇ж̇аамуулагаа наяаа барихийнаа. гасмаа? авиж̇ж̇аадтаанз табзд̇аб̣б̣асса абхаавад̇о. гусалажид̇д̇зсу хи авиж̇ж̇аадтаанз табзд̇аб̣б̣ам̣ гусаламуулам̣ ад̇т̇и, жагкувин̃н̃аан̣аад̣̇ийсу над̇т̇и. сахзд̇угзсу бана гин̃жааби ад̇т̇и, звам̣ санд̇зби ид̇ха бажчиннад̇д̇аа д̇ад̇т̇а на г̇ахид̇ам̣. бан̃жавин̃н̃аан̣асод̇з сод̇абад̇ид̇аава худ̇ваа д̣̇зсанаа гад̇аад̇и взд̣̇ид̇аб̣б̣аа.
306. Abyākataṃ heṭṭhā cittuppādakaṇḍe āgatapaṭipāṭiyāva vibhattaṃ. Sabbavāresu ca avijjāmūlakā nayā parihīnā. Kasmā? Avijjāṭṭhāne ṭhapetabbassa abhāvato. Kusalacittesu hi avijjāṭṭhāne ṭhapetabbaṃ kusalamūlaṃ atthi, cakkhuviññāṇādīsu natthi. Sahetukesu pana kiñcāpi atthi, evaṃ santepi idha pacchinnattā tattha na gahitaṃ. Pañcaviññāṇasote sotapatitāva hutvā desanā katāti veditabbā.
висзсад̇о банзд̇т̇а жагкувин̃н̃аан̣аад̣̇ийсу д̇ан̣хаадтаанам̣ убаад̣̇аанадтаанан̃жа барихийнам̣. гасмаа? д̇ан̣хаадтаанаарахасса б̣алавад̇хаммасса абхааваа ад̇химогкарахид̇ад̇д̇аа жа. сзсаахзд̇угзсу д̇ан̣хаадтаанамзва барихийнам̣. сахзд̇угзсу басаад̣̇асаб̣бхаавад̇о д̇ан̣хаадтаанз басаад̣̇зна бад̣̇ам̣ буурид̇ам̣. звамзд̇т̇а гусалаагусалавибаагзсу жагкувин̃н̃аан̣аад̣̇ийсу сан̇кааравин̃н̃аан̣анаамачадтааяад̇анапассавзд̣̇анаамуулагаа ча ча, сзсаахзд̇угзсу ад̇химогкамуулагзна сад̣̇д̇хим̣ сад̇д̇а сад̇д̇а, сахзд̇угзсу басаад̣̇амуулагзна сад̣̇д̇хим̣ адта адта наяаа взд̣̇ид̇аб̣б̣аа.
Visesato panettha cakkhuviññāṇādīsu taṇhāṭṭhānaṃ upādānaṭṭhānañca parihīnaṃ. Kasmā? Taṇhāṭṭhānārahassa balavadhammassa abhāvā adhimokkharahitattā ca. Sesāhetukesu taṇhāṭṭhānameva parihīnaṃ. Sahetukesu pasādasabbhāvato taṇhāṭṭhāne pasādena padaṃ pūritaṃ. Evamettha kusalākusalavipākesu cakkhuviññāṇādīsu saṅkhāraviññāṇanāmachaṭṭhāyatanaphassavedanāmūlakā cha cha, sesāhetukesu adhimokkhamūlakena saddhiṃ satta satta, sahetukesu pasādamūlakena saddhiṃ aṭṭha aṭṭha nayā veditabbā.
д̇ад̇т̇а жагкувин̃н̃аан̣аад̣̇ийсуби жад̇уннамби жад̇уггаанам̣ аад̣̇иваарова вуд̇д̇о. д̣̇уд̇ияавааро бажжаяависзсадтзна лаб̣бхамааноби на вуд̇д̇о. д̇ад̇ияажад̇уд̇т̇аваараа асамбхавад̇оязва. руубамиссагаа хи д̇з, на жа жагкувин̃н̃аан̣аад̣̇ийни руубам̣ самудтаабзнд̇и. яат̇аа жа батамажад̇уггз д̣̇вз ваараа лаб̣бханд̇и, звам̣ сзсажад̇уггзсуби. д̇асмаа батамажад̇уггз д̣̇уд̇ияавааро, сзсажад̇уггзсу жа д̣̇вз д̣̇вз ваараа авуд̇д̇ааби вуд̇д̇аава хонд̇ийд̇и взд̣̇ид̇аб̣б̣аа. сзсаахзд̇угааб̣яаагад̇з саб̣б̣ажад̇уггзсу саб̣б̣зби ваараа лаб̣бханд̇и. ид̇ха бажчиннад̇д̇аа бана барад̇о на г̇ахид̇аа. сод̇абад̇ид̇аава худ̇ваа д̣̇зсанаа гад̇аад̇и. сзсасахзд̇угавибаагзсуби зсзва наяо ан̃н̃ад̇ра аруубааважаравибаагаа. аруубааважаравибаагасмин̃хи ваарад̣̇ваяамзва лаб̣бхад̇ийд̇и.
Tattha cakkhuviññāṇādīsupi catunnampi catukkānaṃ ādivārova vutto. Dutiyavāro paccayavisesaṭṭhena labbhamānopi na vutto. Tatiyacatutthavārā asambhavatoyeva. Rūpamissakā hi te, na ca cakkhuviññāṇādīni rūpaṃ samuṭṭhāpenti. Yathā ca paṭhamacatukke dve vārā labbhanti, evaṃ sesacatukkesupi. Tasmā paṭhamacatukke dutiyavāro, sesacatukkesu ca dve dve vārā avuttāpi vuttāva hontīti veditabbā. Sesāhetukābyākate sabbacatukkesu sabbepi vārā labbhanti. Idha pacchinnattā pana parato na gahitā. Sotapatitāva hutvā desanā katāti. Sesasahetukavipākesupi eseva nayo aññatra arūpāvacaravipākā. Arūpāvacaravipākasmiñhi vāradvayameva labbhatīti.
аб̣яаагад̇анид̣̇д̣̇зсаван̣н̣анаа.
Abyākataniddesavaṇṇanā.
авиж̇ж̇аамуулагагусаланид̣̇д̣̇зсаван̣н̣анаа
Avijjāmūlakakusalaniddesavaṇṇanā
334. ид̣̇аани абарзна барияааязна згажид̇д̇агкан̣з бажжаяаагаарам̣ д̣̇ассзд̇ум̣ буна гад̇амз д̇хаммаа гусалаад̇иаад̣̇и аарад̣̇д̇хам̣. д̇ад̇т̇а авиж̇ж̇аабажжаяаад̇и убаниссаяабажжаяад̇ам̣ санд̇хааяа вуд̇д̇ам̣. д̇знзва нид̣̇д̣̇зсаваарз ‘‘д̇ад̇т̇а гад̇амаа авиж̇ж̇аа’’д̇и авибхаж̇ид̇ваа ‘‘д̇ад̇т̇а гад̇амо авиж̇ж̇аабажжаяаа сан̇кааро’’д̇и вибхад̇д̇ам̣. гусалажзд̇анаасан̇каад̇о хи сан̇каароязва д̇асмим̣ самаяз жид̇д̇зна сахаж̇аад̇о ход̇и, на авиж̇ж̇аа.
334. Idāni aparena pariyāyena ekacittakkhaṇe paccayākāraṃ dassetuṃ puna katame dhammākusalātiādi āraddhaṃ. Tattha avijjāpaccayāti upanissayapaccayataṃ sandhāya vuttaṃ. Teneva niddesavāre ‘‘tattha katamā avijjā’’ti avibhajitvā ‘‘tattha katamo avijjāpaccayā saṅkhāro’’ti vibhattaṃ. Kusalacetanāsaṅkhāto hi saṅkhāroyeva tasmiṃ samaye cittena sahajāto hoti, na avijjā.
д̇ад̇т̇а логияагусаласса хздтаа суд̇д̇анд̇абхааж̇анийяз вуд̇д̇анаязнзва авиж̇ж̇аа бажжаяо ход̇и. яасмаа бана аббахийнаавиж̇ж̇о авиж̇ж̇ааяа бахаанад̇т̇ам̣ логуд̇д̇арам̣ бхаавзд̇и, д̇асмаа д̇ассааби самад̇иггамавасзна бажжаяо ход̇и. авиж̇ж̇аавад̇оязва хи гусалааяууханам̣ ход̇и, на ид̇арасса. д̇ад̇т̇а д̇збхуумагагусалз саммохавасзнаби самад̇иггамабхааванаавасзнаби ааяууханам̣ лаб̣бхад̇и; логуд̇д̇арз самужчзд̣̇абхааванаавасзнаад̇и. сзсам̣ вуд̇д̇анаяамзва.
Tattha lokiyakusalassa heṭṭhā suttantabhājanīye vuttanayeneva avijjā paccayo hoti. Yasmā pana appahīnāvijjo avijjāya pahānatthaṃ lokuttaraṃ bhāveti, tasmā tassāpi samatikkamavasena paccayo hoti. Avijjāvatoyeva hi kusalāyūhanaṃ hoti, na itarassa. Tattha tebhūmakakusale sammohavasenapi samatikkamabhāvanāvasenapi āyūhanaṃ labbhati; lokuttare samucchedabhāvanāvasenāti. Sesaṃ vuttanayameva.
аяам̣ бана висзсо – яат̇аа хздтаа згзгагусалз жад̇уннам̣ жад̇уггаанам̣ васзна нава сол̣асагаа лад̣̇д̇хаа, д̇ат̇аа ид̇ха на лаб̣бханд̇и. гасмаа? авиж̇ж̇ааяа авиг̇ад̇асамбаяуд̇д̇аан̃н̃аман̃н̃абажжаяаабхаавад̇о. убаниссаяавасзна банзд̇т̇а батамажад̇уггамзва лаб̣бхад̇и. д̇амби батамаваарамзва д̣̇ассзд̇ваа сам̣кид̇д̇ам̣. нийхарид̇ваа бана д̣̇ассзд̇аб̣б̣анд̇и.
Ayaṃ pana viseso – yathā heṭṭhā ekekakusale catunnaṃ catukkānaṃ vasena nava soḷasakā laddhā, tathā idha na labbhanti. Kasmā? Avijjāya avigatasampayuttaaññamaññapaccayābhāvato. Upanissayavasena panettha paṭhamacatukkameva labbhati. Tampi paṭhamavārameva dassetvā saṃkhittaṃ. Nīharitvā pana dassetabbanti.
авиж̇ж̇аамуулагагусаланид̣̇д̣̇зсаван̣н̣анаа.
Avijjāmūlakakusalaniddesavaṇṇanā.
гусаламуулагавибааганид̣̇д̣̇зсаван̣н̣анаа
Kusalamūlakavipākaniddesavaṇṇanā
343. ид̣̇аани аб̣яаагад̇зсуби абарзнзва наязна бажжаяаагаарам̣ д̣̇ассзд̇ум̣ гад̇амз д̇хаммаа аб̣яаагад̇аад̇иаад̣̇и аарад̣̇д̇хам̣. д̇ад̇т̇а гусаламуулабажжаяаад̇и ид̣̇амби убаниссаяабажжаяад̇ам̣ санд̇хааяа вуд̇д̇ам̣. гусалавибаагасса хи гусаламуулам̣ , агусалавибаагасса жа агусаламуулам̣ убаниссаяабажжаяо ход̇и; наанаагкан̣игагаммабажжаяз бана вад̇д̇аб̣б̣амзва над̇т̇и. д̇асмаа зса убаниссаяабажжаязна жзва наанаагкан̣игагаммабажжаязна жа бажжаяо ход̇и. д̇знзва нид̣̇д̣̇зсаваарз ‘‘д̇ад̇т̇а гад̇амам̣ гусаламуула’’нд̇и авибхаж̇ид̇ваа ‘‘д̇ад̇т̇а гад̇амо гусаламуулабажжаяаа сан̇кааро’’д̇и вибхад̇д̇ам̣. агусалавибаагзби зсзва наяо.
343. Idāni abyākatesupi apareneva nayena paccayākāraṃ dassetuṃ katame dhammā abyākatātiādi āraddhaṃ. Tattha kusalamūlapaccayāti idampi upanissayapaccayataṃ sandhāya vuttaṃ. Kusalavipākassa hi kusalamūlaṃ , akusalavipākassa ca akusalamūlaṃ upanissayapaccayo hoti; nānākkhaṇikakammapaccaye pana vattabbameva natthi. Tasmā esa upanissayapaccayena ceva nānākkhaṇikakammapaccayena ca paccayo hoti. Teneva niddesavāre ‘‘tattha katamaṃ kusalamūla’’nti avibhajitvā ‘‘tattha katamo kusalamūlapaccayā saṅkhāro’’ti vibhattaṃ. Akusalavipākepi eseva nayo.
авиж̇ж̇аамуулагагусаланид̣̇д̣̇зсз вияа жа имасмимби вибааганид̣̇д̣̇зсз батамам̣ бажжаяажад̇уггамзва лаб̣бхад̇и. д̇амби батамаваарам̣ д̣̇ассзд̇ваа сам̣кид̇д̇ам̣. д̇асмаа згзгасмим̣ вибаагажид̇д̇з згамзгассзва жад̇уггасса васзна гусаламууламуулагз агусаламууламуулагз жа наяз ваараббабхзд̣̇о взд̣̇ид̇аб̣б̣о. гирияаад̇хаммаанам̣ бана яасмаа нзва авиж̇ж̇аа на гусалаагусаламуулаани убаниссаяабажжаяад̇ам̣ лабханд̇и, д̇асмаа гирияавасзна бажжаяаагааро на вуд̇д̇од̇и.
Avijjāmūlakakusalaniddese viya ca imasmimpi vipākaniddese paṭhamaṃ paccayacatukkameva labbhati. Tampi paṭhamavāraṃ dassetvā saṃkhittaṃ. Tasmā ekekasmiṃ vipākacitte ekamekasseva catukkassa vasena kusalamūlamūlake akusalamūlamūlake ca naye vārappabhedo veditabbo. Kiriyādhammānaṃ pana yasmā neva avijjā na kusalākusalamūlāni upanissayapaccayataṃ labhanti, tasmā kiriyavasena paccayākāro na vuttoti.
звамзса –
Evamesa –
агусалагусалааб̣яаагад̇а-д̇хаммзсу анзгабхзд̣̇ад̇о вад̇ваа;
Akusalakusalābyākata-dhammesu anekabhedato vatvā;
гусалаагусалаанам̣ бана, вибаагз жа убаниссаяавасзна.
Kusalākusalānaṃ pana, vipāke ca upanissayavasena.
буна згад̇хаава вуд̇д̇о, ваад̣̇иббаварзна бажжаяаагааро;
Puna ekadhāva vutto, vādippavarena paccayākāro;
д̇хаммаббажжаяабхзд̣̇з, н̃аан̣асса бабхзд̣̇аж̇ананад̇т̇ам̣.
Dhammappaccayabhede, ñāṇassa pabhedajananatthaṃ.
барияад̇д̇исаванажинд̇ана-бадибад̇д̇иггамавиваж̇ж̇ид̇аанан̃жа;
Pariyattisavanacintana-paṭipattikkamavivajjitānañca;
яасмаа н̃аан̣абабхзд̣̇о, на гад̣̇аажиби ход̇и зд̇асмим̣.
Yasmā ñāṇapabhedo, na kadācipi hoti etasmiṃ.
барияад̇д̇исаванажинд̇ана-бадибад̇д̇иггамад̇о сад̣̇аа д̇хийро;
Pariyattisavanacintana-paṭipattikkamato sadā dhīro;
д̇ад̇т̇а гаяираа на хан̃н̃ам̣, гаран̣ийяад̇арам̣ д̇ад̇о ад̇т̇ийд̇и.
Tattha kayirā na haññaṃ, karaṇīyataraṃ tato atthīti.
аяам̣ бана бажжаяаагааро суд̇д̇анд̇аабхид̇хаммабхааж̇анийяавасзна д̣̇взбариваддамзва нийхарид̇ваа бхааж̇зд̇ваа д̣̇ассид̇о ход̇и.
Ayaṃ pana paccayākāro suttantaabhidhammabhājanīyavasena dveparivaṭṭameva nīharitvā bhājetvā dassito hoti.
абхид̇хаммабхааж̇анийяаван̣н̣анаа.
Abhidhammabhājanīyavaṇṇanā.
саммохавинод̣̇анияаа вибхан̇г̇адтагат̇ааяа
Sammohavinodaniyā vibhaṅgaṭṭhakathāya
бадижжасамуббаад̣̇авибхан̇г̇аван̣н̣анаа нидтид̇аа.
Paṭiccasamuppādavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 6. бадижжасамуббаад̣̇авибхан̇г̇о • 6. Paṭiccasamuppādavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 6. бадижжасамуббаад̣̇авибхан̇г̇о • 6. Paṭiccasamuppādavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 6. бадижжасамуббаад̣̇авибхан̇г̇о • 6. Paṭiccasamuppādavibhaṅgo
